Wednesday, July 31, 2013

அப்ப கண்ணீர் விட்டு அழுதுடுங்க!!


எந்த ஒரு மனித உயிரும், தான் பூமியில் அவதரித்துவிட்டதை அழுகையின் மூலமே தெரிவிக்கிறது. குழந்தைப் பருவத்தின் எல்லா தேவைகளும் முக்கியமாகப் பசி, தூக்கம், பிரிவு, கோபம் என எல்லா உணர்வுகளும் அழுகையாகவே வெளிப்படுகின்றன. குழந்தைகள் மட்டுமே அழுகையை இயற்கையாக வெளிப்படுத்துகின்றனர். அதனாலேயே கண்களைக் கசக்கியபடி அழும் எந்தக் குழந்தையும் நம்மை வசீகரிக்கின்றன. அழுகையிலும் ஒரு அழகியல் வெளிப்படுவதற்கு குழந்தைகளின் அழுகையே சான்று.

மனிதன் வளர வளர, மனிதன் இப்படித்தான் வாழ வேண்டும் என்னும் சமுதாயக் கட்டமைப்பிற்குள் சிரமப்பட்டேனும் தன்னை அடைத்துக்கொள்ள முற்படும்போது அழுகை ஒரு அசிங்கமான செயல் என்றே நம்ப வைக்கப்படுகிறது. பொம்மை காணாமல் போனதற்காகவும், ஐஸ் வாங்கித் தரச் சொல்லியும், என்றைக்குமே வராத பூச்சாண்டிக்கும் பயந்து அழுதவன் குழந்தைப் பருவத்தைத் தாண்டியதும், பொங்கி வரும் அழுகையைக் கூட சிறு புன்சிரிப்பில் மறைத்துத் தானும் தைரியமானவனே என்று நிரூபிக்க வேண்டியிருக்கிறது. ஒருவகையில் எல்லா மனிதர்களும் இவ்விதமே அழுகையுடன் போராடி சிரிப்பைப் பூக்கின்றனர். பெண்களுக்கு மட்டும் அழுவதில் கொஞ்சம் சலுகை காட்டுகிறது நம் சமூகம்.

சோகங்களின் மிகச் சிறந்த வடிகாலாக இருப்பது அழுகையே.ஆயிரம் ஆறுதல் வார்த்தைகளை விடவும், அரை மணி நேர அழுகை அந்தச் சோகத்தைக் கண்ணீரகக் கரைத்து வெளியேற்றவல்லது. முன்னர் வாய்விட்டு சிரிப்பது மட்டுமே உடல் நலத்திற்கு நல்லது என்று மருத்துவர்கள் தெரிவித்துள்ளது போல் இப்போது கண்ணீர் விட்டு அழுவதும் கூட மிகவும் ஆரோக்கியமானதுதான் என்று கண்ணீர் விட்டு உறுதிப் படுத்துகிறார்கள் விஞ்ஞானிகள்.

அழுவதன் மூலம் மனதில் உள்ள அழுத்தம் கண்ணீர் மூலம் வெளியேறிவிடுகிறது. கண்களில் உள்ள அழுக்குகளும் நீங்குகின்றன. உடலுடன் உள்ளமும் ரிலாக்ஸ் ஆவதாக தெரிவிக்கின்றனர் மருத்துவர்கள். கண்ணீர் வகைகள் சோகத்தில் அழுவது, சந்தோஷத்தில் அழுவது, எரிச்சலில் அழுவது, உணர்ச்சி வசப்பட்டு அழுவது என கண்ணீர் பலவகைப்படும். மனிதர்களைப்போல விலங்குகளும் கண்ணீர் விட்டு அழுகின்றன. எனவே அழுவதற்காக வெட்கப்படத்தேவையில்லை. அழுகை என்பது ஆரோக்கியமானதே என்கின்றனர் மருத்துவர்கள். கண்ணீர் உருவாகக் காரணமான லாக்ரிமல் சுரப்பி காய்ந்து போனால் கண் உலர்ந்து விடும். கண்ணீரின் அளவு குறைந்து விடுவதால் கண்ணில் எரிச்சல் உணர்வு உண்டாகிறது. மண் விழுந்தது போன்ற கடுமையான எரிச்சலா கவும் இது இருக்கக்கூடும். வலி அதிகமாகும். கவனித்து சரி செய்து கொள்ளாமல் நீண்ட காலம் அலட்சியப்படுத்தினால் விழித்திரை யில் பாதிப்பு உண்டாகி பார்வையை இழக்க வேண்டி வரலாம். அதனால் அடிக்கடி அழுவது கூட நல்லது தான்.

கண்ணீர் உண்டாகவில்லையென்றால் அதற்கேற்ப மருத்துவரை நாடவேண்டும். உலர்கண்களை தடுக்க கண்ணில் உள்ள மூன்று வெவ்வேறு படலங்களின் கூட்டு முயற்சிதான் கண்ணீர். இவற்றில் வெளிப்புறமாக உள்ள மெல்லிய படலம் அங்கு சுரக்கும் நீர் (அதாவது இமை யில் உள்ள லிபிட்) ஆவியாக மாறுவதைத் தடுக்கிறது. நடுப்படலமான லாக்ரிமல் சுரப்பி களில் நீர் சுரக்கிறது. கண்ணீரில் உள்ள உப்பும் அமிலமும் ஓர் அளவுக்குள் இருப்பதையும் இது உறுதி செய்துகொள்கிறது. கண் தொற்றுகளுக்குஎதிராகச் செயற்படும் சக்தியும் கண்ணீருக்கு உண்டு. உள்ளே இருக்கும் படலம் கண்ணீரை விழித்திரையோடு ஒட்டிக்கொள்ள வைக்கிறது. அதாவது கண்ணீர் சட்டென வெளியேறிவிடுவதில்லை. இந்த மூன்று படலங்களில் எது செயற்படா விட்டாலும் விழித்திரை உலர்ந்துவிடும்.

மனபாரம் குறையும் வயதாக ஆக இந்தப் படலங்களில் இயல்பாக உள்ள எண் ணெய் சுரப்பி குறைந்துவிடுகிறது. இதன் காரணமாக கண்ணீர் விரைவில் ஆவியாகி விடுகிறது. சிலவகை ஆண்டியாடிக் மருந்துகளைத் தொடர்ந்து உட்கொள்ளும்போதும் இப்படி நேரலாம். கான்டாக்ட் லென்ஸ் அணியும் சிலருக்கு அதனாலேயே கண்களில் ஒவ்வாமை ஏற்படலாம். அதாவது அந்த லென்ஸ்கள் கண்ணீர்த் திவலைகளை உறிஞ்சிக் கொள்கின்றன. எனவே உலர்கண் கொண்டவர்கள் கான்டாக்ட் லென்ஸ் அணியக்கூடாது என்று மருத்துவர்கள் பரிந்துரைக்கின்றனர். சந்தோசமென்றால் மகிழ்ச்சியை சிரிப்பாக வெளிப்படுத்துவதைப்போல துக்கமென்றால் அழுது வெளிப்படுத்துங்கள். இதன் மூலம் மனபாரம் குறையும், ஆரோக்யம் அதிகரிக்கும் என்கின்றனர் மருத்துவர்கள்

லேட்டஸ்ட் ஆய்வு ரிசல்ட்!

பொதுவாக ஐரோப்பிய நாடுகளில் இருப்பவர்களை விட, இந்தியாவில் செல்போன் பயன்படுத்துவோர் பல்வேறு விதமான பாதிப்புகளுக்கு ஆளாகின்றனர் என்றும் இதற்கு நம் நாட்டில் நிலவும் வெப்பமான சூழல், உடல் எடை குறைவு, கொழுப்பு சத்து குறைவு போன்றவை காரணமாக இருக்கின்றன எனவும் இதனால் கதிரியக்க அளவு விதிமுறைப்படி தயாரிக்கப்பட்ட செல்போன்களை மட்டுமே நமது நாட்டில் பயன்படுத்த அனுமதிக்க வேண்டும் என்று முன்னரே நம்மூர் விஞ்ஞானிகள் சொல்லியிருந்தார்கள்.மேலும் செல்போன் மற்றும் டவர்களில் இருந்து வெளியாகும் கதிர்வீச்சால் மறதி, தூக்கமின்மை, அஜீரணம் உட்பட பல உடல்நலக் கோளாறுகள் ஏற்படும் என்று மத்திய அரசின் ஆய்வுக் குழுவும் எச்சரித்துள்ளது.

இப்படி நாள்தோறும் மணிக்கணக்கில் செல்போன் பேசுவோருக்கு உடலில் பாதிப்புகள் ஏற்படும் என அவ்வப்போது நிபுணர்கள் எச்சரிக்கை தெரிவிக்கின்றனர். ஆனால் அவை எதுவும் இதுவும் உறுதி செய்யப்படவில்லை. இந்த நிலையில், இஸ்ரேலில் உள்ள டெல்அவில் பல் கலைக்கழகத்தை சேர்ந்த விஞ்ஞானி டாக்டர் யனிவ் ஹம்ஷானி தலைமையிலான குழுவினர் ஒரு புதிய ஆய்வு நடத்தினர்.

அதன்படி, அதிக நேரம் செல்போன் பேசுபவர்களை புற்று நோய் தாக்கும் அபாயம் இருப்பதாக தெரிவித்துள்ளனர். இவர்கள் நீண்ட நேரம் செல்போன் பேசுபவர்களிடமும், செல்போன் பேசாதவர்களிடமும் இருந்து எச்சில் எடுக்கப்பட்டு பரிசோதனை செய்யப்பட்டது.

அவர்களில், அதிக நேரம் செல்போன் பேசுபவர்களுக்கு புற்று நோய் ஏற்படுவதற்கான அறிகுறி இருந்தது தெரிய வந்தது. செல்போன் பேசும் போது காதுகளின் அடியில் உள்ள சுரப்பிகள் மற்றம் திசுக்கள் பாதிக்கப்பட்டு மரபணு கோளாறினால் புற்று நோய் கட்டிகள் ஏற்பட வாய்ப்பு உருவாகும் என தெரிவிக்கப்பட்டுள்ளது.

இன்ஷியலின் தலையெழுத்தை மாற்றுங்களேன்!

சிலுவையில் அறையப்பட்டபோது இயேசு கிறிஸ்து கூறினார், “”பிதாவே, இவர்களை மன்னியும், தாங்கள் செய்வது இன்னதென்று அறியாமல் இருக்கிறார்கள்” என்று. தமிழ்நாட்டுத் தமிழர்களையும் இப்படித்தான் சொல்ல வேண்டும்.காரணம் இவர்கள்தான் தனது பெயரை ஒரு மொழியிலும் தனது தந்தையாரின் பெயருடைய முதல் எழுத்தை – அதாவது இனிஷியலை – மற்றொரு மொழியிலும் எழுதும் விசித்திரத்தைத் இங்குள்ள தமிழர்கள்தான் அரங்கேற்றி வருகிறார்கள்.

உலகின் எந்தப் பகுதியிலும் எந்த இனத்திலும் எந்த மொழியிலும் இப்படியொரு வேடிக்கை கிடையாது.முருகன் மகன் குமரன் என்று எழுதும்போது மு. குமரன் என்றுதானே எழுத வேண்டும், எம். குமரன் என்றே எழுதிவருகிறோம். இதை ஒரு குறையாகக் கூட நாம் இதுவரை கருதவில்லை.ஆங்கிலத்தில் பெயர் எழுதும்போது இனிஷியலை தமிழில் எழுதுவோமா? அப்படி எழுதச்சொன்னாலே அபத்தம் என்றுதானே கூறுவோம்? அதைத் தமிழில் மட்டும் எந்தவித மனக்கூச்சமும் இல்லாமல் தொடர்ந்து செய்துகொண்டிருக்கிறோமே சரியா?

சுமார் 400 வருஷங்களுக்கு முன்னால் ஆங்கிலம் தமிழ்நாட்டுக்கு வந்தது. வியாபாரத்துக்காக வந்த கிழக்கிந்தியக் கம்பெனியார் நம்முடைய இளிச்சவாயத்தனத்தைக் கண்டு இங்கேயே தங்கி, நாட்டையும் வளைத்து நம்மையும் வளைத்துப் போட்டார்கள். அவர்களின் அதிகார எல்லை விரிய விரிய ஆங்கிலம் பாதாளம்வரை பாய்ந்தது.

பெரும்பாலும் கிராமங்கள் மற்றும் சிறு நகரங்களில் உள்ள பள்ளிக்கூடங்களில் மாற்றல் சான்றிதழ் (டி.சி.) வழங்கும்போது நமது பெயரைத் தமிழில் எழுதி ஆங்கிலத்தில் இனிஷியல் போடுகிறார்கள். இந்தத் தவறை நமக்குச் சொல்லிக் கொடுப்பவர்களே நம்முடைய ஆசிரியர்கள்தான்!

ஒரு வகுப்பில் இரண்டு பேர் “கண்ணன்’ என்ற பெயரில் இருந்தால், தம்புசாமி மகனை டி. கண்ணன் என்றும் இரத்தினசாமி மகனை ஆர். கண்ணன் என்றும் அழைக்கிறார்கள். த. கண்ணன், இரா. கண்ணன் என்று அழைப்பதில்லை.

அவர்கள் நிர்வாக வசதிக்காக ஆராயாமல் செய்த தவறு மீண்டும் மீண்டும் செய்யப்பட்டு அதுதான் சரி என்பதைப்போல ஆகிவிட்டது.இந்தத் தவறு அதிகம் இடம்பெறும் இடம் நாம் அச்சிடும் திருமணப் பத்திரிகைகளில்தான். உங்களுக்குச் சந்தேகம் இருந்தால் உங்கள் வீட்டில் இருக்கும் ஏதாவதொரு திருமண அழைப்பிதழை எடுத்துப் பாருங்கள், உண்மை புரியும்.

அடுத்து இந்தத் தவறை அதிகம் முன்னெடுத்துச் சென்றது திரைப்படத்துறையினர்தான். அவர்களையே தமிழர்கள் இந்த விஷயத்திலும் முன்மாதிரியாகக் கொண்டு பின்பற்றத் தொடங்கிவிட்டார்கள். 1940-களில் இருந்தே தொடங்குகிறது திரைப்படத்துறையினரின் இருமொழிப் பெயர் மோகம். அது தவிர்க்க முடியாத விஷயமாகவே இன்றுவரை தொடர்கிறது.

இந்தத் தவறைக் களைய அரசுதான் நடவடிக்கை எடுக்க வேண்டும் என்று காத்திராமல் நாமே இயக்கம் தொடங்க வேண்டும். ஆசிரியர்கள், மாணவர்கள், கல்விக்கூடங்கள் இதில் முக்கியப் பங்கு வகிக்க வேண்டும். இதுவரை எழுதிய பழக்கத்தை அனைவரும் கைவிட வேண்டும். நல்லதொரு மாற்றத்துக்கு நாம் காரணியாக இருப்போம்.

Tuesday, July 30, 2013

இ-மெயில்., எஸ்.எம்.எஸ் மூலமும் டிராய்-க்கு புகார் அனுப்பலாம்!

நாள்தோறும் அதிகரித்து வரும் செல்போன் எண்ணிக்கைக்கு ஏற்ப வாடிக்கையாளர்களை தூங்க விடாமல், தொல்லை கொடுக்கும் விளம்பர அழைப்புகள், மோசடி லாட்டரி பரிசு எஸ்எம்எஸ்களும் இப்போதும் பலருக்கு வந்து கொண்டுதான் இருக்கின்றன். இவற்றை தடுக்க டிராய் பல்வேறு விதிமுறைகளை அமல்படுத்தியது. எனினும், ஏதாவது ஒரு வழியில் தொல்லை அழைப்புகள், எஸ்எம்எஸ்கள் வருவது நீடிக்கிறது.

இந்த நிலையில், வேண்டாத விளம்பர எஸ்எம்எஸ்கள், அழைப்புகளை அனுப்புவோரை கண்டுபிடித்து தண்டிக்க புதிய வழியை டிராய் அறிவித்திருந்தது. அதன்படி, தொல்லை எஸ்எம்எஸ் வந்தால் அதை 1909 என்ற எண்ணுக்கு அப்படியே பார்வேர்டு செய்யலாம் என்றும் பார்வேர்டு செய்வதற்கு கட்டணம் கிடையாது எனவும் தெரிவித்திருந்தது..

டிராய் பதிவேட்டில் பதிவு செய்யாத, சட்ட விரோத வர்த்தகமாக அந்த எஸ்எம்எஸ் அனுப்பப்பட்டிருப்பது தெரிய வந்தால், அதை அனுப்பிய நபர் அல்லது நிறுவனத்துக்கு முதலில் ரூ.500 அபராதம் விதிக்கப்படும். அதேபோல, புகார்கள் 10க்கு மேல் பெறப்பட்டால் அந்த டெலிமார்க்கெட்டிங் நிறுவன போன் இணைப்பு துண்டிக்கப்படும். இதுபோல, தொல்லை அழைப்புகள் பற்றி, டிராய் இணைய தளம் வழியாக இமெயில் அனுப்பலாம் என்று அறிவிக்கப்பட்டுள்ளது.

இந்நிலையில் மொபைல்போன் வாடிக்கையாளர்கள் தங்களுக்கு சேவை வழங்கும் ஆபரேட்டர்கள் மீதான புகார்களையும் கட்டணத்தில் முறைகேடு போன்ற குறைபாடுகளைக் கூட எஸ்.எம்.எஸ்., மற்றும் இ-மெயில் வழியாக தெரிவிக்கும் வகையில் மாற்றம் கொண்டு வர தொலைத்தொடர்பு ஒழுங்குமுறை ஆணையம் முடிவு செய்துள்ளது. தற்போது புகார் மையத்திற்கு, தொடர்பு கொண்டு “வாய்ஸ் கால்’ முறையில் புகார் தெரிவிக்கும் வசதிதான் உள்ளது. இதில் மாற்றம் கொண்டு வர டிராய் முடிவு செய்துள்ளது. இதன்படி சம்பந்தப்பட்ட ஆபரேட்டர்கள் மீது எஸ்.எம்.எஸ்., இ-மெயில் மற்றும் தபால் மூலம் புகார் தெரிவிக்கலாம். துவக்கமாக 20 நகரங்களில் இவ்வசதி கொண்டுவரப்பட உள்ளது.

திருட்டு மொபைலை மோப்பம் பிடிக்கும் ஸ்மார்ட் சிம்

மொபைல் திருட்டு போனால் ஒரே வழி அதை மறந்து விட வேண்டும் ஏன் என்றல் எடுத்தவன் டக்குனு ஆஃப் பண்ணி விடுவதுதான். அப்புறம் ஆஃப்லைன்ல சிம்மை எடுத்திட்டு ரீஸெட் பண்ணி ஒன்று அவன் உபயோகிப்பான் அல்லது விற்று விடுகிறார்கள். அதனால் ஐ எம் ஐ வைத்தெல்லாம் கண்டுபிடிப்பது மிகுந்த சிரமத்துக்குள்ளாகி விடுகிறது.

அதனை போக்க ரஷியாவின் மாஸ்கோ மெட்ரோ போலீஸ் ஒவ்வொரு மெட்ரோ ஸ்டேஷ்னிலும் ஒரு மோப்பம் பிடிக்கும் சிம் போல நிறுவ உள்ளனர். இது எங்கே எங்கே நிறுவபட்டிருக்கிறது என்ற தகவல் போலீஸுக்கு மட்டும் தான் தெரியும். இதனால் நீங்கள் தொலைத்த மொபைல் ஃபோனை உடனே போலீஸில் தெரிவித்தால் அவர்கள் திருட்டு ஃபோன் டேட்டாபேஸில் இந்த ஃபோனை லிஸ்ட் செய்து விடுவார்கள்.

பின்னர் இதை எடுத்த நல்லவன் வேறு சிம்மோ அல்லது சைலைன்ட்டாய் யூஸ் பண்ணினால் உடனே சங்கூதி போலீஸுக்கு அலெர்ட் செய்து விடும்.அது போக அவர் மெட்ரோ ஸ்டேஷனுக்குள் இருக்கும் வரை அலெர்ட் செய்து அவரது தற்போதைய மூவென்ட்டை லைவாய் காட்டி விடுமாக்கும்.அப்புறம் என்ன காப்பு காப்புதான்.!

9 வயதுக்கு மேற்பட்ட மாணவிகள் ஸ்கர்ட் அணிய தடை


இங்கிலாந்து நாட்டில் வோஸ்டர்ஷயர் பகுதியில் ரெட்டிச் என்ற இடத்தில் உள்ளது இங்கிலாந்து வாக்வுட் சர்ச் நடுநிலை பள்ளி. மிகவும் புகழ்பெற்ற இந்த பள்ளியில் மாணவ, மாணவிகள் ஏராளமானோர் படிக்கின்றனர். இந்த பள்ளி நிர்வாகம் இப்போது வெளியிட்டுள்ள உத்தரவில், Ôஒன்பது வயதுக்கு மேற்பட்ட மாணவிகள் குட்டை பாவாடை அணிந்து வரக் கூடாது என்று அறிவித்துள்ளது. இந்த உத்தரவு செப்டம்பர் 1ம் தேதி முதல் அமலுக்கு வருகிறது என்றும் அறிவித்துள்ளது.

ஏற்கனவே இந்த பள்ளி மாணவர்களும், மாணவிகளும் 2014ம் ஆண்டு முதல் ஒரே மாதிரியான பேன்ட் அணிந்து வர வேண்டும் என்று அறிவித்துள்ளது. மேலும் மாணவர்கள், மாணவிகள் இருதரப்பினரும் முழுக்கை சட்டை அணிய வேண்டும் என்றும் கூறியுள்ளது. இதுகுறித்து பள்ளி நிர்வாகம் கூறுகையில், சிறுமிகள் அநியாயத்துக்கு மிகமிக குட்டையாக பாவாடை அணிந்து வருகின்றனர். ஸ்கர்ட்டை கொஞ்சம் நீளமாக அணிந்து வாருங்கள் என்று கூறினால் கேட்பதில்லை. ஒன்பது வயதிலேயே மாணவிகள் இளம் பருவ தோற்றத்தை அடைந்து விடுகின்றனர்.

இதனால் மாணவிகள் குட்டை பாவாடை அணிவது அவர்களை இளம்பெண்கள் போல தோற்றம் அளிக்க செய்து விடுகிறது. அதை தவிர்க்கவும் கீழே உட்கார்ந்து படிக்கும் போது தர்ம சங்கடத்தை தவிர்க்கவும் ஸ்கர்ட் அணிய தடை கொண்டு வரப்பட்டுள்ளது என்று தெரிவித்துள்ளது.ஆனால், இந்த திட்டம் மாணவிகளிடம் குழப்பத்தை ஏற்படுத்தும் என்று பெற்றோர் எதிர்ப்பு தெரிவிக்கின்றனர். ஏற்கனவே இங்கிலாந்தில் 63 பள்ளிகளில் ஸ்கர்ட் அணிய தடை உள்ளது குறிப்பிடத்தக்கது.

எச்சரிக்கை ரிப்போர்ட்!


தற்போது தமிழக பள்ளி மற்றும் கல்லூரி மாணவர்களின் பெரும்பாலான நேரம் லேப்டாப்பில்தான் செலவாகிறது. அப்படி மடியின் மீது லேப்டாப்பை அதிக நேரம் வைத்துப் பயன்படுத்துவதால் ஏதேனும் பிரச்னை வருமா? – என்று இங்குள்ள தோல் நோய் மருத்துவர்களிடம் விசாரித்தோம்…

அவர்கள் “ஆம்.. சமீப காலமாக லேப்டாப்பை மடியில் வைத்து பயன்படுத்துபவர்களுக்கு நிறச்சிதைவு நோய் அதிகம் வருகிறது. அதிலிருந்து வெளி வரும் வெப்பத்தால் தோல்பகுதி சிவந்து போகும். பிறகு அந்த இடத்தில் சிறிய கொப்புளங்கள் உருவாகி அரிப்பு ஏற்படும். அதை சொரியச் சொரிய அந்த இடத்தில் தோலின் நிறம் மாறி, தடித்த கறுப்பான தோலாக மாறிவிடும். இதற்கு ‘ரோஸ்டட் ஸ்கின் சின்ட்ரோம்’ என்று பெயர்.

காஷ்மீர் பகுதியில் உள்ளவர்கள் குளிரிலிருந்து தப்பிக்க, ஒரு பானை நிறைய நெருப்பைப் போட்டு அதை வயிற்றோடு சேர்த்து கட்டிக் கொள்வார்கள். அப்போதைக்கு குளிரில் இருந்து தப்பித்தாலும் நெருப்பால் உண்டான காயம் தோலில் தடிமனான ரோஸ்ட் போல தங்கிவிடும். இதுதான் ‘ரோஸ்டட் ஸ்கின் சின்ட்ரோம்’. இது போன்ற பாதிப்பு லேப்டாப் பயன்படுத்துவோருக்கும் வருகிறது.

லேப்டாப்பில் காரீயம் சேர்த்திருப்பார்கள். அதிக நச்சுத்தன்மை நிறைந்த இந்த தனிமம் உடலுக்கு பல ஆபத்துகளை உருவாக்கும். கான்டாக்ட் டெர்மடைட்டிஸ் என்ற அலர்ஜியை உருவாக்கும். இதனால் கொப்புளம், அரிப்பு, தோல் தடிப்பு போன்ற நோய்கள் வரும். லேப்டாப்பை தொடர்ச்சியாக அருகில் வைத்து பார்ப்பதால் கண்ணுக்கு அடியில் ரத்த ஓட்டம் குறைந்து, கருவளையம் நிரந்தரமாகத் தங்கிவிடும்.

மடியின் மேல் பயன்படுத்த வேண்டிய அவசியம் ஏற்பட்டால் அரைமணி நேரத்துக்கு மேல் வேண்டாம். துணி, தலையணை, பிளாஸ்டிக் பொருட்களின் மீதும் லேப்டாப்பை வைத்து பயன்படுத்துவது ஆபத்தானது. லேப்டாப்பில் இருந்து வெளியாகும் வெப்பத்தைக் கட்டுப்படுத்த இப்போது சிறிய ஃபேன் கொண்ட ‘கூலிங் பேடு’ உபகரணங்கள் வந்துவிட்டன. மேலும் குழந்தைகளிடம் இருந்து லேப்டாப்பை சற்று தள்ளியே வைத்திருங்கள்.” என்கிறார்கள்.

அதிகரித்து வரும் குழந்தை விபச்சாரம்


சிறுவயதினர் பாலியல் தொழிலில் ஈடுபடுவதை தடுக்கும்வகையில் அமெரிக்க புலனாய்வுத்துறை சென்ற வார இறுதியில் நாடு முழுவதும் சோதனை நடவடிக்கையில் ஈடுபட்டது. கடந்த மூன்று தினங்களாக 230 சட்ட அமலாக்கப்பிரிவினர் 76 நகரங்களில் நடத்திய இந்த சோதனைகளில், 150க்கும் மேற்பட்டோர் கைது செய்யப்பட்டுள்ளனர். 105 இள வயதினர் இவர்களிடமிருந்து மீட்கப்பட்டுள்ளனர். இவர்கள் அனைவரும் 13 முதல் 17 வயதுக்குட்பட்டவர்கள் ஆவார்கள்.

கடந்த 2003ம் ஆண்டிலிருந்து இதுவரை 2700 பேர் காப்பாற்றப்பட்டுள்ளனர். பாராட்டுகள், சலுகைகள் அல்லது பணம்பண்ண வேண்டும் என்ற எண்ணம் இளவயது பெண்களை இதில் சிக்க வைத்துவிடுகின்றது. இதனால், போதை மருந்துகள், சித்திரவதை, உடல் ரீதியான முறைகேடுகள் போன்றவற்றை பின்னர் அவர்கள் அனுபவிக்க நேரிடுகின்றது என்று தெரிய வருகிறது.

மேலும் குழந்தை விபச்சாரம் அமெரிக்கா முழுவதும் உள்ள ஒரு தொடர் அச்சுறுத்தலாகும். இத்தகைய குற்றங்கள் எங்கு வேண்டுமானாலும் நடக்கும் என்பதற்கான நினைவூட்டலாகவே புலனாய்வுத்துறையின் நடவடிக்கை மேற்கொள்ளப்பட்டுள்ளது. இத்தகைய குற்றங்களினால் லாபமடைபவர்களைத் தடுத்து நிறுத்துவதிலும், இந்தத் தொடர் நிகழ்ச்சியினை முடிவுக்கு கொண்டு வருவதிலும் அமெரிக்க புலனாய்வுத்துறை உறுதியாக உள்ளது என்று இந்த அமைப்பின் துணை இயக்குனர் ரோன் ஹோஸ்கோ தெரிவித்தார்.அது மட்டுமின்றி சமூக ஊடக தளங்களிலும் இது போன்ற விபச்சாரங்கள் நடைபெறுவதும், நெடுந்தொலைவு பயணங்களில் டிரக்குகள் நிறுத்தப்படும் இடங்களில் நடைபெறும் இத்தகைய காரியங்களும் சோதனையாளர்களால் கண்காணிக்கப்பட்டதாக அதிகாரிகள் தெரிவித்தனர்.

இந்தியா – பாகிஸ்தானை ஒரே பிரிவில் இணைத்து அட்டவணை வெளியீடு!


2015-ஆம் ஆண்டு உலக கோப்பை கிரிக்கெட் போட்டி அட்டவணை அறிவிக்கப்பட்டுள்ளன. இப்போட்டி‌களை ஆஸ்திரேலியா மற்றும் நியூசிலாந்து நடத்துகிறது. முதல் போட்டியில் இலங்க‌ை நியூசிலாந்து அணிகள் விளையாடும் என்றும். இறுதிப்போட்டி ‌மெல்போர்னில் நடக்கவுள்ளதாக அறிவிக்கப்பட்டுள்ளது.ஓரே பிரிவில் இந்தியா-பாகிஸ்தான் அணிகள் இடம் பெற்றுள்ளதாக அறிவிக்கப்பட்டுள்ளது.

11-வது உலக கோப்பை ஒருநாள் போட்டியை சர்வதேச கிரிக்கெட் கவுன்சில் (ஐ.சி.சி) அனுமதியுடன் ஆஸ்திரேலியா மற்றும் நியூசிலாந்து கிரிக்கெட் வாரியங்கள் இணைந்து நடத்துகிறது. இந்த போட்டி 2015-ம் ஆண்டில் பிப்ரவரி மற்றும் மார்ச் மாதங்களில் நடைபெறுகிறது.14 நாடுகள் பங்கேற்கும் இந்த போட்டியின் லீக் மற்றும் நாக்-அவுட் ஆட்டங்கள் ஆஸ்திரேலியா மற்றும் நியூசிலாந்து நாடுகளில் சரிசமமான எண்ணிக்கையில் நடைபெறும்.

இதன் முதல் போட்டியில் இலங்க‌ை நியூசிலாந்து அணிகளும், மற்றொரு ‌போட்டியில் ஆஸ்திரேலியா-இங்கிலாந்து அணிகளும் விளையாடும் என்றும். இறுதிப்போட்டி ‌மெல்போர்னில் நடக்கவுள்ளதாக அறிவிக்கப்பட்டுள்ளது.ஓரே பிரிவில் இந்தியா-பாகிஸ்தான் அணிகள் இடம் பெற்றுள்ளதாகவும் அறிவிக்கப்பட்டுள்ளது.

இந்திய அணி தனது முதல் போட்டியில் பாகிஸ்தான் அணியுடன்பிப்-15 ல் மோதுகிறது.பி.பிரிவில் இந்தியா, பாகிஸ்தான், தென் ஆப்பிரிக்கா, வெஸ்‌ட் இண்டீஸ், , ஜிம்பாப்வே அணிகள் உள்ளன. ஏ. பிரிவில் ஆஸ்திரேலியா, நியூசிலாந்து, இலங்கை, இங்கிலாந்து அணிகள் இடம் பெற்றுள்ளன. இவ்வாறு 2015 -உலகப்கோப்பை கிரிக்கெட் அட்டவண‌ையை ஐ.சி.சி.,வெளியிட்டுள்ளது .

ராஜீவ் காந்தியை தாக்கிய செயலுக்காக நான் சந்தோஷப் படுகிறேன்!

முன்னாள் பிரதமர் ராஜீவ் காந்தியைத் தாக்கிய சம்பவத்திற்காக தான் ஒருபோதும் வருத்தப்பட்டதில்லை என்று இலங்கையின் முன்னாள் கடற்படை வீரர் விஜிதா ரோஹண விஜிமுனே தெரிவித்துள்ளார்.

தமிழர்களுக்கு அதிகாரப் பகிர்வு அளிப்பதற்காக இலங்கையுடன் ஒப்பந்தம் செய்வதற்காக முன்னாள் பிரதமர் ராஜீவ் காந்தி 1987-ம் ஆண்டு இலங்கை சென்றிருந்தார்.ஜூலை 30-ம் தேதி அவருக்கு அளிக்கப்பட்ட கடற்படை அணிவகுப்பு மரியாதையின்போது துப்பாக்கியின் பின்புறத்தால் ராஜீவ் காந்தியை தாக்கினார் விஜிமுனே.இதில் லேசான காயத்துடன் ராஜீவ் தப்பினார். இந்தியா-இலங்கை இடையே ஒப்பந்தம் கையெழுத்தாவதற்கு ஒரு நாள் முன்னதாக இத்தாக்குதல் சம்பவம் நிகழ்ந்தது.

ராஜீவ் மீது கொலைவெறித் தாக்குதல் நிகழ்ந்து 26 ஆண்டுகள் ஆன நிலையில், இந்தச் சம்பவம் தொடர்பாக இலங்கை பத்திரிகைக்கு அளித்த பேட்டியில்,”ஒப்பந்தத்தில் இலங்கையை நிர்பந்தப்படுத்தி கையெழுத்திடுவதற்கு எதிர்ப்புத் தெரிவிக்க இத்தகைய தாக்குதலை மேற்கொண்டேன்.இந்த செயலுக்காக நான் சந்தோஷப்படுகிறேன். தாக்குதலுக்குப் பிறகு நான் நிறைய சிரமங்களை அனுபவித்துவிட்டேன். ஆனாலும், இந்தச் செயலுக்காக நான் ஒருபோதும் வருத்தப்படவில்லை,” என்று குறிப்பிட்டுள்ளார்.

முன்னதாக இந்திய பத்திரிகையாளர்கள் அவரிடம் பேட்டி காணச் சென்ற போது இந்திய ஊடகங்களுக்கு பேட்டியளிக்க விரும்பவில்லை என்று அவர் திட்டவட்டமாக மறுத்துவிட்டார்.

மேலும் ராஜீவ் காந்தியை கொல்ல வேண்டும் என்ற நோக்கத்தோடு தாக்குதல் நடத்தினீர்களா? என்று கேட்டதற்கு, ”எனது நோக்கம் அதுதான். ஏனென்றால் இலங்கை மிக மோசமாக சிதைவுற அவர் காரணம் என்பதுதான்.அணிவகுப்பில் பங்கேற்றபோது தான் தாக்கப்படலாம் என்ற அச்சத்துடனே ராஜீவ் காந்தி இருந்தார். ராஜீவ் காந்தியின் பாதுகாவலர்களும் உடன் வந்தனர்” என்று விஜிமுனே குறிப்பிட்டார்.

பொதுவாக இதுபோன்ற அணிவகுப்பு மரியாதை ஏற்பில் எந்த ஒரு தலைவரும் தனது பாதுகாவலருடன் வர மாட்டார்கள் என்று விஜிமுனே சுட்டிக்காட்டினார். அதே சமயம் தான் ஒரு போதும் இந்தியாவுக்கு எதிரானவர் அல்ல என்று குறிப்பிட்ட விஜிமுனே, தான் இந்தியப் பாடல்களை அதிகம் விரும்பிக் கேட்பதாகவும், சிடிக்களை அதிக எண்ணிக்கையில் இந்தியர்களுக்கு விற்பதாகவும் அவர் கூறினார்.

ராஜீவ் காந்தி தாக்கப்பட்ட சம்பவம் தொடர்பான வழக்கில் இரண்டரை ஆண்டு சிறைத் தண்டனையை நிறைவு செய்த பிறகு இப்போது சிடி விற்பனை கடையை நடத்தி வருகிறார் விஜிமுனே.அத்துடன் தொழில்முறை ஜோதிடராக பலரது எதிர்காலத்தை கணித்தும் தருகிறார். இந்தியா-இலங்கை இடையிலான ஒப்பந்தத்தை ரத்து செய்ய வலியுறுத்தும் குழுவுக்கு தலைமையேற்று அதில் தீவிரம் காட்டிவருகிறார் விஜிமுனே.

Monday, July 29, 2013

ரஜினியின் தன்னம்பிக்கை



பெங்களூரில் பஸ் கண்டக்டராக வேலை பார்த்த ரஜினிகாந்த், நீண்ட விடுமுறையில் சென்னைக்கு வந்து, திரைப்படக் கல்லூரியில் சேர்ந்து, 2 ஆண்டுகள் நடிப்புப் பயிற்சி பெற்றார்.

நடிப்பு, டைரக்ஷன், ஒளிப்பதிவு, எடிட்டிங், திரைக்கதை- வசனம் எழுதுதல் ஆகியவற்றில் பயிற்சி அளிப்பதற்காக, முதன் முதலாக புனேயில் "திரைப்படக் கல்லூரி''யை மத்திய அரசு தொடங்கியது.

அதேபோல், சென்னையில் "பிலிம் இன்ஸ்டிடிïட்'' 1973-ல் தொடங்கப்பட்டது. இதற்கு தலைவராக பி.நாகிரெட்டியும், நிர்வாகி (கரஸ்பான்டெண்ட்) ஆக டி.வி.எஸ். ராஜுவும் இருந்தனர். ராஜாராம்தாஸ் முதல்வராக இருந்தார்.


விளம்பரம்

இந்த பிலிம் `இன்ஸ்டிடிïட்' விளம்பரம் ஒருநாள் பத்திரிகைகளில் வெளியாயிற்று. நடிப்பு, டைரக்ஷன், எடிட்டிங், ஒளிப்பதிவு முதலியவற்றில் பயிற்சி பெற, விண்ணப்பம் அனுப்பலாம் என்று அதில் குறிப்பிடப்பட்டிருந்தது.

இந்த விளம்பரத்தை ரஜினி பார்த்தார். `நடிப்பு பயிற்சி பெற்றால், சினிமாவில் சுலபமாக நுழைந்து விடலாம்'' என்று நினைத்தார். விண்ணப்பம் அனுப்பினார். சில நாட்களில், நேர்காணலுக்கு வருமாறு கடிதம் வந்தது.

நண்பர்களிடம் விடைபெற்றுக்கொண்டு, சென்னைக்கு ரெயில் ஏறினார். குறிப்பிட்ட நேரத்தில், நேர்காணலுக்கு பிலிம் `இன்ஸ்டிடியூட்'டுக்குச் சென்றார். அங்கு சினிமா பற்றி பல கேள்விகள் கேட்டனர். கேள்விகளுக்கு தன்னம்பிக்கையுடனும், புத்திசாலித்தனத்துடனும் பதில் சொன்னார்.

கேள்விகளை அவர் எதிர்கொண்ட முறை, ஸ்டைலாக பதில் சொன்ன விதம், தேர்வு செய்யும் அதிகாரிகளைக் கவர்ந்தன. நடிப்பு பயிற்சி பெற ரஜினியை அவர்கள் தேர்வு செய்தனர். ரஜினிக்கு மகிழ்ச்சி தாங்கவில்லை. பெங்களூருக்கு திரும்பிச் சென்றார். தந்தையிடமும், அண்ணன்களிடமும் விஷயத்தைச் சொன்னார்.

ரஜினி நடிப்புப் பயிற்சி பெறுவதில், தந்தைக்கு விருப்பம் இல்லை. அண்ணன்கள் அரைகுறை மனதுடன் சம்மதித்தார்கள். "கண்டக்டர் வேலையை விட்டு விடாதே! நீண்ட விடுமுறை எடுத்துக்கொண்டு, நடிப்புப் பயிற்சிக்கு போ!'' என்றார்கள்.

ரஜினியின் நண்பர்கள் மத்தியில் உற்சாகம் கரைபுரண்டு ஓடியது. "எதிர்காலத்தில் பெரிய நடிகனாக வருவாய்!'' என்று வாழ்த்தினார்கள். ரெயில் நிலையத்துக்குப் பெரும் திரளாக வந்து வழியனுப்பினார்கள்.

36 மாணவர்கள்

பிலிம் இன்ஸ்டிடியூட்டில் நடிப்புப் பயிற்சி பெறுவதற்காக ரஜினி உள்பட மொத்தம் 36 மாணவர்கள் தேர்வு செய்யப்பட்டிருந்தனர்.

இவர்களில் 17 பேர் அமிஞ்சிக்கரையில் இருந்த அருண் ஓட்டலில் ரூம் எடுத்து தங்கியிருந்தனர். (அருண் ஓட்டல் இடிக்கப்பட்டு இப்போது அங்கு பிரமாண்டமான ஓட்டல் கட்டப்படுகிறது)

இவர்கள் தினமும் பஸ் மூலம் பிலிம் இன்ஸ்டிடியூட்டுக்கு சென்று வருவது வழக்கம். சினிமாவில் எப்படி நடிக்க வேண்டும், எப்படி வசனம் பேசவேண்டும் என்றெல்லாம் அங்கு பயிற்சி அளித்தார்கள்.

உலகப் புகழ் பெற்ற திரைப்படங்களை எல்லாம் அங்கு போட்டுக்காட்டுவார்கள். சார்லஸ் லாப்டன், கிளார்க் கேபிள், மார்லன்பிராண்டோ, கிரிகிரிபெக் முதலான நடிகர்கள் நடித்த படங்களை எல்லாம் ரஜினி பார்த்தார். நடிப்பின் பல்வேறு பரிமாணங்களை அறிந்து கொண்டார்.

சினிமா உலகைச் சேர்ந்த நடிகர்- நடிகைகள், டைரக்டர்கள், தொழில் நுட்ப கலைஞர்கள் அடிக்கடி பிலிம் இன்ஸ்டிடியூட்டுக்கு வந்து உரை நிகழ்த்துவார்கள். பயிற்சி பெறுகிறவர்கள் கேட்கும் கேள்விகளுக்கு பதில் அளிப்பார்கள். சந்தேகங்களைத் தீர்த்து வைப்பார்கள்.

பயிற்சி பெறுகிறவர்களை திரைப்படக் கல்லூரி நிர்வாகிகள் சினிமா ஸ்டூடியோக்களுக்கு அழைத்துச்சென்று, அங்கு நடைபெறும் படப்பிடிப்புகளை பார்க்கச் செய்வார்கள்.

காலம் வெகு வேகமாக ஓடியது. பயிற்சி முடிய இன்னும் 3 மாதங்களே பாக்கி. அந்தக் காலக்கட்டம் பற்றி ரஜினி நினைவு கூறுகிறார்:-

"நாங்கள் 36 பேரும் பிலிம் சேம்பர் அலுவலகம், சபையர், புளு டைமண்ட் தியேட்டர்கள், அமெரிக்க தூதரகம், சோவியத் கல்சுரல் சென்டர், டிரைவ் இன் ஓட்டல்... இப்படி சுற்றிச் சுற்றி வந்தாலும், எங்களுக்கு ஒரு தனி உலகம் இருந்தது. அதுதான் கனவு உலகம்!

சுவாரஸ்யமான வாழ்க்கை. வித்தியாசமான வாழ்க்கை. பொறுப்பு இருந்தும் பொறுப்பில்லாத மாதிரியான போலி வாழ்க்கை. கனவு வாழ்க்கை. ஓ... அந்தக் கனவில்தான் எத்தனை சுகம்!

காலை 10 மணிக்குக் கூடுகிறோம். ஒருவரை ஒருவர் பார்த்துக்கொண்டு, "ஹலோ... ஹாய்'' என்கிறோம். நகரில் ஓடும் சினிமாப் படங்களை எல்லாம் பார்க்கிறோம். வீட்டில் இருந்து வரும் பணத்தை ஜாலியாக செலவு பண்ணுகிறோம்.

காலம் போவது தெரியவில்லை. இதோ, படிப்பு முடியப்போகிறது!

வெகு தூரத்தில் ஒரு சொர்க்கம் தெரிகிறது. அந்த சொர்க்கம் ஏது? அதுதான் சினிமா உலகம். அங்கே புகுந்துவிடவேண்டும்.

இன்னும் மூன்றே மாதம். படிப்பு முடிந்து விடும். அதன் பிறகு என்ன செய்வது? எப்படி சினிமா உலகில் சான்ஸ் பிடிப்பது? எல்லோருடைய முகத்திலும் எதிர்காலம் பற்றிய கவலை தெரிகிறது.

வீட்டில் சொன்னதைக் கேட்காமல் இன்ஸ்டிடியூட்டில் சேர்ந்தோம். பயிற்சி பெற்றோம். ஆனால் வேலைக்கு என்ன உத்திரவாதம்? மனம் குழம்புகிறது...''
இப்படியெல்லாம் ரஜினி எண்ணினாலும், அவருடைய உள்மனதில் தன்னம்பிக்கை சுடர் விட்டுப் பிரகாசித்துக் கொண்டிருந்தது. `வாழ்க்கையில் வெற்றி பெறுவோம்' என்று அவருடைய இதயம் இடைவிடாமல் கூறிக்கொண்டிருந்தது.

நன்றி : மாலைமலர்

Sunday, July 28, 2013

இந்திய சினிமாவின் பத்து விதிகள்


1. இரண்டு சகோதரர்கள் பால்யகாலத்தில் பிரிந்தார்கள் என்றால், அவர்களில் ஒருவன் போலீஸால் துரத்தப்படுபவனாகவும், இன்னொருவன் போலீஸ்காரனாகவும் இருக்கவேண்டும். போலீஸால் துரத்தப்படுபவன் கடைசிக்காட்சியில் திடாரென்று திருந்தி உண்மையான வில்லனை அடித்து நொறுக்கவேண்டும். இந்த சகோதரனுக்கு ஹீரோயின் இருந்தால் மட்டும், இறுதியில் குடும்பம் இணைந்து போஸ் கொடுப்பதற்கு அவனது குற்றங்கள் மன்னிக்கப்படவேண்டும்.

2. ஹீரோக்களின் எண்ணிக்கை ஹீரோயின் எண்ணிக்கைக்கு சமமாக இல்லையெனில் உபரியான ஹீரோக்கள் அல்லது ஹீரோயின்கள் அ) இறக்கவேண்டும் ஆ) செஞ்சிலுவைச் சங்கம், ராமகிருஷ்ணா மிஷன், ஸ்விட்சர்லாந்து போன்ற சமாச்சாரங்களில் பட இறுதியில் காணாமல் போகலாம்.


3. ஒரு படத்தில் இரண்டு ஹீரோக்கள் இருந்தால், அவர்கள் இருவரும் காட்டுமிராண்டித்தனமாக குறைந்தது 5 நிமிடம் சண்டை போடவேண்டும் (சகோதரர்களாக இருந்தால் 10 நிமிஷம்)

4. எந்த கோர்ட் சீனிலும், ‘அப்ஜக்ஸன் மைலார்ட் ‘ என்ற வசனம் இருந்தே ஆகவேண்டும். அந்த வசனத்தை ஹீரோவோ அல்லது அவரது வழக்குறைஞரோ சொன்னால், அது ஓவர் ரூல்டாகவும், இல்லையெனில் அது ஸஸ்டெய்ண்ட் ஆகவும் ஆகவேண்டும்.

5. ஹீரோவின் சகோதரி ஹீரோவின் உயிருக்குயிரான தோழனை (அதாவது இரண்டாவது ஹீரோ) கல்யாணம் செய்துகொள்ளவேண்டும். இல்லையெனில் அவள் படம் ஆரம்பித்து 30 நிமிடங்களுக்குள் வில்லனால் கற்பழிக்கப்படவேண்டும். அவள் பின்னால் தற்கொலை செய்துகொள்ளவேண்டும்.

6. சேஸ் நடந்தால், ஹீரோ எப்படியும் வில்லனை பிடித்துவிடவேண்டும், அது மாட்டுவண்டி காரை துரத்தினாலும் சரி.

7. ஹீரோ வில்லனை நோக்கி சுட்டால்,

அ) குறி தவறவே தவறாது

ஆ) துப்பாக்கிக் குண்டு தீர்ந்து போகும். (அப்படியாயின் கைச்சண்டைதான்).

வில்லன் ஹீரோவை நோக்கிச் சுட்டால், நிச்சயம் குறி தவறும். இல்லையெனில் அது இரண்டாவது (சாகவேண்டிய) ஹீரோ.

8) எல்லா சண்டைக் காட்சிகளும் நடக்கவேண்டிய இடம்

அ) சட்டிப்பானைகள் இருக்கும் இடம்

ஆ) சந்தை.. காய்கறி இன்ன இதர சாமான்கள் தள்ளுவண்டியில் இருக்கும் இடம்

இ) கண்ணாடி பாட்டில்கள் .. இவை அனைத்து நிச்சயம் உடைக்கப்படவேண்டும்

9) காணாமல் போய் சேரும் சகோதரர்கள் பற்றிய கதை இருந்தால், நிச்சயம் அனைவருக்கும் தெரிந்த குடும்பப் பாடல் ஒன்று நிச்சயம் வேண்டும். இது

அ) சகோதரர்கள் பாடவேண்டும்

ஆ) கண்குருடியான அம்மா பாடவேண்டும் (இறுதிக்காட்சியில் அவளுக்கு கண்பார்வை கிட்டும்)

இ) குடும்ப நாய் அல்லது பூனை

10) போலீஸ் இன்ஸ்பெக்டர்கள் படத்தில் வந்தால் இரண்டு வகையில் வருவார்கள் (போலீஸாக ஹீரோ இல்லாத பட்சத்தில்)

அ) படு நேர்மையான போலீஸ் அதிகாரி பெரும்பாலும் ஹீரோவின் அப்பா. டைட்டில் போடுவதற்கு முன்னால் இவர் சாகவேண்டும். அப்பாவாக இல்லாத பட்சத்தில், கெட்ட ஹீரோ (அண்டி ஹீரோ)வை ‘சட்டத்திலிருந்து நீ தப்பமுடியாது ‘ என்று பேசிகொண்டே 23ஆவது ரீல் வரை துரத்திவிட்டு, இறுதியில் தன் மகளை அவனுக்கு மணம் முடித்துவைத்து தோளில் தட்டிக்கொடுக்கவேண்டும்.

இ) படு மோசமான கெட்ட போலீஸ் அதிகாரி. உண்மையான வில்லனின் கையாள். கிளைமாக்ஸில் ஹீரோவால் சாகவேண்டும்.

தம் அடிப்பீங்களா?

பெண்: நீங்க தம் அடிப்பீங்களா?

ஆண்: ஆமா!

பெண்: ஒரு நாளைக்கு எத்தனை பாக்கெட்?

ஆண்: ஒரு மூணு பாக்கெட் அடிப்பேன்…

பெண்: ஒரு பாக்கெட் விலை நாற்பது ரூபாய்ன்னு வைச்சுக்கிட்டா ஒரு நாளைக்கு நூற்றி இருபது ரூபா! சரியா?

ஆண்: சரிதான்…

பெண்: எத்தனை வருஷமா தம் அடிக்குறீங்க?

ஆண்: ஒரு இருபது வருஷமா அடிக்குறேன்.

பெண்: ஒரு வருஷத்துக்கு சுமார் 44ஆயிரம்ன்னா! இருபது வருஷத்துக்கு சுமார் ஒன்பது லட்சரூபாய் ஆகுது சரியா?

ஆண்: சரிதான்…

பெண்: இந்த பணம் இருந்தா நீங்க ஒரு ஸ்கார்ப்பியோ கார் வாங்கி இருக்கலாம்….

ஆண்:ம்ம்ம்ம்ம்….. நீங்க தம் அடிப்பீங்களா?

பெண்: ச்சே ச்சே நோ நோ…!

ஆண்: உங்க ஸ்கார்ப்பியோ கார் எங்க நிக்குது…!

பெண்:

யானையின் எடையை எப்படி அறிவது?

அரசர் ஒருவருக்குத் திடீரென்று ஒரு நாள், தன் பட்டத்து யானை எவ்வளவு எடை இருக்கும் என்று அறிய ஆவல் ஏற்பட்டது. அந்தக் காலத்தில் எடைமேடைகள் எல்லாம் இல்லை; யானையை அளக்கும் அளவுக்குப் பெரிய தராசும் கிடையாது.

யானையின் எடையை எப்படி அறிவது.? என்று அமைச்சர்களிடம் கேட்டார் மன்னர். யாருக்கும் அதற்கான வழி தெரியவில்லை. அப்போது அமைச்சர் ஒருவரின் பத்து வயது மகன், ‘நான் இதன் எடையைச் சரியாகக் கணித்துச் சொல்கிறேன்’ என்றான். அதைக் கேட்டு அனைவரும் சிரித்தனர். ஆனால், அவனுக்கும் ஒரு வாய்ப்பு கொடுத்தார் மன்னர்.

அந்தச் சிறுவன், யானையை நதிக்கு அழைத்துச் சென்றான். அங்கே இருந்த மிகப் பெரிய படகில் யானையை ஏற்றினான். யானை ஏறியதும், தண்ணீரில் ஆழ்ந்தது படகு. உடனே அவன், தண்ணீர் நனைத்த மட்டத்தைப் படகில் குறியீடு செய்தான். பிறகு, யானையைப் படகிலிருந்து இறக்கி, பெரிய பெரிய கற்களைப் படகில் ஏற்றச் சொன்னான். முன்பு குறித்து வைத்திருந்த குறியீடு அளவுக்குப் படகு தண்ணீரில் மூழ்கும் வரை, கற்கள் ஏற்றப்பட்டன. பின்பு, அரசரிடம் அந்தக் கற்களைக் காட்டி, ”அவற்றின் எடைதான் அந்த யானையின் எடை” என்றான். அனைவரும் வியந்தனர். அவனது புத்திசாலித்தனத்தைப் போற்றிப் புகழ்ந்தனர்.

எல்லோரும் யானையை ஒட்டுமொத்த உருவமாகத்தான் பார்த்தார்கள். ஆகவே, அவர்களால் அதன் எடையைக் கணிக்கமுடியும் எனும் நம்பிக்கை வரவில்லை. ஆனால் அந்தச் சிறுவனோ, பல எடைகளின் கூட்டுத்தொகையே யானையின் எடை என்று எண்ணிச் செயல்பட்டான்; எளிதில் விடை கண்டான்.

எவ்வளவு பெரிய செயலாக இருந்தாலும், அதைச் சின்னச் சின்ன செயல்களாகப் பிரித்துக்கொள்ளவேண்டும். பிறகு, அந்த ஒவ்வொரு செயலையும், செவ்வனே செய்து முடிக்கவேண்டும். அப்போது, ஒட்டுமொத்தத் திட்டமும் அழகாக நிறைவேறிவிடும்.

கூகுள் க்ரோம் காஸ்ட்!

கூகுள்க்ரோம் காஸ்ட் என்னும் ஹெச்டிஎம் ஐ டிவைஸ் ஒன்றை கூகுள் லான்ச் செய்துள்ளது. இதன் மூலம் லாப்டாப்பில் அல்லது டேபளட் அல்லது ஐ ஃபோனில் கூகுள் பிரவுஸரில் பார்ப்பதை அப்படியே டீவியில் எந்த ஒரு வயர் அல்லது செட்டப் இல்லாமல் பார்க்க முடியும்

இந்த வீடியோவை பார்த்தால் நன்கு புரியும். இது போக நெட்ஃப்ளிக்ஸ் மற்றும் அனைத்து வெப் டீவிகளும் ( ஆப்பிள் டிவி) உட்பட இலவசமாக பார்க்க முடியும் அது போக இதன் எஸ் டி கே எல்லா டெவலருப்புக்கு வழங்கபட்டதால் கேபிள் போய் டி டி ஹெச் வந்து இப்ப ஒரு யூஸ்பி டாங்கிள் போன்ற இந்த க்ரோம் காஸ்ட் காம் மூலம் ஹைடெஃபனீஷன் படத்தை பார்க்க முடியும் என்றால் அது பெரிய சாதனை.

அது சரி திருமதி தமிழ் பார்க்க முடியுமா இதுல ஆருக்காவது பதில் தெரிஞ்சா சொலுங்க ப்ளீஸ் இதன் விலை இப்போதைக்கும் 35 டாலர் (சுமார் 1800 ரூபாய்கள்)

Friday, July 26, 2013

ஃபேஸ்புக் சர்ச் பயன்படுத்திப் பார்த்தீர்களா?

ஃபேஸ்புக் இன்றைய இளைஞர்களின் சிறந்த பொழுதுபோக்கு அம்சம். ஃபேஸ்புக் நிறுவனம் எப்பொழுதும் தனது பயனாளிகளுக்கு பல புதுமைகளை வழங்கி வருகிறது.

அண்மையில் கூட சாட் செய்யும் போது பயன்படுத்திக்கொள்ள புதிய ஸ்மைலி போன்ற ஸ்டிக்கர்களை அறிமுகம் செய்தது.
ஃபேஸ்புக், மக்களை தனக்கு அடிமை ஆக்குவதில் பெரிய கில்லாடி. அதை நிரூபிக்கும் வகையில் ஃபேஸ்புக் இப்பொழுது புதிய வசதிகளை தனது பயனாளிகளுக்கு அறிமுகம் செய்துள்ளது.

இந்த புதிய வசதியின் பெயர் “ஃபேஸ்புக் கிராப் சர்ச்”. இந்த பெயரை வைப்பதற்க்கு ஃபேஸ்புக் நிறுவனத்திற்க்கு சற்று தயக்கமாக தான் இருந்ததாம்.ஏனென்றால், சர்ச் என்றாலே நம் மனதில் தோன்றுவது கூகுள் சர்ச் தான். இதுவே அந்த தயக்கத்திற்க்கு காரணம்.ஆனால் ஃபேஸ்புக் கிராப் சர்ச், கூகுள் சர்சில் இருந்து முற்றிலும் மாறுபட்டது. ஃபேஸ்புக் பயனாளிகளுக்கு இதில் பல வசதிகள் உள்ளன.

ஃபேஸ்புக் கிராப் சர்சில், நீங்கள் அதிகம் விரும்பிய போட்டோ, உங்கள் நண்பர்களுக்கு பிடித்த படங்கள், நண்பர்கள் விரும்பிய பாடல்கள் என இது போன்ற எது வேண்டுமானாலும் சர்ச் செய்யலாம்.

உதாரணமாக, உங்கள் நண்பர்களில் எந்திரன் படம் எத்தனை பேருக்கு பிடிக்கும் என்பதை சர்ச் செய்யலாம்.
உங்கள் அருகில் உள்ள ஹோட்டல்களை பற்றி அறியலாம்.

அருகில் உள்ள சுற்றுலா தளங்களை பற்றி அறியலாம். உங்கள் நண்பர்கள் என்ன கேம் விளையாடுகிறார்கள் என்று சர்ச் செய்யலாம். இது போன்ற பல வசதிகள் இதில் உண்டு.

“அசுரகுலம்” = “காசு பணம் துட்டு” + ஆல்பம்!

தனுஷ் நடித்த 3 படத்தைத் தொடர்ந்து R.K.PRODUCTIONS(P)Ltd பட நிறுவனம் சார்பாக விஜயலட்சுமி கஸ்தூரிராஜா தயாரிக்கும் படத்திற்கு “காசு பணம் துட்டு “ என்று பெயரிட்டுள்ளனர்.கஸ்தூரிராஜா இயக்கத்தில் “அசுரகுலம்” என்ற பெயரில் தயாரான படமே “காசு பணம் துட்டு”என்ற பெயர் மாற்றத்துடன் வெளிவர உள்ளது இதே பெயரில் மலையாளத்திலும் இப்படம் தயாராகியுள்ளது

இந்த படத்தில் மித்ரன் என்ற புதுமுகம் கதாநாயகனாக நடிக்கிறார்.கதாநாயகிகளாக சானியா மற்றும் மும்பையைச் சேர்ந்த சுயோசா சாவந்த் ஆகியோர் நடிக்கிறார்கள் முக்கிய வேடத்தில் பாலா என்ற புதுமுகம் நடிக்கிறார் மற்றும் வினோத்,மினடிஸ்,அஜீத்ராஜா ஆகியோர் நடிக்கிறார்கள்.

படம் பற்றி இயக்குனர் கஸ்தூரிராஜாவிடம் கேட்டபோது,”சென்னை குடிசைப் பகுதி மக்களின் யதார்த்த வாழ்க்கை இது.குடிசை பகுதிகளில் வாழும் மக்களை இந்த சமூகம் என்ன மாதிரியான நிலைமையில் வைத்திருக்கிறது.பிறக்கின்ற குழந்தைகள் எதுவும் கிரிமினலாகப் பிறப்பதில்லை சூழ்நிலைதான் அவர்களை கிருமினல்களாக்குகிறது.

இவர்கள் வாழும் வாழ்க்கையில் தவறுகளில்லை ஆனால் தவறுகளே வாழ்க்கையாகிப் போவதுதான் கொடுமை. இவர்களை பற்றி சுருக்கமாக சொல்ல வேண்டுமானால் …‘’சென்னை நகரத்து பூங்கா புதர்களில்,குடிசைகளில் குப்பை புதர்களில்,நடைபாதையோரத்து,சந்து பொந்துகளில்,ரயில் நிலையங்களின் மறைவிடங்களில்,கூவத்தின் கரையோரங்களில் அடங்கிப் போன கவிதைகள். 

இதுதான் கதைக்களம் …கஸ்தூரிராஜா படமென்றால் இப்படிதான் இருக்கும் என்கிற வரைமுறைகளை மாற்றிக் காட்டும் படமாக “காசு பணம் துட்டு”இருக்கும்” என்கிறார் இயக்குனர் கஸ்தூரிராஜா.

உங்கள் சிம் அல்லது போன் ஹாக் செய்யப்பட்டுள்ளதா என்று அறிய வேண்டுமா?

தற்போது சிம் கார்டில் உள்ள என்கிரிப்ஷன் டெக்னாலஜியில் உள்ள குறைபாடுகளின் மூலம் சைபர் கிரிமினில்களால் எளிதாக சிம்கார்டை வைத்து போன்களை ஹாக் செய்ய முடியுமாம். உங்கள் போனை அவர்களின் கட்டுபாட்டில் கொண்டு செல்லவும் முடியுமாம் .

சிம்கார்டின் என்கிரிப்ஷன் குறைபாடுகளின் சிம்கார்டில் உள்ள 56 டிஜிட் சீக்குவன்ஸ் நம்பரை ஹாக் செய்து அதன் மூலம் போனை தங்கள் கட்டுபாட்டிற்குள் கொண்டுவர முடியும் என்றும்.டெக்ஸ்ட் மெசேஜ் மூலம் போனுக்கு வைரஸ் அனுப்பலாம் என்றும் மேலும் நீங்கள் உங்கள் போனில் மொபைல் பேமென்ட் சிஸ்டம் வைத்திருந்தால் அதையும் ஹாக்கர்களால் பயன்படுத்த முடியும் என்றும் சொல்கிறார்கள்.

அது மட்டுமின்றி உங்கள் போனில் ஹாக்கர்கள் சாப்ட்வேர் இன்ஸ்டால் செய்து போனின் உதவி இல்லாமலே பயன்படுத்த முடியும். போனை வைத்தே உங்களை கண்கானிக்கலாமாம். அதாவது 56 டிஜிட் சீக்குவன்ஸ் நம்பரை மூலம் உங்கள் போனை இரண்டு நிமிடத்தில் சாதாரண கம்பியூட்டரை வைத்தே ஹாக் செய்துவிடலாம். உங்களது மெசேஜ்களை ஹாக்கர்கள் படிக்கலாம். உங்கள் போனில் உள்ள டேட்டாவை அவர்கள் எடுக்க முடியும் என்று செய்திகள் வெளியாகியுள்ளது.

இது குறித்து சென்னை சைபர் கிரைமில் பணிபுரியும் நம் நண்பர் ஒருவரிடம் கேட்டபோது,” இதெல்லாம் புது தகவலே இல்லை.போன ஐபிஎல் சூதாட்டத்தில் சிக்கினாரே ஸ்ரீசாந்த்.அவரின் செல் போனை இப்ப நீங்க கேள்விப் பட்ட டெக்னாலஜிபடி ஒட்டுக் கேட்டு கண்காணித்ததுதான் அவர் கையும் களவுமாக பிடிபட காரணமாக இருந்தது.

அது சரி..உங்களுடைய தொலைபேசியும் ஏதாவது சந்தர்ப்பத்தில் ஒட்டுக்கேட்கப்படுகின்றதா? அல்லது வைரஸ் அல்லது வேறு வகையில் ஹேக் செய்யப்பட்டுள்ளதா? என்பதை அறிவது எப்படி?-ன்னு கேட்டா நீங்கள் பயன்படுத்துவது ஸ்மார்ட் போன்கள் என்றால் திடீரென அதனது வேகம் குறைவதுபோன்று உங்களுக்கு தோன்றினால் அது வைரஸ் தாக்குதலுக்கான அறிகுறியாக இருக்கலாம். இதில் IOS டிவைஸ்கள் எனில் கவலைப்பட தேவையில்லை.

மேலும் நண்பருக்கு அனுப்பும் மெயில்கள் இருமுறை அனுப்பப்பட்டது போன்று தொலைபேசியில் தெரிகின்றதா? அல்லது ஒரு முறையே பதிவு செய்யப்பட்ட நண்பரின் தொடர்பு எண் இரு முறை பதிவாகியுள்ளதா? அப்படியாயின் நீங்கள் எச்சரிக்கையாக இருப்பது நல்லது.

அத்துடன் ஸ்மாட் தொலைபேசிகளில் இணையத்தை பயன்படுத்துபவர்களுக்கு திடீரென போன மாதத்தின் கட்டண எண்ணிக்கை அதிகரித்துள்ளதெனில் உங்கள் தொலைபேசி ஹேக் செய்யப்பட்டதற்கான அறிகுறியில் இதுவும் ஒன்று. கூடவே உங்க போன் பேட்டரி சார்ஜ் சீக்கிரம் தீர்ந்து போகிறது? அப்படியானால் உங்களுக்குத் தெரியாமல் உங்கள் போனில் ஏதாவது அப்பிளிகேசன் இயங்கிக் கொண்டிருக்கலாம்.”

20 நாட்களில் தமிழ் கற்ற ரஜினி...

மெட்ராஸ் இன்ஸ்ட்டியூட்டில் படித்தபோது ரஜினி நடித்த ஒரு நாடகத்தைப் பார்க்க வந்திருந்தார் இயக்குனர் கே.பாலசந்தர். ரஜினியோடு பலர் நடித்திருந்தாலும் ரஜினி அவரை ஈர்த்திருக்கிறார். அவரைக் கூப்பிட்டு, நீ தமிழ் கத்துக்கோ என்று மட்டும் கூறிவிட்டுச் சென்றார் பாலசந்தர். இதை ரஜினி என்னிடம் வந்து கூறியபோது, முதல்ல தமிழ் கத்துக்க. பாலசந்தர் உனக்கு வாய்ப்பு தருவார் என்று நினைக்கிறேன் என்றேன்.

ரஜினிக்கு யார் தமிழ் சொல்லித் தந்தது?

பாலசந்தர் தமிழ் கற்கச் சொல்லிவிட்டுப் போனதால் நானே ரஜினிக்கு தமிழ் சொல்லித் தர ஆரம்பித்தேன். அப்போது ரஜினிக்கு மிகக் கொஞ்சமே தமிழ் தெரியும். நான் பெங்களூரில் செட்டில் ஆன தமிழ்க் குடும்பத்தைச் சேர்ந்தவன் என்பதால் நானே ரஜினிக்கு தமிழ் சொல்லிக் கொடுக்க ஆரம்பித்தேன்

'என்னடா தமிழ் பேசுறே'.. 

அப்போது, டேய் இனிமே நீயும் நானும் தமிழ்ல தான் பேசுரோம் என்றார் ரஜினி. இதையடுத்து இருவரும் கன்னடத்தை விட்டுவிட்டு தமிழில் பேச ஆரம்பித்தோம். சொன்னால் நம்ப மாட்டீர்கள். அடுத்த 15, 20 நாட்களில் மிகச் சரளமாக தமிழ் பேச ஆரம்பித்துவிட்டார் ரஜினி. எனக்கு ஆச்சரியமாக இருந்தது ரஜினியின் வேகம். அவருக்கு எதிலுமே வேகம் தானே. அதே ரஜினி இப்போது

பாலசந்தரை அசத்திய ரஜினி: 

தமிழை மிகச் சரளமாக பேச ஆரம்பித்தவுடன் மீண்டும் மெட்ராஸ் போன ரஜினி நேராக பாலசந்தரைப் போய்ப் பார்த்து தமிழில் மடமடவென பேச அவர் அசந்து போயிருக்கிறார். இதையடுத்து அபூர்வ ராகங்கள் படத்தில் ரஜினிக்கு வாய்ப்பு தந்தார்.

வில்லன் ரோல் கேட்ட ரஜினி: 

இதையடுத்து உனக்கு ஹீரோ ரோல் வேணுமா, வில்லனா நடிக்கிறியா என்று பாலசந்தர் கேட்க, நான் வில்லன் ரோல் செய்றேனே் என்று தனது வில்லத்தனத்தைக் காட்டினார் ரஜினி. இதையடுத்து அவருக்கு அடுத்தடுத்த படங்களில் வில்லன் ரோல் தந்தார் பாலசந்தர்.

ரஜினி இவ்வளவு பெரிய சூப்பர் ஸ்டார் ஆவார் என நீங்கள் நினைத்ததுண்டா? சத்தியமாக இல்லை. அவருக்குள் நல்ல நடிகன் இருக்கிறான். அவர் நிச்சயம் நடிகராவார் என்று நினைத்தேனே தவிர, இவ்வளவு பெரிய ஸ்டார் ஆவார் என்று நான் நினைத்துக் கூட பார்த்ததில்லை.

- சூப்பர் ஸ்டார் ரஜினியின் நண்பர் ராஜ் பகதூர்

Thursday, July 25, 2013

ஆப்பிளின் புதிய அப்ளிகேஷன் செம!!!

உங்களிடம் ஆப்பிள் ஐ போன் உள்ளதா இனி பேஸ்புக்கை நீங்கள் சீக்ரெட்டாக பயன்படுத்தலாம் பாஸ். ஆம் அதற்கென்றே பிரத்யோகமான மென்பொருள் ஒன்றை வழங்குகிறது ஆப்பிள். இதன்மூலம் நமது பேஸ்புக் அக்கவுன்ட் யாராலும் கண்காணிக்க முடியாது என்று சொல்கிறது ஆப்பிள்.

இந்த ஆப்பிள் அப்ளிகேஷன் தற்போது அதிக அளவில் வரவேற்பை பெற்று வருகிறது. இதன் சிறப்பம்சம் என்னவென்றால் உங்களது பேஸ்புகி போட்டோக்களை உங்களது நண்பர்கள் கூட உங்களது அனுமதி இல்லாமல் பார்க்க முடியாது. யாரேனும் உங்களுடைய போட்டோக்களை பார்க்க முயன்றால் உடனடியாக உங்களுக்கு ஒரு மெசேஜ் வந்துவிடும். நீங்கள் அனுமதியளித்தால் மட்டுமே அவர்களால் உங்கள் போட்டோக்களை பார்க்க முடியும்.

ரூ 250 கோடி இந்திய வெள்ளிக்கட்டிகள் மீட்பு

சுமார் 72 ஆண்டுகளுக்கு முன்னர் புயலில் சிக்கி கடலில் மூழ்கிய இங்கிலாந்து கப்பல் ஒன்றிலிருந்து, தற்போது 61 டன் வெள்ளி மீட்கப்பட்டுள்ளது. இதன் இந்திய மதிப்பு ரூ250 கோடி ஆகும். ஏராளமான மதிப்புமிகுந்த பொருட்களோடு இந்தியாவில் இருந்து 1941ம் ஆண்டு புறப்பட்ட இங்கிலாந்து சரக்குக் கப்பல் ஒன்று அட்லாண்டிக் கடலில் எதிர்பாராத விதமாக மூழ்கியது. அக்கப்பலின் பெயர் எஸ்.எஸ்.கய்ர்சோப்பா. அக்கப்பல் முழுவதும் இந்தியாவில் இருந்து எடுத்துச் செல்லப்பட்ட வெள்ளி, இரும்பு தாது மற்றும் தேயிலை சரக்கு நிரம்பியிருந்தது.

அட்லாண்டிக் கடலில் கப்பல் சென்று கொண்டிருந்தபோது, எதிர்பாராத விதமாக கப்பலின் எரிபொருள் தீர்ந்தது. கடற்புயலும் அதோடு கைகோர்த்துக் கொள்ள 20 நிமிடங்களில் கப்பல் இருந்த சுவடே தெரியாமல் ஜலசமாதி அடைந்தது.

சுமார் 400 அடி நீளம் கொண்ட இந்த கப்பல் அட்லாண்டிக் கடல் பகுதியில் அயர்லாந்து அருகே மூழ்கியது.

கப்பலில் இருக்கும் பொருட்களை மீட்டெடுக்கும் ஒப்பந்தம் ஒடிசா மெரைன் என்ற நிறுவனத்துக்கு கடந்த ஆண்டு வழங்கப்பட்டதையடுத்து அந்நிறுவனம் தனது தேடுதல் வேட்டையைத் தொடங்கியது.

தீவிர தேடுதலின் பயனாக தற்போது, அக்கப்பலில் இருந்து ஒவ்வொன்றும் சுமார் 1100 அவன்ஸ் எடையுள்ள 2,792வெள்ளிக்கட்டிகள் மீட்கப்பட்டுள்ளது.

அதன் மொத்தஎடை சுமார் 61 டன் ஆகும். இதன் மதிப்பு இந்திய ரூபாயில் கிட்டத்தட்ட ரூ250 கோடி எனத் தெரிகிறது.

ஏற்கனவே போடப்பட்ட ஒப்பந்தத்தின் படி, கப்பலில் மீட்கப்படும் பொருட்களில் 80% மீட்பு பணியில் ஈடுபட்டுள்ள ஓடிசி நிறுவனத்திற்கும்,மீதம் உள்ள 20% இங்கிலாந்து அரச கருவூலத்திற்கும் சொந்தம்.

அப்போ இந்தியாவிற்கு.... ‘அல்வா' தானா?

Wednesday, July 24, 2013

தகவல் அளித்தால் ரூ. 20 லட்சம் பரிசு


வேலூரில் இந்து முன்னணி நிர்வாகி வெள்ளையப்பன், ஆடிட்டர் ரமேஷ் ஆகியோர் கொலை வழக்கில் தொடர்புடைய பிற குற்றவாளிகளை தகவல் தெரிவித்தால் ரூ. 2 லட்சம் சன்மானம் மற்றும் இந்து இயக்க நிர்வாகிகள் கொலை வழக்குத் தொடர்பாக தேடப்படும் 4 பயங்கரவாதிகளை பற்றி தகவல் அளித்தால் ரூ. 20 லட்சம் பரிசு வழங்கப்படும் தமிழக காவல்துறை அறிவித்துள்ளது.மேலும் பயங்கரவாதிகளுக்கு அடைக்கலம் கொடுப்பவர்கள் மீது கடும் நடவடிக்கை எடுக்கப்படும் எனவும் எச்சரிக்கப்பட்டுள்ளது.

தமிழக காவல்துறையின் இயக்குநர் அலுவலகம் வெளியிட்டுள்ள செய்தி குறிப்பில்,” தேடப்படும் போலீஸ் பக்ருதீன், பிலால் மாலிக், பன்னா இஸ்மாயில், அபுபக்கர் சித்திக் ஆகிய 4 பேரையும் பற்றி தகவல் தெரிவித்தால், ரூ . 20 லட்சம் சன்மானம் வழங்கப்படும் என்றும், கொலை வழக்கில் தொடர்புடைய பிற குற்றவாளிகளை பற்றி தகவல் தெரிவித்தால் ரூ. 2 லட்சம் சன்மானம் வழங்கப்படும் என்றும் தெரிவித்துள்ளது.

இதில் நான்கு பேரில், ஒவ்வொருவரையும் கைது செய்ய பயனுள்ள தகவல் தருபவர்களுக்கு ரூ. 5 லட்சம் (மொத்தம் ரூ. 20 லட்சம்) அளிக்கப்படும். இது தவிர வேலூரில் இந்து முன்னணி நிர்வாகி வெள்ளையப்பன், ஆடிட்டர் ரமேஷ் ஆகியோர் கொலை வழக்கில் தொடர்புடைய பிற குற்றவாளிகளை தகவல் தெரிவித்தால் ரூ. 2 லட்சம் சன்மானம் வழங்கப்படும்.

பொதுமக்கள் தங்களுக்கு கிடைத்த தகவல்களை 044 -28447739, 97104 55000, 94445 85954 ஆகிய தொலைபேசி, செல்போன் எண்களுக்கு தெரிவிக்கலாம். தகவல் தெரிப்பவர்கள் விவரம் ரகசியமாக வைக்கப்படும்.தலைமறைவாக இருக்கும் பயங்கரவாதிகள் வெடிகுண்டு வழக்குகளில் சம்பந்தப்பட்டவர்கள் என்பதால் அவர்களுக்கு அடைக்கலம் கொடுப்பது அல்லது தங்க இடம் கொடுப்பது ஆபத்தானது. மேலும் அடைக்கலம் கொடுப்பவர்கள் சட்டப்படி தண்டனைக்குரியவர்கள்” என்று காவல்துறை தெரிவித்துள்ளது.

கணவரை கண்காணித்தபடி கள்ள உறவைப் பேணும் அமெரிக்க பெண்கள்!

அண்மையில் இணையதளம் ஒன்று நடத்திய ஆய்வறிக்கையில், 55 சதவிகித அமெரிக்கர்கள் தங்களது ஜோடிகளை வேவு பார்ப்பதை ஒப்புக்கொண்டுள்ளனர். இவர்கள் தங்களது ஜோடிக்கு வரும் குறுஞ்செய்திகளை அவர்களுக்கு தெரியாமல் பார்ப்பதாக தெரிவித்துள்ளனர்.குறுஞ்செய்திகள், மின்னஞ்சல், முகநூல் மூலமாக தங்களது ஜோடிகளை வேவு பார்ப்பதாக இவர்கள் தெரிவித்துள்ளனர்.அதிலும் ஆண்களை விட பெண்கள் தான் அதிகம் வேவு பார்ப்பதாக தெரிவித்துள்ளனர்.

இதற்கிடையில் கணவனை ஏமாற்றுவதில் அமெரிக்கப் பெண்கள்தான் செம கில்லாடிகளாக இருக்கிறார்கள் என்ற தகவல் வெளியாகியுள்ளது. அதிலும் கணவருக்குத் தெரியாமல் கள்ள உறவுகளைப் பேணுவதிலும் அமெரிக்கப் பெண்கள் பெரிதும் முன்னோடிகளாக உள்ளனர் என மற்றொரு ஆய்வொன்றில் தெரிய வருகிறது.

கடந்த 20 வருடங்களில் இந்த போக்கு கிடுகிடுவென அதிகரித்து காணப்படுவதாக அந்த அறிக்கையில் சுட்டிக் காட்டப் பட்டுள்ளது. அதாவது கணவருக்குத் தெரிந்தும், தெரியாமலும் வேறொரு கள்ளக்காதலுடன் வாழ்க்கை நடத்துவது, இரகசிய வாழ்க்கை நடத்தும் பெண்களின் எண்ணிக்கை கடந்த 20 ஆண்டுகளில் 40 சதவீதம் அதிகரித்துள்ளதாம்.

அதேசமயம், அமெரிக்க ஆண்கள் தாங்கள் தவறு செய்தால் அதை ஒப்புக் கொள்கிறார்களாம். அத்தகையவர்களின் எண்ணிக்கை 21 சதவீதமாக உள்ளது.பெரும்பாலான பெண்கள் கணவரைத் தவிர இரகசிய உறவுகளைப் பேணுவதற்கு கையில் வேலையும், பணமும் புரளுவதுமே முக்கியக் காரணம் என்கிறது இந்த ஆய்வு.

அஜீத்த்தின் ’ஆரம்பம்’


ஸ்ரீசத்ய சாய் மூவீஸ் சார்பில் A.ரகுராமன் தயாரிப்பில் கோலிவுட்டின் தல நடித்த படத்தின் ஷூட்டிங் தொடங்கி ஒரு வருடம் கழிந்த பிறகும் கூட டைட்டிலைத் தேடிக் கொண்டிருந்தார்கள்.விஷ்ணுவர்தன் இந்தப் படத்தை இயக்கி உள்ளார்.படத்தில் அஜித்துக்கு ஜோடியாக நயன்தாரா நடித்துள்ளார். தவிர, ஆர்யா – டாப்ஸி ஜோடியும் உள்ளது. யுவன்சங்கர் ராஜா இசை அமைத்துள்ளார்.இந்நிலையில் அஜித் – 53 என்று பலராலும் குறிப்பிடப்பட்டு வந்த இந்த படத்திற்கு தற்போது ‘ஆரம்பம்’ என்பதுதான் டைட்டில் என்று அதிகாரப்பூர்வமாக தெரிவித்திருக்கிறார்கள்.

முன்னதாக இந்தப் படத்துக்கு ‘வலை’ என்று பெயர் வைத்திருப்பதாக முதலில் கூறப்பட்டது. ஆனால், இயக்குநர் விஷ்ணுவர்தன் அதை மறுத்தார். இந்த நிலையில் சமீபத்தில் ‘பறவை’ என்று பெயர் வைத்திருப்பதாகத் தகவல் வெளியானது .

இப்படி யூகத்தின் அடிப்படையில் பல பெயர்கள் பரிசீலிக்க பட்டதாம் ஃபேஸ்புக் உள்ளிட்ட பல ஊடகங்களின் ஒவ்வொரு அசைவும் உன்னிப்பாக கவனிக்கப்பட்டதாம் இது வரை எந்த ஒரு படத்துக்கும் ‘தலைப்பு ‘ குறித்து இப்படி ஒரு விவாதமோ எதிர்பார்ப்போ இல்லாத நிலையில் படத்துக்கு ‘ஆரம்பம்’ என பெயர் சூட்டப்பட்டுள்ளது. அஜீத் குமார் சுய விளம்பரம் செய்யும் வகையில் வரும் தலைப்பையோ , சுய புகழ் பாடும் தலைப்பையோ வைக்க கூடாது என்று தயாரிப்பாளரிடமும் இயக்குனரிடமும் கோரிக்கை வைத்ததால், கதையின் கருவுக்கு ஏற்றவாறு இப்போது ஆரம்பம் என பெயரிடப் பட்டுள்ளது என்று கூறப்பட்டுள்ளது.

விண்டோஸ் எக்ஸ்பிக்கு ஹேக்கிங்க் வார்னிங்



விண்டோஸ் எக்ஸ்பி இயங்குதளத்தை தங்களது கணினிகளில் நிறுவியிருப்பவர்களை உடனடியாக மேம்படுத்தப்பட்ட பதிப்பொன்றுக்கு மாறி விடுமாறு இந்திய அரசின் சைபர் பாதுகாப்பு பிரிவு அறிவுறுத்தியுள்ளதாக NDTV செய்தி வெளியிட்டுள்ளது.

விண்டோஸ் எக்ஸ்ப்பியை ஹேக்கர்கள் இலகுவாக ஊடுருவி மிகப் பெரிய கணினி (சைபர்) தாக்குதல்களை மேற்கொள்ள திட்டமிட்டிருப்பதே இந்த அறிவுறுத்தலுக்கான காரணமென தெரிய வருகின்றது.

மேலும் மைக்ரோசாப்ட் நிறுவனமும் விண்டோஸ் எக்ஸ்பிக்கான உதவிகளை அடுத்தவருடம் ஏப்ரல் மாதத்துடன் நிறுத்தி விடுவதாக தெரிவித்திருந்ததும் குறிப்பிடத்தக்கது.இதனால் விண்டோஸ் எக்ஸ்பிக்கான பாதுகாப்பு மேம்படுத்தல்கள் எவையும் மைக்ரோசாப்டிடம் இருந்து கிடைக்காமல் போகும் நிலை உருவாகிவிடும்.இந்நிலையில் மைக்ரோசாப்ட் நிறுவனத்திடமிருந்து இறுதியாக வெளிவந்த பாதுகாப்பான இயங்குதளமாக விண்டோஸ் 8 கருதப்படுகின்றது.

என் குரலை கேட்டு நானே பயந்து இருக்கிறேன்!

விஜய் டிவியில் நகைச்சுவையாக பேசி நிகழ்ச்சிகள் நடத்தி வந்த சிவகார்த்திகேயன் முதல் முதலில் “மெரீனா” படத்தின் மூலம் சினிமாவுக்கு அறிமுகம் ஆனார். தொடர்ந்து 3, மனம் கொத்தி பறவை, கேடி பில்லா கில்லாடி ரங்கா, எதிர் நீச்சல் போன்ற படங்களில் நடித்து வளர்ந்து விட்ட நடிகராக திகழ்கிறார்.

இப்படி காமெடி கலந்த நடிப்பால் இளம் ரசிகர்கள்-ரசிகைகளை கவர்ந்த சிவகார்த்திகேயன் தற்போது வருத்தப்படாத வாலிபர் சங்கம் படத்தில் கதாநாயகனாக நடித்து வருகிறார். இந்த படத்தில் அவருடன் சத்யராஜும் நடிக்கிறார். பிந்து மாதவி கதாநாயகி.

இதற்கிடையில் இதுவரை நடிகராக வசனம் பேசி நடித்த சிவகார்த்திகேயன் வருத்தப்படாத வாலிபர் சங்கத்தில் முதல் முறையாக பாடகராகவும் அவதாரம் எடுத்துள்ளார். இந்த படத்தில் டி.இமான் இசையில் கிராமிய மனம் கமழும் பாடலைப் பாடியுள்ளார்.இது குறித்து சிவகார்த்திகேயனிடம் கேட்ட போது, ”பள்ளி நாட்களில் நான் பாடும் போது என் குரலை கேட்டு நானே பயந்து இருக்கிறேன். இப்போது இமான் என்னிடம் பாடக் கேட்ட போது கூட அதைக் கூறி முதலில் மறுத்தேன். ஆனால் அவர் முயற்சி செய்யுங்கள் நன்றாக வரும் என்று ஊக்கப்படுத்தினார். அப்போது நான் கிராமிய பாடகர் அந்தோணிதாசன் பாடிய காசு பணம் துட்டு பாடலை மனதில் வைத்துக் கொண்டு பாட முயற்சி செய்தேன். இமான் கொடுத்த ஊக்கத்தால் சிறப்பாக பாட முடிந்தது.” என்று கூறி ”பாட்டைக் கேட்டுட்டு சொல்லுங்க சார்!” என்றார். நீங்கள்ஏ கேளுங்களேன்!!

கமல்ஹாசன்- கடவுளா?? மிருகமா???

இந்திய சினிமா வரலாற்றில் கமல்ஹாசன் என்ற ஒரு நடிகருக்கு தவிர்க்க முடியாத இடம் ஒன்று உள்ளது. தமிழ் ரசிகனின் ரசனையை வேறு தளத்துக்கு எடுத்து சென்றதில், சென்றுகொண்டு இருபதில் கமல் மாதிரி ஒரு கலைஞனை இது வரை நான் கண்டது இல்லை. SMS படத்துல சந்தானம் சொல்லற மாதிரி "நல்லவங்க கருத்து ரீச் ஆகும், ஆனா என்ன கொஞ்சம் லேட்டா ரீச் ஆகும்"..... கமல் படம் கண்டிப்பா மக்களை ரீச் ஆகும், என்ன ரொம்ப ரொம்ப லேட்டா KTV முலமா ரீச் ஆகும். அன்பே சிவம், குணா போன்ற படங்களை லேட் ரீச்க்கு நல்ல உதாரணமாக சொல்லாம்.

KTVயில ஓடுன நாட்கள் கூட இந்த படங்கள் தியேட்டரில் ஓடவில்லை. ஆனாலும் தன் முயற்சியில் சற்றும் மனம் தளராத விக்ரமாதித்யன் போல நல்ல திரைப்படங்கள் தர வேண்டும் என்ற எண்ணத்தை கமல் ஒருபொழுதும் மாற்றி கொண்டதே இல்லை. சினிமாவில் சம்பாரித்த பணத்தை சினிமாவில் முதலீடு செய்யும் சில மனிதர்களில் கமலும் ஒருவர். கமல் அளவுக்கு எந்த நடிகருக்கும் படங்கள் ப்ளாப் ஆனது கிடையாது. மாபெரும் பொருட்செலவில் கமல் எடுத்த சில படங்கள் அதள பாதாளத்தில் விழுந்து உள்ளன உ.தா: ஆளவந்தான். சில படங்கள் வெறும் ரெண்டே நாள் மட்டும் ஓடி வரலாற்று சாதனை புரிந்து உள்ளன. உ.தா: மும்பை எக்ஸ்பிரஸ்.இப்படியாக நிறைய நல்ல/கெட்ட விஷயங்கள் கமலை பற்றி சொல்லி கொண்டே போகலாம்.



கமல் செய்யாத சாதனைகளே கிடையாது. சில சாதனைகள் இதோ:

• நான்கு முறை தேசிய விருதும், மூன்று முறை சர்வதேச விருதும் பெற்ற ஒரே இந்திய நடிகர். களத்தூர் கண்ணம்மா, மூன்றாம் பிறை, நாயகன், இந்தியன் படங்களுக்காக தேசிய விருது பெற்றார். விருமாண்டி, சுவாதி முத்யம், சாகர சங்கமம் படங்களுக்கு சவுத் ஏசியன் இண்டர்நேஷனல் விருதுகள் சிறந்த படத்திற்கான விருதுகள் தரப்பட்டது.

• இதுவரை இந்திய நடிகர்களிலேயே இவர் நடித்த படங்கள் தான் அதிக முறை (7 முறை) ஆஸ்கர் விருதுக்காக பரிந்துரைக்கப் பட்டிருக்கிறது.- இந்திய சினிமா வரலாற்றிலேயே 18 முறை பிலிம்பேர் விருது பெற்ற ஒரே நடிகர். திலீப் குமாரே 14 பிலிம்பேர் விருதுகள் தான் வாங்கியிருக்கிறார்.

• இதுவரை உலகிலேயே அதிக விருதுகள் (170க்கும் அதிகம்) பெற்ற ஒரே நடிகர் கமல்ஹாசன் மட்டுமே.

• கமல்ஹாசன் இந்தியாவில் குடிமகன்களுக்கு வழங்கப்படும் விருதுகளிலேயே 4வது சிறந்த விருதான பத்மஸ்ரீ பெற்றிருக்கிறார்.

• கமல்ஹாசனுக்கு அவர் செய்யும் கலைசேவைகளுக்காக சத்யபாமா நிகர்நிலைப் பல்கலைக்கழகத்தால் "டாக்டர்" பட்டம் கையளிக்கப் பட்டது.

• கமல்ஹாசனின் சொந்தப் பட நிறுவனமான ராஜ்கமல் நிறுவனம் இதுவரை 450 மில்லியனுக்கும் மேற்பட்ட வர்த்தகம் செய்திருக்கிறது.தான் சினிமாவில் சம்பாத்திதை சினிமாவிலே முதலீடு செய்யும் ஒரு சிலரில் கமலும் ஒருவர்.

• இரண்டுமுறை ஆந்திர அரசின் மாநில விருதைப் பெற்றவர் டாக்டர் கமல்ஹாசன்.

• 8 முறை தமிழக அரசின் மாநில விருதைப் பெற்று சாதனை புரிந்தவர் கமல்ஹாசன்.

• கமல்ஹாசனுக்கு தமிழக அரசு கலைமாமணி பட்டமும் வழங்கி கவுரவித்திருக்கிறது.

• சென்னை ரோட்டரி சங்கமும் கமல்ஹாசனுக்கு "சிறந்த மனிதர்" விருது வழங்கி சிறப்பித்துள்ளது.

இவ்வளவு சாதனைகள் நிகழ்த்திய பிறகும், இத்தனை விருதுகள் வாங்கி குவித்த பிறகும் இணையத்தில் கமல் மீது நிறைய குற்றச்சாற்று வைக்க படுவதை பார்கிறேன். அவர் பாமர ரசிகனுக்கு புரியாத மாதிரி படம் எடுக்கிறார் என்பது முதல் குற்றச்சாற்று. ஹே ராம்: புரியாத படத்திற்கு நல்ல உதாரணம். அப்புறம் ஆங்கில படங்களில் இருந்து காப்பி அடிக்கிறார் என்று. கமல் காப்பி அடிப்பதை எப்பொழுதும் மறுத்ததும் கிடையாது, அதை ஆமோதித்ததும் கிடையாது. அவர் காப்பி அடித்தது/தழுவி எடுத்த என்று சொல்லப்படுகிற சில படங்களை பற்றி கீழே குடுத்து உள்ளேன். கமல் தன் கலை பயணத்தில் ஆங்கில படங்களை தழுவி தமிழில் எடுத்த படங்கள் இதோ:

Witness (1985) : Indiana Jones புகழ் ஹாரிசன் ஃபோர்டு நடித்த இந்த படத்தில் ஒரு கொலை நடந்து விடும், அந்த கொலைக்கு சாட்சி 8 வயது சிறுவன். ஹீரோ ஃபோர்டு போலீஸ் அதிகாரி. சிறுவனின் சாட்சியை வைத்து ஃபோர்டு கொலையாளியை பிடிப்பது தான் படத்தின் கதை. படம் மிகவும் விறுவிறுப்பாக இருக்கும்.

இதே போன்ற ப்ளாட் கொண்ட படம் சூரசம்ஹாரம். கமல் இதில் போலீஸ் ஆக நடித்து இருப்பார். நிழல்கள் ரவியின் கொலையை நேரில் பார்த்த சாட்சி ஒரு சிறுவன். அந்த சிறுவனின் உதவியால் கமல் கொலைகாரர்களை பிடிக்கும் படி கதை அமைக்க பட்டு இருக்கும். எனக்கு மிகவும் பிடித்த கமல் படங்களில் இதுவும் ஒன்று. வெளியான ஆண்டு 1988.

She-Devil (1989) : குண்டாய் இருக்கும் மாணவி, வழி தவறி வேறு ஒரு பெண்ணின் பின்னல் போகும் தன் கணவனை பழிக்கு பழி வாங்குவது தான் கதை.


சதிலீலாவதி She-Devil-ளின் தழுவல் என்று சொல்லலாம். இந்த படத்தில் கமலின் ஆஸ்தான செகண்ட் ஹீரோ ரமேஷ் அரவிந்த் நடித்து இருப்பார். குண்டாய் இருக்கும் கதாநாயகி கல்பனா, வழி தவறி போகும் தன் கணவனை தன் வழிக்கு கொண்டு வருவது தான் சதிலீலாவதி. கமல் இதில் கோவை சரளாவுடன் நடித்து புரட்சி செய்து இருப்பார். படம் வெளியான ஆண்டு 1995.

The Bachelor (1999): ஹீரோ கல்யாணமே வேண்டாம் என்று இருக்கும் ஒரு பிரம்மச்சாரி, தன் தாத்தாவின் $100 மில்லியன் சொத்தை அடைய வேண்டும் என்றால் தனது 30 ஆவது பிறந்தநாளில் மாலை 6:05 மணிக்குள் திருமணம் செய்து இருக்க வேண்டும். ஹீரோவின் 30 ஆவது பிறந்த நாள் நாளை மறுநாள். ஹீரோவிடம் இருப்பதோ ஒரே நாள், இந்த ஒரு நாளில் அவன் தன் முன்னாள் காதலியை கை பிடித்தானா என்பதை மிகவும் நகைச்சுவை உடன் சொன்ன படம் தான் The Bachelor.


இதே போன்ற கதை அமைப்பு கொண்ட படம் "பம்மல் கே. சம்பந்தம்-(2002). தன் தாத்தாவின் மேன்ஷன் கமலுக்கு வர வேண்டும் என்றால் குறிபிட்ட நேரத்துக்குள் கமல் கல்யாணம் செய்து கொள்ள வேண்டும். இந்த கான்செப்ட்-ஐ மட்டும் எடுத்து கொண்டு கமல் குடுத்த படம் தான் பம்மல் கே. மௌலி இதை டைரக்ட் செய்து இருப்பார்.

Nine to Five (1980) : முன்று கதாநாயகிகள் சப்ஜெக்ட். அவர்கள் வேலை செய்யும் அலுவலகத்தின் மேனேஜர் ஒரு சபலிஸ்ட். தனக்கு கீழே வேலை செய்யும் பெண் ஊழியர்கள்யிடம் தவறாக நடக்க முயற்சி செய்பவன். தனக்கு ஒத்துழைப்பு அளிக்காத பெண் ஊழியர்களை காரணமே இல்லாமல் வேலையை விட்டு நீக்கி விடுவான். முன்று கதாநாயகிகள் ஒன்று சேர்ந்து சபலிஸ்ட் மேனேஜர் குடுக்கும் செக்ஷுவல் தொல்லைகளில் இருந்து தப்பித்து தங்கள் அலுவலகத்தில் உள்ள மற்ற பெண்களையும் எப்படி காப்ற்றுகிறார்கள் என்பதை மிகவும் நகைச்சுவை உடன் சொன்ன படம் தான் Nine to Five.


இதே கதையை கொண்டு கமல் தயாரித்த படம் தான் "மகளிர் மட்டும்". ரேவதி, ஊர்வசி, மற்றும் ரோகினி கதாநாயகிகளாக நடித்த இந்த படத்தில் நாசர் சபலிஸ்ட் மேனேஜர் ஆக நடித்து இருப்பார். கமல் கெஸ்ட் ரோல் வேறு செய்து இருப்பார். படம் வெளி வந்த ஆண்டு 1994.

The Reincarnation of Peter Proud (1975) : முன் ஜென்ம ஞாபகங்களை மையபடுத்தி எடுக்க பட்ட படம் இது. ஹீரோவுக்கு அடிக்கடி கொலை ஒன்று நடப்பது போன்ற கனவு வரும். அந்த கனவுக்கு விடை தேடி போகும் போது, தனது முன்ஜென்ம கதை தெரிய வரும். சுமாரான படம்.

இதே போன்றே முன்ஜென்மம் கான்செப்ட்ஐ கொண்டு கமல் நடித்த படம் "எனக்குள் ஒருவன்". இதுவும் சுமாரான படமே.

Moon Over Parador (1988) : இந்த படம் ஆள் மாறாட்ட காமெடி படம். பரடோர் நாட்டின் சர்வாதிகாரியான ஹீரோ தீடீர் என்று இறந்து விடுகிறார். சர்வாதிகாரி போலவே தோற்றம் கொண்ட ஒரு நடிகரை அந்த நாட்டின் சர்வாதிகாரியாக நடிக்க அழைத்து வருகிறார்கள். அதனால ஏற்படும் குழப்பங்களை காமெடியாக சொன்ன படம் தான் Moon Over Parador.


இதே போன்ற கதை அமைப்பு கொண்ட படம் தான் "இந்திரன்-சந்திரன்". இரண்டு கமல். ஒரு கமல் ஊழல்வாதி மேயார். இவர் கொலை செய்ய படுகிறார், இவரின் இடத்துக்கு இவரை போலவே தோற்றம் கொண்ட வேறு ஒரு கமலை கொண்டு வருவார்கள். இந்த படம் தெலுங்கில் வெளி வந்து தமிழ், மற்றும் ஹிந்தியில் டப்பிங் செய்ய பட்டது. படம் வெளி வந்த ஆண்டு 1989.

The Principal (1987) : முன்கோபகார ஹீரோ ஒரு பள்ளியில் டீச்சர் ஆக பனியாற்றி கொண்டு இருப்பவர். அவரது முன்கோபம் காரணமாக அவரை வேறு ஒரு பள்ளிக்கு ப்ரின்சிபால் ஆக மாற்றல் செய்கிறார்கள். அந்த பள்ளியில் போதை மருந்து புழக்கம் மிக அதிகமாக இருக்கிறது. அதே பள்ளியில் யாருக்கும் அடங்காத போதைக்கு அடிமையான மாணவன் ஒருவனுக்கும் ப்ரின்சிபால் ஹீரோவுக்கும் நடக்கும் மோதல் தான் The Principal.

இதே போன்று கதை அமைப்பு கொண்ட படம் "நம்மவர்". கமல் ஒரு கல்லூரிக்கு மாற்றல் ஆகி வருவார், அதே கல்லூரியில் படிக்கும் கரண்க்கும் நடக்கும் மோதலே நம்மவர் படத்தின் கதை. கரண்க்கு இது தான் முதல் படம். படம் வெளியான ஆண்டு 1994.

Planes, Trains & Automobiles (1987) : Thanks Giving நாளை தன் குடும்பத்துடன் கொண்டாட எண்ணி நியூயார்க் நகரில் இருந்தது சிக்காகோ நகரத்திற்கு நெல் பேஜ் என்பவன் செய்யும் பயணமே இந்த படம். சில பல அசாதாரண சூழ்நிலை காரணமாக அந்த பயணத்தில் வாய் மூடாமல் பேசும் டெல் என்னும் கேரக்டர் கூட சேர்ந்து விடும். பனிப்புயல் காரணமாக 2 மணி நேரத்தில் முடிய வேண்டிய அவர்களது பயணம் கிட்டதட்ட முன்று நாட்கள் மேல் சென்று விடும். பயணத்தின் முடிவில் நெல் மற்றும் டெல் இருவரும் நல்ல நண்பர்கள் ஆகி விடுவார்கள்.


அன்பே சிவம்: கமலின் மிக சிறந்த படங்களில் ஒன்று, இதே போன்ற கதையை கொண்டு இருக்கும். தன் கல்யாணத்திற்கு புவனேஸ்வரில் இருந்தது சென்னைக்கு பயணம் செய்யும் மாதவனின் பயணத்தில் கூட கமல் சேர்ந்து கொள்வார். புயல் காரணமாக 1 மணி நேர விமான பயணம் முன்று நாட்கள் மேல் சென்று விடும். கமல் இந்த படத்தில் பேசும் ஒவொரு வசனமும் அற்புதமாய் இருக்கும். கம்யூனிஸ்ட்வாதியான கமலின் நடிப்பு இந்த படத்தில் அவரை வேறு ஒரு தளத்திற்கு எடுத்து சென்றது.

What About Bob? (1991) : அனைத்திற்கும் பயப்படும், பல போபியாவால் அவதி படும் பாப் (Bob) மன நோய் மருத்துவர் லியோ மார்வின் இடையே நடைபெறும் காமெடி கலாட்டா தான் What About Bob? மருத்துவர் லியோ தன் குடும்பத்துடன் விடுமுறையை கழிக்க மலை பிரதேசம் செல்கிறார். அங்கு மருத்துவரை தேடி வரும் பாப் அவருக்கு பல இடைஞ்சல் ஏற்படுத்துகிறான். லியோவின் குடும்பத்திற்க்கு பாப்யை மிகவும் பிடித்து போய் விடுகிறது.லியோவிற்கு பாப்யை சுத்தமாக பிடிக்க வில்லை. இதன் இடையே லியோவின் தங்கை லில்லிக்கும் பாப்க்கும் காதல் ஏற்படுகிறது. காதலை பிரிக்க லியோ செய்யும் முயற்சிகள் தோல்வியில் முடிய இறுதியில் பாப் & லில்லி திருமணம் இனிதே நடைபெறுகிறது.


இதே கதையை கொண்டு கமல் நடிப்பில் வெளி வந்த படம் "தெனாலி". மன நோய் மருத்துவராக ஜெயராம் நடித்து இருப்பார். ஜெயராமின் தங்கையாக ஜோதிகா. கமல் செய்யும் சேட்டைகளால் ஜெயராம் நொந்து நுல் ஆகும் காட்சிகள் மிகவும் ரசிக்கும் படி இருக்கும்.கமல் இதில் ஈழ தமிழ் பேசி நடித்து இருப்பார். காமெடியில் கலக்கி இருப்பார் கமல். எனக்கு மிகவும் பிடித்த படம் இது.

The God Father (1972) : டான் காரீயோலியின் மரணத்திற்கு பிறகு அவரின் சாம்ராஜ்யத்தை கட்டி காக்கும் பொறுப்பு மைகேல்க்கு வந்து சேரும். மைகேல் எப்படி டான் சாம்ராஜ்யத்தை காப்பாற்றி எதிரிகளை அழிகிறான் என்பது தான் காட் பாதர் படத்தின் அடிநாதம்.

"நாயகன்" தான் காட் பாதர் படத்தின் தழுவல் என்று காட் பாதர் பார்க்கும் வரை எண்ணி இருந்தேன். காட் பாதர் பார்த்த பிறகு அந்த படத்தின் சாயல் நாயகனை விட "தேவர் மகன்" படத்தில் நிறைய இருப்பதாய் எனக்கு தோன்றியது. சிவாஜியின் நடிப்பு, குழந்தைகள் உடன் இருக்கும் போது ஏற்படும் சிவாஜியின் மரணம், கமல்-கௌதமி நிறைவேறாத காதல், கமலின் அண்ணனின் கையில் ஆகாதனம், கமலின் நாட்டம் தன் குடும்பத்தின் மேல் இல்லாமல் இருப்பது போன்ற சில விஷயங்கள் காட் பாதர் மற்றும் தேவர் மகனுக்கும் ஆனா நெருக்கத்தை எனக்கு காட்டின.

மேலே சொன்ன எந்த படத்திலும் கமல் முல கதைக்கான கிரெடிட் கொடுக்கவில்லை என்ற குற்றச்சாற்று அவர் மீது வைக்க படுகிறது. இப்பொழுது நீங்கள் கேட்கலாம் கமல் கடவுளா (தமிழ் சினிமாவை வேறு தளத்திற்கு எடுத்து செல்வதில்) ..??? அல்லது மிருகமா..??? (அடுத்தவரின் உழைப்பை எடுத்து அதற்கு உண்டான கிரெடிட் தராமல் இருப்பது).இந்த கேள்விற்கான விடையை அவர் அவர் மனசாட்சியின் பதிலுக்கே விட்டு விடுகிறேன்.

என்னை பொறுத்த வரை கமல் கடவுள் தான். மேலே சொன்ன படங்களை வைத்து கமலின் அர்ப்பணிப்பை கேள்வி கேட்பது பெரிய முட்டாள்தனம் என்றே நான் கருதுவேன். ஒவ்வொரு படத்திலும் ஏதாவது புதுமையை புகுத்தி சராசரி ரசிகனின் ரசனையை சிறிதாவது உயர்த்த கமல் செய்யும்/செய்து கொண்டு இருக்கும்/செய்ய போகும் பணி மகத்தானது. கமல் நடித்த அணைத்து படங்களிலும் அவரது 100% உழைப்பை காண முடியும். தன் உயிர் இருக்கும் வரை தமிழ் சினிமாவின் வளர்ச்சிக்கு அயராது பாடு படும் கமல் "IS A GENIUS".

மலேசியத் தமிழர்களைக் கவர்ந்த எம்.ஜி.ஆர்

மலேசியா தேர்தலில் தமிழக வாக்காளர்களைக் கவர எம்.ஜி.ஆர். பாடல்களையும், அவரது மேடைப் பேச்சுகளையும் போட்டு பிரச்சாரம் செய்தார்கள். அங்கு தீவிர தேர்தல் பிரசாரம் நடந்தது. வாக்காளர்களை கவர அரசியல் கட்சிகள் பல்வேறு உத்திகளை கையாண்டன. மலேசியாவில் இந்தியர்கள் அதிக அளவில் உள்ளனர். அவர்களில் தமிழர்கள் பெரும்பான்மையாக வசிக்கின்றனர். எனவே அவர்களை கவர்ந்து வாக்குகளை பெற ஆளும் கட்சி கூட்டணி தமிழக முன்னாள் முதல்வர் எம்.ஜி.ஆரின் பட பாடல்களையும் அவருடைய பேச்சுக்களையும் போட்டு பிரசாரம் செய்து வருகின்றனர். இது வாக்காளர்களை பெரிதும் கவர்ந்தது. எம்.ஜி.ஆர். மறைந்து சுமார் 26 வருடங்கள் ஆகி விட்ட நிலையில் தமிழ்நாட்டில் மட்டுமின்றி மலேசியாவிலும் இன்னும் அவரது புகழ் மங்க வில்லை என்றும் மக்கள் மனதில் அவர் இன்றும் நிலைத்து வாழ்வதையை இது காட்டுகிறது என்று மலேசிய ஊடகங்கள் தெரிவித்தன.

Tuesday, July 23, 2013

வறுமைக் கோட்டிற்கு கீழே 22 சதவீத இந்தியர்கள்தான்!


நாட்டில் உள்ள மக்கள் தங்களின் உணவு, ஆரோக்கியம் மற்றும் கல்விக்காக செய்யும் செலவுகளின் அடிப்படையில் வறுமை விகிதம் தொடர்பாக கணக்கெடுப்பு நடத்தப்பட்டது. இதில், கடந்த 2004-05-ம் நிதியாண்டில் 37.2 சதவீதமாக இருந்த வறுமை விகிதம் கடந்த 2011-2012-ம் நிதியாண்டில் 21.9 சதவீதமாக குறைந்துள்ளது என்று திட்டக்குழு தெரிவித்துள்ளது.

இதுதொடர்பாக திட்டக்குழு வெளியிட்டுள்ள அறிக்கையில் ”சுரேஷ் டெண்டுல்கர் கமிட்டி பரிந்துரையின் அடிப்படையில் 2011-12ம் நிதியாண்டில் தேசிய வறுமைக்கோட்டு வரம்பு நிர்ணயிக்கப்பட்டுள்ளது. கிராமப்புறங்களில் தனிநபரின் மாதச்செலவு ரூ.816 ஆகவும், நகர்ப்புறங்களில் தனிநபர் மாதச்செலவு ரூ.1000 ஆகவும் தோராயமாக வரையறுக்கப்பட்டது. அதாவது, நகர்ப்புறத்தில் உள்ளவர்களின் தினச்செலவு ரூ.33.33க்கு அதிகமாகவும், கிராமப்புறத்தில் தனிநபர் தினச்செலவு ரூ.27.20க்கு அதிகமாகவும் இருந்தால் அவர் ஏழையாக கருதப்பட மாட்டார்.

5 நபர் கொண்ட ஒரு குடும்பத்தின் நுகர்வு செலவு கிராமப்பறங்களில் மாதம் ரூ.4080 ஆகவும், நகர்ப்புறங்களில் ரூ.5000 ஆகவும், அகில இந்திய வறுமைக்கோடு வரம்பாக நிர்ணயிக்கப்பட்டுள்ளது. இது மாநிலத்திற்கு மாநிலம் வேறுபடும்.

இதன் அடிப்படையில் கணக்கெடுப்பு நடத்தியதில் 2011-12ம் நிதியாண்டில் வறுமைக்கோட்டுக்கு கீழ் கிராமப்புறங்களில் சுமார் 25.7 சதவீதம் பேரும், நகரங்களில் 13.7 சதவீதம் பேரும், நாடு முழுவதும் 21.9 சதவீதம் பேரும் இருப்பது கண்டறியப்பட்டுள்ளது.

2004-05 நிதியாண்டில் கிராமப்புறங்களில் 41.8 சதவீதம் பேரும், நகர்ப்புறங்களில் 25.7 பேரும், நாடு முழுவதும் 37.2 சதவீதம் பேரும் வறுமைக்கோட்டுக்கு கீழ் இருந்தனர். 20011-12ல் 26.93 கோடி மக்கள் வறுமைக்கோட்டுக்கு கீழ் வசித்தனர். 2004-05ல் 40.71 பேர் அந்த பட்டியலில் இருந்தனர்.

மாநிலங்கள் வாரியாக வெளியிடப்பட்டுள்ள வறுமைக்கோடு பட்டியலில் சத்தீஷ்கர் மாநிலம் முதலிடத்தில் உள்ளது. அந்த மாநிலத்தில் அதிகபட்சமாக 39.93 சதவீதம் மக்கள் வறுமைக்கோட்டுக்கு கீழ் உள்ளனர். ஜார்க்கண்ட் (36.96 சதவீதம்), அருணாச்சல பிரதேசம் (34.67 சதவீதம்), பீகார் (33.47 சதவீதம்) ஆகிய மாநிலங்கள் அடுத்தடுத்த இடங்களில் உள்ளன.

கோவாவில் மிக குறைந்த அளவாக 5.09 சதவீதம் மக்கள் மட்டுமே வறுமைக் கோட்டுக்கு கீழ் உள்ளனர். கேரளாவில் 5.09 சதவீதம் மக்களும், இமாச்சல பிரதேசத்தில் 8.06 சதவீதம், பஞ்சாபில் 8.26 சதவீதம் மற்றும் ஆந்திராவில் 9.20 சதவீத மக்கள் வறுமைக் கோட்டுக்கு கீழ் உள்ளனர்.

யூனியன் பிரதேசங்களைப் பொருத்தரையில் தாத்ரா நகர் ஹவேலியில் அதிகபட்சமாக 39.31 மக்களும், சண்டிகரில் 21.81 சதவீத மக்களும் வறுமைக்கோட்டுக்கு கீழ் உள்ளனர்.”என்று அந்த அறிக்கையில் தெரிவிக்கப்பட்டுள்ளது.

மழைநீர் சேகரிப்பு திட்டத்தை மழுங்கடித்து விடாதீர்கள்!

நீரின்றி அமையாது உலகு’ என்பது பழமொழி. பூமி வெப்பம் அடைந்து வருவது, தட்பவெப்ப நிலை மாற்றம், பருவநிலை மாற்றம் போன்ற காரணங்களால் விவசாயத்தின் தேவைக்கு மட்டுமின்றி மனிதனின் அன்றாடத் தேவைக்குக் கூட தண்ணீர் கிடைப்பதில்லை.முன்பு நகர்ப்பகுதிகளில் நிலவிய தண்ணீர் பற்றாக்குறை தற்போது கிராமப்புறங்களுக்கும் பரவி வறட்சி நிலை காணப்படுகிறது. இதனால், தண்ணீருக்காகப் பிற மாநிலங்களிடம் கையேந்தி நிற்கும் நிலைக்குத் தமிழகம் தள்ளப்பட்டுள்ளது. பண்டைய காலத்தில் மன்னர்கள் ஏரி, குளம், அணைகள், தடுப்பணைகள் உள்ளிட்டவற்றை உருவாக்கி நீர்வளத்தைப் பெருக்கினர்.

தற்போது ஏரி, குளம், கால்வாய், நீர் நிலைகள், நீர் வழித்தடங்கள் உள்ளிட்டவற்றை அழித்துக் கட்டடங்களை எழுப்பி வருவதால் நிலத்தடி நீர்மட்டத்தின் அளவும் அதிக அளவில் குறைந்து வருகிறது.தமிழகத்தில் சராசரியாக ஆண்டுக்கு 998 மில்லி மீட்டர் அளவு மழை பதிவாகி வருகிறது. இந்த வரிசையில் தமிழகத்துடன் இணைந்து 8 மாநிலங்களில் சராசரியாக 1,000 மில்லி மீட்டருக்கும் குறைவாகவே மழை பதிவாகிறது. ஆனால், பிற மாநிலங்களைவிட தமிழகம்தான் அதிக அளவில் தண்ணீர் பிரச்னையைச் சந்தித்து வருகிறது.

தமிழகத்தில் 10 அடி முதல் 60 அடி வரையில் கிடைத்து வந்த நிலத்தடி நீர், தற்போது 100 அடியில் இருந்து 500 அடிக்குக் கீழாகத்தான் கிடைக்கிறது. இன்னும் சில பகுதிகளில் ஆயிரம் அடி வரை செல்கிறது. இதுதவிர கிணறுகளில் உள்ள நீர்மட்ட அளவு சராசரியாக ஒரு மீட்டர் அளவுக்கு மேல் குறைந்துள்ளதாக ஆய்வுகள் தெரிவிக்கின்றன.

மக்கள்தொகையும், நாளுக்குநாள் பயன்படுத்தப்படும் நீரின் அளவும் அதிகரித்து வருவதால் இயந்திரங்களைக் கொண்டு நிலத்தடி நீர் அதிக அளவில் உறிஞ்சப்படுகிறது. இதனால், குடிநீரை விலைக்கு வாங்கிப் பருகும் நிலைக்கு மக்கள் தள்ளப்பட்டுள்ளனர்.

பிற மாவட்டங்களைவிட சேலம், ஈரோடு, திருப்பூர், தஞ்சாவூர், தருமபுரி, கிருஷ்ணகிரி, வேலூர், கரூர் உள்ளிட்ட சில மாவட்டங்களில் நிலத்தடி நீர்மட்டத்தின் அளவு “அபாய நிலை’யில் உள்ளது. ஒரு சில மாவட்டங்களில் உள்ள பகுதிகளில் கிணறு வெட்டுவதற்குக் கூட தடை விதிக்கப்பட்டுள்ளது.

இதுபோன்ற பிரச்னைகளுக்குத் தீர்வுகாண தமிழக அரசு கடந்த 2003-ஆம் ஆண்டில் மழைநீர் சேகரிப்புத் திட்டத்தை அறிமுகப்படுத்தியது. இந்தத் திட்டத்தை வீடுகள், வணிக வளாகங்கள், அடுக்குமாடிக் குடியிருப்புகள், மருத்துவமனை, தொழிற்சாலை உள்பட ஆயிரம் சதுர அடி பரப்பளவுக்கு மேல் உள்ள கட்டடங்களில் மழைநீர் சேகரிப்புத் திட்டத்தைக் கட்டாயம் செயல்படுத்த வேண்டும் என உத்தரவிடப்பட்டது.

இந்தத் திட்டத்தை மாநிலம் முழுவதும் தீவிரப்படுத்தும் வகையில் திட்டத்தைச் செயல்படுத்தாத கட்டடங்களுக்கு வழங்கப்பட்டு வரும் குடிநீர் இணைப்பு துண்டிக்கப்படும் என்று எச்சரிக்கப்பட்டது. இதுதவிர புதிதாக கட்டப்படும் கட்டடங்களின் வரைபடத்தில் மழைநீர் சேகரிப்புத் திட்டத்தின் விவரம் இடம்பெற்றிருந்தால் மட்டுமே கட்டட அனுமதி வழங்கப்படும் என தெரிவிக்கப்பட்டிருந்தது.

இதையடுத்து, நிலத்தடி நீர் மட்டத்தின் அளவு அதிகரிக்கத் தொடங்கியது. ஆனால், நாளடைவில் இந்தத் திட்டத்தின் பயன் குறித்து மக்கள், அதிகாரிகள் மத்தியில் போதிய முக்கியத்துவம் அளிக்கப்படவில்லை.மழை நீரின் அவசியத்தை மக்கள் புரிந்து கொள்ளாத காரணத்தால் வீடுகள், பிற கட்டடங்களில் அமைக்கப்பட்ட மழைநீர் சேகரிப்பு கட்டமைப்பை முறையாகப் பராமரிக்கத் தவறிவிட்டனர்.

காலத்தின் அவசியத்தைப் புரிந்துகொண்டு தற்போது மழை நீர் சேகரிப்புத் திட்டத்தை மக்கள் இயக்கமாக உருவாக்க வேண்டும் என தமிழக அரசு உத்தரவிட்டுச் செயல்படுத்த முயற்சித்து வருகிறது. மழைநீரின் தேவை, நிலத்தடி நீர்மட்டத்தின் அவசியத்தைப் புரிந்து கொண்டு அரசுடன் இணைந்து மக்களும் செயல்பட்டால் மட்டுமே எதிர்காலத் தண்ணீர் தேவையை நிறைவுசெய்ய முடியும்.

சிறுவர்களுக்கு சாக்லேட் கொடுத்து மனித வெடிகுண்டுகளாக்கும் தீவிரவாதிகள்!

பாகிஸ்தான் தீவிரவாதிகள் ‘ஜிஹாத்’ (புனிதப்போர்) என்ற பெயரில் அனாதை சிறுவர்களை தற்கொலை படை தீவிரவாதியாக மாற்றி வருவதாக நீண்ட காலமாக குற்றம் சாட்டப்பட்டு வருகிறது.இதனை பாகிஸ்தானில் இயங்கி வரும் தீவிரவாத இயக்கங்கள் மறுத்து வருகின்றன.ஆனால் மேற்கண்ட குற்றச்சாட்டு உண்மை தான் என்பதை ஆப்கானிஸ்தான் நாட்டை சேர்ந்த விருது பெற்ற இயக்குனர் வெளியிட்டுள்ள ஒரு குறும்படத்தின் மூலம் தெளிவாகியுள்ளது.

8 வயது சிறுவர்களை கூட சாக்லேட் வாங்கி தருவதாக கூறி தீவிரவாத பயிற்சி அளிக்கப்படுவதை நஜீபுல்லா குரைஷி என்ற அந்த இயக்குனர் தயாரித்துள்ள குறும்படம் தோலுரித்து காட்டுகிறது.வறுமையில் வாடும் அனாதை சிறுவர்களாக தேர்வு செய்து இடுப்பு பெல்ட் மற்றும் உள்ளாடைக்குள் வெடிகுண்டை கட்டிச் சென்று வெடிக்க வைக்கும் பயிற்சி தலிபான்களால் அளிக்கப்படுவதை இந்த குறும்படம் ஆணித்தரமாக பதிவு செய்கிறது.சாக்லேட் மற்றும் செலவுக்கு பணம் தருவதாக கூறி ஆசை காட்டி சிறுவர்களை அழைத்து செல்லும் தீவிரவாதிகள் துப்பாக்கி மற்றும் வெடிகுண்டுகளை இயக்குவதை கற்று தருகின்றனர்.

இவர்களிடம் இருந்து தப்பியோடி வந்த நியாஸ் என்ற சிறுவன், ‘எனக்கு 8 வயதான போது ராணுவ ரெய்டில் எனது பெற்றோர் இறந்து விட்டனர்.அப்போது என்னை கடத்தி சென்ற தலிபான் தீவிரவாதிகள் தின்பதற்கு நிறைய இனிப்பு பண்டங்களை தந்தனர்.வெடிகுண்டுகள் பொருத்திய உள்ளாடையை எனக்கு அணிவித்து ஒரு பகுதியில் இருந்த சோதனை சாவடி அருகே என்னை மனித வெடிகுண்டாக களமிறக்கினர்.ஆனால், அவர்கள் கூறியபடி செய்யாமல் அங்கிருந்து தப்பிய நான் தற்போது அனாதை ஆசிரமத்தில் தங்கியுள்ளேன்’ என்று வாக்குமூலம் அளித்துள்ளான்.

இதுபோல் கடத்தப்பட்ட ஆயிரக்கணக்கான சிறுவர்கள் வெடிகுண்டு தயாரிக்கும் பணியில் ஈடுபடுத்தப்பட்டுள்ளதையும் இந்த குறும்படம் ஆவணப்படுத்துகிறது.இந்த குறும்படம் மேற்கத்திய நாடுகளில் பெரும் பரபரப்பை ஏற்படுத்தியுள்ளது.

நோய் எதிர்ப்பு சக்தியை அதிகரிக்க என்ன செய்ய வேண்டும்?

காலநிலை மாற்றங்கள் ஏற்படும் போது, அவை ஒத்துக்கொள்ளாமல், சிலர் ஜலதோஷம் மற்றும் புளூ ஆகியவற்றால் பாதிக்கப்படுகின்றனர். உடலில் நோய் எதிர்ப்பு தன்மை குறைவாக இருப்பதே இதற்கு காரணம். நம் உணவு முறைகளின் மூலமே உடலின் நோய் எதிர்ப்பு தன்மையை அதிகரிக்க முடியும்.

வைட்டமின் ஏ, சி, இ:

வைட்டமின் ஏ (பீட்டா-கரோட் டீன்), வைட்டமின் சி மற்றும் வைட்டமின் இ ஆகியவை உடலின் இயற்கையான நோய் எதிர்ப்பு தன் மையை அதிகரித்து, உடலுக்கு தீங்கு விளைவிக்கும் காரணிகளை அழிப்பதில் முக்கிய பங்கு வகிக்கின்றன.

கேரட், பச்சைக் காய்கறிகள், தக்காளி, செர்ரி, நெல்லிக்காய், சிட்ரஸ் பழங்கள் மற்றும் கொய்யாப்பழம் ஆகியவற்றில் இந்த சத்துக்கள் அதிகளவில் உள்ளன. உடலின் ஆரோக்கியம் மற்றும் பலத்தை பேண, தினமும், ஐந்து பாதாம் பருப்பு சாப்பிட்டு வரலாம்.

ப்ரோபயாட்டிக்:

தயிர் மற்றும் பால் சார்ந்த சில பொருட்களில் காணப்படும் நன்மை செய்யும் பாக்டீரியாக்களுக்கு ப்ரோபயாட்டிக் என்று பெயர். இவை உடலின் நோய் எதிர்ப்பு சக்தியை அதிகரிக்க உதவுகிறது. குடலில், நோய் எதிர்ப்பு சக்தியை அதிரிக்கும் என்சைமான, இம்யுனோகுளோபின் அதிகளவு சுரக்க, ப்ரோபயாட் டிக் உதவுகிறது. மேலும், இவை நன்மை செய்யும் பாக்டீரியாக்களின் எண்ணிக்கையை அதிகரித்து, தொற்றை எதிர்த்து போராட உதவுகிறது.

எலுமிச்சை சாறு:

எலுமிச்சை சாறு உடலுக்கு நன்மை செய்யும் பாக்டீரியாக்களின் செயல்பாட்டை அதிகரிக்க உதவுகிறது. அவை, அமிலத்தன்மை வாய்ந்த சூழ்நிலையில் வேகமாக வளர்ச்சியடையும் தீங்கு விளைவிக்கும் வைரஸ், பாக்டீரியா ஆகியவற்றை ஊக்குவிக்காமல், உடலுக்கு நன்மை செய்யும் பாக்டீரியாக்களுக்கு சாதகமான, வெப்பநிலையை பராமரிக்க உதவுகிறது. எலுமிச்சை பழச்சாறை தண்ணீர், சூப்கள், கிரேவிக்கள் அல்லது சாலட்களில் கலந்து சாப்பிடலாம்.

துத்தநாகம்:

இது உடலின் நோய் எதிர்ப்பு தன்மையை பலப்படுத்த உதவுகிறது. துத்தநாக பற்றாக்குறை, உடலின் நோய் எதிர்ப்பு தன்மையை பாதிப்பதோடு, கடும் பற்றாக்குறை நோய் எதிர்ப்பு தன்மையை முற்றிலுமாக செயல் இழந்து, போக வைக்கும் வாய்ப்பும் உள்ளது. எனவே, உடலில் துத்தநாக பற்றாக்குறை ஏற்படாமல் பார்த்துக் கொள்ள வேண் டும். பீன்ஸ், சிப்பி வகை மீன்கள், பருப்புகள், தயிர் மற்றும் பால் ஆகியவற்றில் அதிகளவில் காணப்படுகிறது.

மூலிகைகள்:

உடலின் நோய் எதிர்ப்பு தன்மையை அதிகரிக்கும் மூலிகைகளை உணவில் அதிகளவு சேர்த்துக் கொள்ள வேண்டும். இவை, உடலில் தொற்று ஏற்படாமல் தடுக்கிறது. மஞ்சள், பூண்டு, சோம்பு ஆகியவற்றில் பாக்டீரியாக்களை எதிர்த்து போராடும் தன்மை உள்ளது.

இயற்கை முறையில் விளைவிக்கப்படும் உணவுகள் உடலின் நோய் எதிர்ப்பு தன்மையை அதிகரிக்க உதவுகின்றன. இயற்கை உணவுகள் கொடுத்து வளர்க்கப்படும் பசுவின் பாலில், சாதாரணமாக வளர்க்கப்படும் பசுவின் பாலை விட 50 சதவீதம் அதிகளவு வைட்டமின் இ சத்தும், 75 சதவீதம் அதிகளவு பீட்டா-கரோட்டினும் இருப்பதாக, தெரியவந்துள்ளது. மேலும், இவற்றில், சிறந்த நோய் எதிர்ப்பு திறனான “சியாசான்தைன்’ மற்றும் “லூட்டீன்’ ஆகியவை, இரண்டு முதல் மூன்று மடங்கு அதிகமாக உள்ளன. இதே போன்று, இயற்கை முறையில் விளைவிக்கப்படும் பழங்கள், காய்கறிகள் ஆகியவற்றாலும், உடலின் நோய் எதிர்ப்பு திறன் அதிகரிக்கிறது. அவற்றில் வைட்டமின் சி, தாதுக்கள் மற்றும் சத்துக்கள் ஆகியவையும் அதிகளவில் உள்ளன.

போலிகளை அடையாளம் காட்ட எங்கள் இணையதளத்திற்கு வந்து பாரீர்!

”பொதுமக்கள் ஒரு வக்கீல் குறித்து விவரங்கள் அனைத்தும் அறிந்து கொள்ளும் வகையில் தமிழ்நாடு பார் கவுன்சில் சார்பில் ஆரம்பித்துள்ள இணையதளம் எல்லோருக்கும் உதவும். இதன் மூலம் போலி வக்கீல்களிடம் வழக்கினை கொடுத்து பொதுமக்கள் ஏமாறாத நிலையும் உருவாகும்.” என்று அறிவிக்கப்பட்டுள்ளது.

இது குறித்து தமிழ்நாடு மற்றும் புதுச்சேரி பார் கவுன்சில் தலைவர் டி.செல்வம் வெளியிட்டுள்ள அறிக்கையில், ”தமிழ்நாடு மற்றும் புதுச்சேரி பார் கவுன்சில், www.barcounciloftamilnadupuducherry.com என்ற புதிதாக ஒரு இணையதளத்தை தொடங்கியுள்ளது. இந்த இணையதளத்தை கடந்த 20-ந்தேதி சுப்ரீம் கோர்ட்டு தலைமை நீதிபதி பி.சதாசிவம் தொடங்கி வைத்துள்ளார்.

ஆசிரியரே இல்லா’த பள்ளி!!- சர்வே ஷாக்!

”தமிழகத்தில் 2,253 பள்ளிகளில், ஒரே ஒரே ஆசிரியர்தான் உள்ளார். இதுபோன்ற பள்ளிகள் கிருஷ்ணகிரி மாவட்டத்தில்தான் அதிகளவில் உள்ளன.மேலும் மேல்நிலைப் பள்ளிப் படிப்பை மேற்கொள்ளும் 765 மாணவர்கள் உள்பட மொத்தம் 83,641 மாணவர்கள் தற்போதும் இந்த ஒற்றை ஆசிரியர்கள் பள்ளிகளை சேர்ந்தவர்கள்தான். அத்துடன் தமிழகத்தின் 16,421 பள்ளிகள் வெறும் இரண்டு ஆசிரியர்களை மட்டுமே கொண்டவை.” என்பது போன்ற அதிச்சியூட்டும் சர்வே ரிசல்ட் வெளியாகியுள்ளது.

ஆர்.எம்.எஸ்.ஏ., என்று சுருக்கமாக அழைக்கப்படும் ராஷ்ட்ரிய மத்யமிக் சிக்ஷா அபியான் அண்மையில் எடுத்த சர்வேயில்,”தமிழகத்திலுள்ள 16 பள்ளிகளில் இரு ஆசிரியர் கூட கிடையாது.அது போன்ற பள்ளிகள் சென்னை. விழுப்புரம், வேலூர், நீலகிரி மற்றும் கோயம்புத்தூர் ஆகிய மாவட்டங்களில் உள்ளன.

இதைத்தவிர மாநிலத்தின் 2,253 பள்ளிகளில் ஜஸ்ட் ஒரே ஒரே ஆசிரியர்தான் உள்ளார். இதுபோன்ற பள்ளிகள் கிருஷ்ணகிரி மாவட்டத்தில்தான் அதிகளவில் உள்ளன. அம்மாவட்டத்தின் 195 பள்ளிகளில் இந்த நிலை. மற்றபடி இது போன்ற ஒற்றை ஆசிரியர் பள்ளிகள் திருவண்ணாமலை மாவட்டத்தில் 159ம் சிவகங்கை மாவட்டத்தில் 134ம் வேலூர் மாவட்டத்தில் 127ம் விழுப்புரம் மாவட்டத்தில் 113ம் மற்றும் தர்மபுரி மாவட்டத்தில் 131ம் உள்ளன.

இதில் மேலும் வருந்த வேண்டிய விஷ்யம் என்னவென்றால் மேல்நிலைப் பள்ளிப் படிப்பை மேற்கொள்ளும் 765 மாணவர்கள் உள்பட மொத்தம் 83,641 மாணவர்கள் இந்த ஒற்றை ஆசிரியர்கள் பள்ளிகளை சேர்ந்தவர்கள்தான். மேலும் தமிழகத்தின் 16,421 பள்ளிகள் ஜஸ்ட் இரண்டே ஆசிரியர்களை மட்டுமே கொண்டவை.

கடந்த 2011,12ம் ஆண்டு கணக்குப்படி தமிழகத்தில் 34871 தொடக்கப் பள்ளிகள் இயங்கின. அவற்றில் 60986 ஆசிரியர்களும், நிதியுதவி பெறும் பள்ளிகளில் 24338 ஆசிரியர்களும் பணியாற்றினர். தற்போதைய நிலவரப்படி தமிழகத்தில் 33000 தொடக்கப்பள்ளிகள் உள்ளன. அவற்றில் சுமார் 30 லட்சம் குழந்தைகள் படிக்கின்றனர்.

ஆனாலும் பல வகுப்புகளில் பலவிதமான பாடங்களை நடத்த 1 அல்லது 2 ஆசிரியர்களே பல அரசுப் பள்ளிகளில் இருக்கிறார்கள் என்பதை கல்வித்துறை நிபுணர்கள் பல்வேறு சமயங்களில் சுட்டிக்காட்டியே வந்துள்ளனர். இதனை அரசு அலட்சியபடுத்தியதன் காரணமாகவே பெற்றோர்கள் தங்கள் பிள்ளைகளை, தனியார் பள்ளிகளில் சேர்க்கிறார்கள்.

அதிலும் தமிழகத்தில் இதுவரை நிரப்புவதற்கு அனுமதியளிக்கப்பட்ட 21,931 ஆசிரியப் பணியிடங்கள் இன்னும் காலியாகவே உள்ளன. வேலூர் மாவட்டத்தில் மட்டும் நிரப்பப்பட வேண்டிய அனுமதியளிக்கப்பட்ட ஆசிரிய பணியிடங்கள் 3,000 உள்ளன.
சேலம், காஞ்சிபுரம் மற்றும் திருவண்ணாமலை ஆகிய மாவட்டங்கள் அனுமதியளிக்கப்பட்ட அதிக ஆசிரியப் பணியிடங்களை நிரம்பாமல் இருக்கும் இதர மாவட்டங்கள்.

அதேசமயம் சென்னை போன்ற மாவட்டங்களில் அனுமதியளிக்கப்பட்ட இடங்களுக்கும் அதிகமாகவே ஆசிரியர்கள் கிடைக்கின்றனர். மேற்கூறிய பிரச்சினைகளால் ஆசிரியர் – மாணவர் விகிதாச்சாரத்தில் பெரும் சிக்கல்கள் ஏற்படுகின்றன.
இதுபோன்ற விகிதாச்சார சிக்கல்கள் நிறைந்ததாக மொத்தம் 55 பள்ளிகள் வேலூர் மாவட்டத்தில் உள்ளன. இதுதவிர காஞ்சிபுரம் மாவட்டத்தில் 49ம் கிருஷ்ணகிரி மாவட்டத்தில் 36ம், கடலூர் மாவட்டத்தில் 27ம், சென்னை மற்றும் தர்மபுரி மாவட்டங்களில் 25ம் உள்ளன.” என்று தெரிவிக்கப்பட்டுள்ளது.

ஆனால் இதுகுறித்து ஆசிரியர் சங்கங்களின் பிரதிநிதிகள் கூறுகையில், தமிழகத்தில் ஓராசிரியர் பள்ளிகள் என்பது கிடையாது. ஆனால் 2 ஆசிரியர்கள் பணியாற்றும் பள்ளிகளில் ஒருவர் மாறுதலாகியோ, மாற்றுப்பணிக்கோ சென்றுவிட்டால் ஒரு ஆசிரியர்தான் கவனிக்க வேண்டும். தொடக்கப் பள்ளி ஆசிரியர்களுக்கு புள்ளி விவரம் எடுப்பது, மக்கள் தொகை கணக்கெடுப்பு, தேர்தல் பணி, உள்ளிட்ட பல்வேறு பணிகளில் ஈடுபடுத்துவதால் ஒரு ஆசிரியர்தான் பள்ளிகளில் இருக்க வேண்டிய நிலை உள்ளது.

ஆசிரியர் மாணவர் விகிதாசாரப் படி, குறைந்த மாணவர் உள்ள பள்ளிக்கு 2 ஆசிரியருக்கு மேல் நியமிக்க முடியாது என்று விதி உள்ளதே இதற்கு காரணம். இதுபோன்ற பள்ளிகளில் அதிக மாணவர்களை சேர்த்து தரம் உயர்த்த அரசு நடவடிக்கை எடுக்க வேண்டும் என்று தெரிவித்தனர்.

மருத்துவ குணங்கள் நிறைந்த பழங்கள் பற்றிய பயனுள்ள தகவல்கள்!


மாம்பழம்

மாம்பழத்தில் வைட்டமின் …ஏ உயிர்சத்து நிறைந்துள்ளது. இதனை உட்கொள்வதால் நமது ரத்தம் அதிகரிக்கப்பட்டு உடலுக்கு நல்ல பலம் கிடைப்பதாக உள்ளது. உடலுக்கு நோய் எதிர்ப்பு சக்தியும் அளிக்கிறது.

கொய்யா பழம்
சி உயிர் சத்து அதிக அளவில் நிறைந்துள்ளது. வளரும் சிறுவர்களுக்கு வைட்டமின் …சி† உயிர்சத்து எலும்புகளுக்கு பலத்தையும், உறுதியையும் அளிக்கின்றது. மலச்சிக்கல் இருப்பவர்கள் கொய்யாப் பழத்தினை தொடர்ந்து சாப்பிட்டு பயன் பெறலாம். சொறி, சிரங்கு, ரத்த சோகை இருப்பவர்கள் கொய்யாப்பழம் சாப்பிட்டு இவற்றை குணப்படுத்தி கொள்ளலாம். விஷ கிருமிகளை கொல்லும் சக்தி கொய்யாப் பழத்திற்கு இருப்பதால் வியாதியை உண்டு பண்ணும் விஷக் கிருமிகள் ரத்தத்தில் கலந்தால் அதை உடனேயே கொன்று விடும்.

பப்பாளி

வருடம் முழுவதும் கிடைக்கக்கூடிய பழம் இது. இதிலும் வைட்ட மின் …ஏ† உயிர் சத்து நிறைய இருக்கிறது. பல் சம்மந்தமான குறை பாட்டிற்கும், சிறு நீர்ப்பையில் உண்டாகும் கல்லை கரைக்கவும் பப்பாளி சாப்பிட்டால் போதும். மேலும்- நரம்புகள் பலப் படவும், ஆண்மை தன்மை பலப்படவும், ரத்த விருத்தி உண்டாகவும், ஞாபக சக்தியை உண்டு பண்ணவும் பப்பாளி சாப்பிடுங்கள்.
மாதவிடாய் சரியான அளவில் இன்றி கஷ்டப்பட்டு கொண்டி ருக்கும் பெண்மணிகள் தினமும் பப்பாளிப்பழம் உண்டு வந்தால் மாதவிடாய் குறைபாடு சீராகும். அடிக்கடி பப்பாளி பழத்தினை உண்டு வருபவர்கள் எவ்வகை நோய்க்கும் ஆளாக நேரிடாது. எந்த வகையான தொற்று நோய் பரவினாலும், அது இவர்களை தாக்காது. பப்பாளி பழத்தில் இயற்கையாகவே விஷக்கிருமிகளை கொல்லும் ஒரு வகை சத்து இருப்பதால் பப்பாளி பழத்தை சாப்பிடுபவர்களின் ரத்தத்தில் நோய் கிருமிகள் தங்கி நோயை உண்டு பண்ண வாய்ப்பில்லை.
அன்னாசி

அன்னாசி பழத்தில் வைட்டமின் …பி உயிர்சத்து அதிக அளவில் உள்ளது. அது உடலில் ரத்தத்தை விருத்தி செய்வதாகவும், உடலுக்கு பலத்தை தருவதாகவும் இருப்பதோடு பல வியாதிகளை குணப்படுத்தும் அரிய மருந்தாகவும் இருக்கிறது. தேகத்தில் போதுமான ரத்தமில்லாமல் இருப்பவர்களுக்கு அன்னாசிப்பழம் ஒரு சிறந்த டானிக். நன்றாக பழுத்த அன்னாசி பழத்தை சிறு சிறு துண்டுகளாக செய்து வெய்யிலில் தூசிப்படாமல் உலர்த்தி வற்றல்களாக செய்து வைத்து கொண்டு தினமும் படுக்க செல்வதற்கு அரைமணி நேரத்திற்கு முன்னதாக ஒரு டம்ளர் பாலில் ஓர் ஐந்து அன்னாசி வற்றல்களை ஊற வைத்து, பின் படுக்கச் செல்லும் போது ஊறிய வற்றல்களை 40 நாட்கள் சாப்பிட்டு வரவேண்டும். இதனால் பித்தம் சம்மந்தமான அனைத்து கோளாறுகளும் நீங்கும். அன்னாசி பழத்தை தொடர்ந்து சாப்பிட்டு வர பெண்களுக்கு ஏற்படும் வெள்ளை நோய் குணமாகும்.

விளாம்பழம்

விளாம்பழம் பல வியாதிகளை குணப்படுத்தும் சிறந்த பழமாகும். இதில் இரும்பு சத்தும், சுண்ணாம் புச்சத்தும், வைட்டமின் …ஏ சத்தும் உள்ளது. இப்பழத்துடன் வெல்லம் சேர்த்து பிசைந்து 21 நாட்கள் சாப்பிட்டு வந்தால் பித்தம் சம்மந்தமான அனைத்து கோளாறுகளும் குணமாகும். பித்தத்தால் தலை வலி, கண்பார்வை மங்கல், காலையில் மஞ்சளாக வாந்தி எடுத்தல், சதா வாயில் கசப்பு, பித்த கிறுகிறுப்பு, கை கால்களில் அதிக வேர்வை, பித்தம் காரணமாக இளநரை, நாவில் ருசி உணர்வு அற்றநிலை இவைகளை விளாம் பழம் குணப் படுத்தும். விளாம்பழத்திற்கு ரத்தத்தில் கலக்கும் நோய் அணுக்களை சாகடிக்கும் திறன் உண்டு. எனவே எந்த நோயும் தாக்காமல் பாதுகாக் கும். அஜீரண குறைபாட்டை போக்கி பசியை உண்டுபண்ணும் ஆற்றலும் விளாம்பழத்திற்கு உண்டு. முதியவர்களின் பல் உறுதி இழப்பிற்கு விளாம்பழம் நல்ல மருந்து.

மாதுளம் பழம்
மாதுளம் பழத்திற்கு மலத்தை இளக்கும் சக்தி உணடு. மலச்சிக்கலால் கஷ்டப்படுபவர்கள் தொடர்ந்து மூன்று நாட்கள் மாதுளம் பழத்தை சாப்பிட்டு வந்தால் மலச்சிக்கலிலிருந்து குணம் பெறலாம். வறட்டு இருமல் உள்ளவர்கள் தொடர்ந்து மூன்று நாட்களுக்கு மாதுளம் பழம் சாப்பிட்டு வந்தால் இருமல் குணமாகும். பித்த சம்மந்த மான அனைத்து உடல்நல குறை பாட்டிற்கும் மாதுளம் பழத்தை சாப்பிட்டு வரலாம். மாதுளம் பழத்தின் தோலை அம்மியில் மை போல் வைத்து அரைத்து அதில் எலுமிச்சம்பழம் அளவு எடுத்து அரை ஆழாக்கு எருமை தயிரில் கலந்து மூன்று நாள் காலையில் தொடர்ந்து சாப்பிட்டு வந்தால் பிற மருந்துகள் கொடுத்தும் குணமாகாத சீதபேதி உடன் நிற்கும்.

வாழைப்பழம்

மலச்சிக்கல் இருப்பவர்கள், மூலநோய் குறைபாடு இருப்பவர்கள் தினமும் வாழைப்பழம் ஒன்றை சாப்பிட்டு வந்தால் மலச்சிக்கல், மூல நோய் குறைபாட்டிலிருந்து விடுபடலாம். மேலும் தினமும் இரவு உணவிற்கு பின் ஒரு பழம் வீதம் சாப்பிட்டு வந்தால் நல்ல ஜீரண சக்தி உண்டாகும். எந்த வயதினராக இருந்தாலும், கண்பார்வை குறைய ஆரம்பித்தவுடன் அவர்களுக்கு தினசரி உணவில் செவ்வாழைப்பழம் வேளைக்கு ஒன்று வீதம் 21 நாட்களுக்கு கொடுத்து வந்தால் கண் பார்வை கொஞ்சம் கொஞ்சமாக தெளிவடைய ஆரம்பிக்கும். திருமணமாகி பல ஆண்டுகளாகியும் கர்ப்பமே தரிக்கவில்லை என்று மனம் வருந்தி கொண்டிருக்கும் தம்பதியர்கள் செவ்வாழை பழத்தை தொடர்ந்து சாப்பிட்டு வந்தால் உடலில் உயிர் சக்தி அணுக்கள் போதுமான அளவில் பெருகி கருத்தரிக்க வாய்ப்பாகும். ரஸ்தாளி வாழைப்பழத்தினை தண்ணீர் விட்டு கரைத்து மூன்று வேளை கொடுத்தால் வயிற்றுப்போக்கு நின்று விடும். இதுபோன்றே பலாப்பழமும் மருத்துவ பயன் மிக்கதாகவே இருக்கின்றது. இதில் வைட்ட மின் …ஏ† உயிர்சத்து அதிகம் இருப்பதால் இதை சாப்பிட்டால் உடல் வளர்ச்சி சீரடையும். வைட்டமின் …ஏ† உயிர் சத்திற்கு தொற்று கிருமிகளை அழிக்கும் சக்தி இருப்பதால் உடலில் தொற்று நோய் தொற்றாது.

ஆரஞ்சுப்பழம்

ஆரஞ்சில் வைட்டமின் …ஏ அதிகமாகவும், வைட்டமின் …சி-யும், …பி-யும், பி-2ம் உள்ளன. மேலும் இதில் சுண்ணாம்புச்சத்தும் மிகுந்து காணப்படுகிறது. பல நாட்களாக வியாதியால் பாதித்து தேறியவர்களுக்கு இதுவொரு சிறந்த இயற்கை டானிக் ஆகும். இரவில் தூக்கமில்லாமல் கஷ்டப்படுபவர்கள் படுக்க போவதற்கு முன்பாக அரை டம்ளர் ஆரஞ்சு பழச்சாறுடன் சிறிது சுத்தமான தேனை சேர்த்து சாப்பிட இரவில் நன்றாக தூக்கம் வரும். பல் சதை வீக்கம், சொத்தை விழுந்து வலி ஏற்படுதல், பல் வலி, பல்-ஈறுகளில் ரத்தக் கசிதல் இருப்பவர்கள் ஒரு வாரம் அரை டம்ளர் ஆரஞ்சு பழச்சாறை கொப்பளித்து விழுங்க உடன் நிவாரணம் பெறலாம்.

திராட்சைப் பழம்

எல்லா வகையான திராட்சையிலும் பொதுவாக வைட்டமின் …ஏ உயிர்சத்து அதிக அளவில் காணப்படும். பொதுவாக சரியாக பசி எடுக்காமல் வயிறு மந்த நிலையில் காணப்படுபவர்கள் கருப்பு திராட்சை எனப்படும் பன்னீர் திராட்சையில் அரைடம்ளர் சாறு எடுத்து அதனுடன் சர்க்கரை சிறிது சேர்த்து அருந்தி வந்தால் மந்த நிலை நீங்கி நன்றாக பசி எடுக்கும்.
பெண்களுக்கு ஏற்படும் சூதக கோளாறுகளுக்கு திராட்சை சாறு ஒரு சிறந்த வரப்பிரசாதமாகும். மாத விலக்கு தள்ளிப்போதல், குறைவாக வும், அதிகமாகயும் போதல் போன்ற குறைபாடுகளுக்கு கருப்பு திராட்சை சாறு அரை டம்ளரில் சிறிது சர்க்கரை சேர்த்து தினமும் வெறும் வயிற்றில் சாப்பிட்டு வந்தால் முறையான கால இடைவெளியில் மாதவிலக்கு வெளியாகும். திராட்சை சாற்றினை தொடர்ந்து 21 நாட்கள் சாப்பிட்டு வரவேண்டும்.

வயிற்றில் இரைப்பை, குடல்களில் புண் ஏற்பட்டிருந்தால், வாயிலும் புண் ஏற்படும். வாயில் உள்ள புண்ணை ஆற்ற வேண்டுமானால் முதலில் வயிற்றில் உள்ள புண்ணை ஆற்ற வேண்டும். இருமல் நின்று விடும். அல்லது எலுமிச்சை சாறுடன் சிறிய இஞ்சி துண்டை நறுக்கிப் போட்டு கொதிக்க வைத்து இறுத்து ஆற வைத்து இதேபோல் தொடர்ந்து காலை மாலையாக மூன்று தினங்கள் கொடுத்து வந்தாலும் இருமல் நின்று விடும்.
தலைவலி இருப்பவர்கள் சூடான கப் காபியில் அரை எலுமிச்சை பழத்தினை பிழிந்து 3 நாட்கள் குடித்து வந்தால் பிறகு தலைவலியே வராது. தேள் கொட்டிய இடத்தில் எலுமிச்சை பழத்தினை இரண்டாக பிளந்து ஒரு பாதியை கொட்டிய இடத்தில் நன்றாக தேய்க்க வேண்டும். இவ்வாறு இரண்டு துண்டுகளையும் தேய்த்துவிட்டால் சிறிது நேரத்திற்கெல்லாம் விஷம் இறங்கி வலி நின்றுவிடும். எலுமிச்சம் பழத்தினை அடிக்கடி உபயோகித்து வருபவர்களுக்கு உஷ்ண அதிகரிப்பால் உண்டாகும் வயிற்று வலி, பித்தத்தால் ஜீரண உறுப்புகளில் ஏற்படும் குறைபாடுகள், உஷ்ணத்தால் ஏற்படும் சிறுநீர் தொந்தரவுகள், மலசிக்கல், உஷ்ண இருமல் ஆகிய தொந்தரவு கள் வராது.

பேரீச்சம்பழம்

தினமும் இரவில் படுக்க செல்லும் முன்னர் ஒரு டம்ளர் காய்ச்சிய பசும் பாலையும், இரண்டு பேரீட்ச்சம் பழத்தினையும் உண்டு வந்தால் உடல் நல்ல பலம்பெறும். புதிய ரத்தமும் உண்டாகும். தோல் பகுதிகள் மிருதுவாகவும், வழுவழுப்பாகவும் இருக்கும். கண் சம்மந்தமான கோளாறுகளும், நரம்பு சம்மந்தமான கோளாறுகளும் நீங்கும். தொற்று நோய் கிருமிகள் நம்மை அணுகாது. பல் சம்மந்தமான வியாதிகளும் குணமடைந்து, பல் கெட்டிப்படும்.

எலுமிச்சம்பழம்

அளவிற்கு மீறி பேதியானால் ஒரு எலுமிச்சை பழச்சாற்றை அரை டம்ளர் நீரில் கலந்து கொடுத்தால் உடனடியாக பேதி நின்றுவிடும். கடுமையான வேலை பளுவினால் ஏற்படும் களைப்பை போக்க எலுமிச்சை பழத்தினை கடித்து சாற்றை உறிஞ்சி குடித்தால் உடனே களைப்பை போக்கும்
நெஞ்சினில் கபம் கட்டி இருமலால் கஷ்டப்படுகிறவர்கள் ஒரு எலுமிச்சை பழச்சாறுடன் ஒரு ஸ்பூன் தேன் கலந்து காலை, மாலையாக தொடர்ந்து 3 நாட்கள் சாப்பிட்டு வந்தால் கபம் வெளியாகி உடல் நன்கு தேறும்.

பழங்களைப் போலவே காய்கறி களும் மனிதர்களுக்கு உடல்நலக் கோளாறுகளை தனிக்கும் வகையில்தான் உள்ளது. நோய்களை முழுது மாக குணப்படுத்து கிறதோ இல்லையோ ஆனால் நோய்வரா மல் தடுக்கும் ஆற்றல் காய், கனிகளுக்கு உண்டு என்பதை மறுக்கமுடியாது.
பொதுவாக காய்கறிகளில் நார்சத்து நிரம்பியிருப்பதினால் வயிற்றுக்கு கேடு செய்யாமல், நம் உடம்பை ஆரோக்கிய முடன் வைத்திருக்க உதவுகிறது. நீரழிவு நோயாளிகளும், ரத்த அழுத்த நோயாளிகளும் காய் கறிகளை நிறைய உண்பது அவசியம் என்று கூறப்படுகிறது. இதற்கு காரணம் உண்டு. காய் கறிகளில் இருக்கும் பைபர் எ னப்படும் நார்சத்து வயிற்றில் நீண்ட நேரம் தங்கி நல்ல ஜீரண சக்தியை கொடுத்து உணவில் இருந்து சத்துக்களை பிரித்து ரத்தத்தில் சேர்ப்பதற்கு உதவி செய்கிறது. இந்த நார்சத்தற்ற உணவுகளை சக்கையாக நாம் உண்ணும் போதுதான் மலச்சிக்கல் மற்றும் குடல் தொல்லைகள் போன்றவற்றிற்கு ஆளாக நேரிடுகிறது. எனவே காய்கறிகள் சாப்பிடுவது ஆரோக்கியத்திற்கு நல்லது.

Monday, July 22, 2013

மொபைல் பேட்டரி தீர்ந்து போச்சா – பாட்டு கேட்டா சார்ஜ் ஆயிடும்!

இது எதோ பவர் ஸ்டார் மேட்டர்னு நினைச்சா நான் பொறுப்பல்ல. பிரிட்டனில் ஒரு பொறியாளர் – பேட்டரி தீர்ந்து போகும் போது இயர்ஃபோன் ஒன்றை மாட்டி கிட்டு பாட்டு கேட்டு கிட்டே அப்படியே வாக்கிங் அல்லது வெளியே 50 நிமிஷம் உட்கார்ந்தா இந்த ஹெட்ஃபோன்ல இருக்கிற சோலார் சார்ஜர் அப்படியே பாட்டையும் கேட்க வைக்கும் அதே சமயம் மொபைலையும் சார்ஜ் பண்ணும் டெக்னாலஜியை கண்டு பிடிச்சிருக்கிறார்..

அதுக்காக -ஏன் பாஸ் ஈஸியா ப்ரீபெயிடு டாப் அப் / ரீசார்ஜ் பண்ண வழியிருக்கான்னு கேட்டா அது ராசாக்களே உங்களுக்கு இல்லை ஆனா உங்களால் ராசாத்திகளுக்கு முடியும்.

சோலார் பேனல் மான்யம், ஆன்–லைனிலே விண்ணப்பிக்க!


வீடுகள் உள்ளிட்ட கட்டிடங்களில் சோலார் பேனல் அமைக்க மாநில அரசு மானியமாக ரூ.20 ஆயிரம் வழங்கப்படும் என்று முதல்–அமைச்சர் ஜெயலலிதா அறிவித்துள்ளார். இதற்கான அரசு உத்தரவு விரைவில் பிறப்பிக்கப்பட உள்ளது. இதற்கிடையே, வீடுகளில் மத்திய அரசின் 30 சதவீத மானியத்துடன் சோலார் பேனல் அமைப்பதற்கு தமிழக அரசு ஏற்பாடு செய்து வருவதாக தெரிவிக்கப்பட்டுள்ளது.இதன்படி ஒருவர் தனது சொந்த வீட்டுக்கு சோலார் பேனல் அமைத்து அதன்மூலம் சூரிய மின்சக்தி மூலம் மின்சாரம் உற்பத்தி செய்து பயன்படுத்த விரும்பினால் ஆன்–லைனிலேயே விண்ணப்பிக்கலாம்.

தமிழ்நாட்டில் அனல் மின்நிலையம், புனல் மின்நிலையம், காற்றாலை போன்ற பல்வேறு ஆதாரங்கள் மூலம் மின்சாரம் உற்பத்தி செய்யப்படுகிறது. இருந்த போதிலும் தமிழகத்தில் மின் தட்டுப்பாடு முழுமையாக நீங்கவில்லை. இப்போது பரவலாக மழை பெய்வதாலும், தென்மாவட்டங்களில் பலத்த காற்று வீசுவதாலும் காற்றாலை மூலம் மின்சாரம் கிடைக்கிறது. அதனால் மின்சார தட்டுப்பாடும் கணிசமாக குறைந்துள்ளது.

இருப்பினும், மின்சார தட்டுப்பாட்டை நிரந்தரமாக போக்குவதற்காக முதல்-அமைச்சர் ஜெயலலிதா கடந்த ஆண்டு சூரிய மின்சக்தி கொள்கையை வெளியிட்டார். அதன்படி, புதிதாக கட்டப்படும் அரசு அலுவலக கட்டிடங்களில் கண்டிப்பாக சூரிய மேற்கூரை மின் அமைப்பை ஏற்படுத்த வேண்டும். பழைய அரசு அலுவலக கட்டிடங்களில் படிப்படியாக இந்த அமைப்பினை ஏற்படுத்த வேண்டும் என்று அரசு உத்தரவிட்டுள்ளது. அதுபோல ஊராட்சி அலுவலகம், பேரூராட்சி அலுவலகம், ஊராட்சி ஒன்றிய அலுவலகங்களில் சோலார் பேனல் அமைக்கவும் நடவடிக்கை எடுக்கப்பட்டு வருகிறது.

வீடுகள் உள்ளிட்ட கட்டிடங்களில் சோலார் பேனல் அமைக்க மாநில அரசு மானியமாக ரூ.20 ஆயிரம் வழங்கப்படும் என்று முதல்-அமைச்சர் ஜெயலலிதா அறிவித்துள்ளார். இதற்கான அரசு உத்தரவு விரைவில் பிறப்பிக்கப்பட உள்ளது.

இதற்கிடையே, வீடுகளில் மத்திய அரசின் 30 சதவீத மானியத்துடன் சோலார் பேனல் அமைப்பதற்கு தமிழக அரசு ஏற்பாடு செய்து வருகிறது. ஒருவர் தனது சொந்த வீட்டுக்கு சோலார் பேனல் அமைத்து அதன்மூலம் சூரிய மின்சக்தி மூலம் மின்சாரம் உற்பத்தி செய்து பயன்படுத்த விரும்பினால் ஆன்-லைனிலேயே விண்ணப்பிக்கலாம்.

தமிழ்நாடு எரிசக்தி மேம்பாட்டு முகமையின் இணையதளத்தில் www.teda.in இ-பார்ம்ஸை கிளிக் செய்ய வேண்டும். அதில் டொமஸ்டிக் கிளிக் செய்தால் விண்ணப்ப படிவம் வந்துவிடும். அதில் கேட்டுள்ள விவரங்களை முழுமையாக பூர்த்தி செய்து மேற்கண்ட இணையதள முகவரிக்கு அனுப்பிவிட வேண்டும். விண்ணப்பப் படிவத்தைப் பெற்றுக் கொண்டதற்கான ஒப்புகைச் சீட்டு ஆன்-லைனிலேயே அனுப்பப்படும்.

இந்த இணையதளத்தில் சோலார் பேனல் விற்பனையில் ஈடுபட்டுள்ள கம்பெனிகளின் பட்டியலும் இடம்பெற்றிருக்கும். அதில் ஏதாவது ஒரு கம்பெனியை வீட்டு உரிமையாளர் தேர்வு செய்து விண்ணப்பப் படிவத்தில் தெரிவிக்கலாம். ஒவ்வொரு வீட்டுக்கும் அதிகபட்சம் 1 கிலோ வாட் (1000 வாட் அவர்) திறன் கொண்ட சோலார் பேனலுக்கு மட்டுமே அரசு மானியம் கிடைக்கும்.

ஒரு கிலோ வாட் திறன் கொண்ட சோலார் பேனல் மூலம் தினமும் குறைந்தபட்சம் 4 யூனிட் மின்சாரம் உற்பத்தி செய்ய முடியும். இந்த மின்சாரத்தைக் கொண்டு ஒரு வீட்டில் 4 டியூப் லைட்டுகள், இரண்டு மின்விசிறிகள், ஒரு தொலைக்காட்சி பெட்டியை பயன்படுத்திக் கொள்ளலாம். மின்சாரப் பயன்பாடு அதிகமாக இருந்தால் சோலார் பேனல் மூலம் கிடைக்கும் மின்சாரம் போக மீதமுள்ள மின்சாரத்தை ‘கிரிட்’ மூலம் பெற்று பயன்படுத்திக் கொள்ளலாம்.

ஒரு கிலோ வாட் திறன் கொண்ட சோலார் பேனல் (பேட்டரி இல்லாமல்) அமைப்பதற்கு ரூ.1 லட்சம் செலவாகும். சூரிய சக்தி மூலம் கிடைக்கும் மின்சாரத்தை பேட்டரியில் சேமித்துவைத்து இரவு நேரத்திலும் பயன்படுத்த விரும்பினால் அதற்கு பேட்டரியுடன் கூடிய சோலார் பேனல் வாங்குவதற்கு ரூ.2 லட்சத்து 10 ஆயிரம் செலவாகும். சோலார் பேனலுக்கு 25 ஆண்டுகள் வாரண்டியும், ஒட்டுமொத்த சிஸ்டத்திற்கும் 5 ஆண்டுகள் வாரண்டியும் அளிக்கப்படுகிறது.

பேட்டரியின் ஆயுட்காலம் 3 ஆண்டுகள் முதல் 4 ஆண்டுகள் வரை ஆகும். அதன்பிறகு ரூ.15 ஆயிரம் செலவு செய்து பேட்டரியை மாற்ற வேண்டியதுவரும். சோலார் பேனல் அமைக்கும்போது கம்பெனிக்கு மத்திய அரசின் 30 சதவீத மானியத் தொகையை கழித்துக் கொண்டு வீட்டு உரிமையாளர் கொடுத்தால், அந்த மானியத்தொகை கம்பெனிக்கு அனுப்பி வைக்கப்படும்.

ஒருவர் தனது வீட்டு மொட்டை மாடியில் சோலார் பேனல் வைத்தபிறகு அந்தந்த மாவட்டத்தில் உள்ள உதவி பொறியாளர் ஆய்வு செய்து, தமிழ்நாடு எரிசக்தி மேம்பாட்டு முகமைக்கு தகவல் தெரிவிப்பார். அதன்பிறகு ஒரு மாதத்திற்குள் மானியத் தொகை வழங்கப்பட்டுவிடும்

அதாவது ஒருவர் ரூ.1 லட்சம் செலவு செய்து தனது வீட்டுக்கு பேட்டரி இல்லாமல் ஒரு கிலோ வாட் சோலார் பேனல் அமைத்தால் தற்போது மத்திய அரசு மானியமாக ரூ.30 ஆயிரம் கிடைக்கும். இத்துடன் தமிழக அரசு மானியமான ரூ.20 ஆயிரமும் கிடைத்தால், மொத்தம் ரூ.50 ஆயிரம் மானியமாக கிடைக்கும். மீதமுள்ள ரூ.50 ஆயிரம் செலவு செய்தால் ஒருவர் தனது வீட்டில் சூரிய மின்சக்தி மூலம் மின்சாரம் உற்பத்தி செய்வதற்கான ஏற்பாட்டினை செய்து கொள்ள முடியும். வீடுகளில் சோலார் பேனல் மூலம் மின் உற்பத்தி செய்தால் பொதுமக்களுக்கு கணிசமான பணம் மிச்சமாகும் என்பது குறிப்பிடத்தக்கது..