Monday, May 15, 2017

தாஜ்மஹாலின் மர்ம அறையின் அதிர்ச்சியூட்டும் தகவல்கள்!!


நீங்கள் அதிகம் கேள்விப் படாத மர்ம நிகழ்வுகள் தாஜ்மஹாலில் உள்ளன. அவற்றை கண்டறிய பலர் முயற்சித்தும் பலனின்றி அந்த முயற்சியை கைவிட்டுவிட்டனர். இந்திய அரசு நினைத்திருந்தால் தாஜ்மஹாலின் கான்ட்ரோவெர்சி என்னவென்பதை தீர்த்திருக்க முடியும், இருந்தும் அதைப் பற்றி அரசு எந்த தகவலும் தெரிவிக்க மறுப்பதற்கான காரணங்கள் என்னவாக இருக்கும். அரசு தாஜ்மஹாலின் மர்ம அறைகளை திறக்காததற்கான காரணங்கள் இதுவாகக் கூட இருக்கலாம். 

அல்லாவின் 99 பெயர்கள்

தாஜ்மஹாலின் சுவர்களில் ஆங்காங்கே பலவித வண்ணங்களில் அலங்கரிக்கப்பட்டது போன்று இருப்பவை எல்லாம் எழுத்துக்கள் ஆகும். அவை, அல்லாவின் 99 பெயர்கள் என சொல்லப்படுகிறது. முக்கியமாக நீங்கள் கருத்தில் கொள்ளப்பட வேண்டியது இஸ்லாத்தில் கடவுளுக்கு பெயர் இல்லை என்பதுதான்.

கருப்பு தாஜ்மஹால்

இப்போது இருக்கும் வெள்ளை தாஜ்மஹாலைப் போல கருப்பு தாஜ்மஹாலும் இருந்தது. வெள்ளை கற்களைக் கொண்டு கட்டப்பட்ட தாஜ்மஹாலின் பிரதிபலிப்பாக கருப்பு நிற கற்களைக் கொண்டு மாபெரும் மஹாலை கட்ட நினைத்தார் ஷா ஜகான்.

மகனே சிறை வைத்த கொடுமை

அந்த கருப்பு தாஜ்மஹாலை கட்ட திட்டமிடுவதற்குள் தன் சொந்த மகனிடமே சிறைக் கைதியானார் ஷாஜகான். அவ்ரங்கசீப் தன் தந்தையான ஷா ஜகானை சிறைவைத்தார். அதுவும் தாஜ்மஹாலின் அருகிலேயே என்பது அதிர்ச்சியளிக்கும் தகவல்.

கட்டடத்தின் மதிப்பு தெரிந்தால் வாயைப் பிளந்துவிடுவீர்கள்

300 வருடங்களுக்கு முன்னரே இந்த கட்டத்தின் மதிப்பு 32 பில்லியன் இந்திய ரூபாயாம். தற்போதைய மதிப்பு 65 பில்லியன் இருக்கலாம் எனக் கூறப்படுகிறது. அப்பப்பா.. அந்த காலத்திலேயே எவ்வளவு செலவில் கட்டப்பட்டுள்ளது இந்த தாஜ்மஹால்.
எந்தவொரு கட்டிடம் கட்டினாலும் அதில் சில பிழைகள் இருக்கவாய்ப்புண்டு. அது பெரியதாக எடுத்துக்கொள்ளப்படாது. ஆனால் தாஜ்மஹாலில் ஒரு சிறு பிழை கூட கண்டுபிடிக்க முடியாத அளவுக்கு கட்டிடம் மிக நேர்த்தியாக இருக்கவேண்டுமென்று உறுதியாக இருந்துள்ளார் ஷாஜகான்.
தாஜ்மஹாலில் வரையப்பட்டுள்ள வண்ண வண்ண டிசைன்கள் அனைத்தும் கீழிருந்து மேலாக ஒரே மாதிரியான அளவில் இருப்பதுபோல் இருக்கும் ஆனால் அது அப்படி இருப்பதில்லை. கீழிருந்து பார்க்கும் போது அத்தனை உயரத்திலும் ஒரே மாதிரியான வடிவ உருவத்தில் இருப்பதற்காக சிறப்பு கணிதவியலாளர்களைக் கொண்டு வடிவமைக்கப்பட்டுள்ளது.

சமச்சீரான கட்டடம்

உலகின் மிக மிக அரிதான சமச்சீர் கட்டடங்களுள் ஒன்று தாஜ்மஹால். எங்கிருந்து நோக்கினும் ஒரே மாதிரியான நூறு சதவிகிதம் சமச்சீரான கட்டடம் இதுவாகும். இந்தியாவில் இந்த அளவுக்கு நேர்த்தியான கட்டடம் எதுவும் இல்லை.
இந்த கட்டடத்தை கட்ட 22 வருடங்கள் முழுமையாக எடுத்துக்கொள்ளப் பட்டுள்ளது. 1631ம் ஆண்டு தொடங்கப்பட்ட இந்த கட்டடம், 1953ல் கட்டி முடிக்கப்பட்டது.

விரல்களை வெட்டியது உண்மையா

ஷாஜகான் இது போன்று இன்னொரு அழகிய கட்டிடம் அமைந்துவிடக் கூடாது என்றெண்ணி இதன் கட்டட வடிவமைப்பாளர்களின் கை விரல்கள் அனைத்தையும் வெட்டிவிட்டதாக ஒரு கதை நிலவுகிறது. சிலர் விரல்கள் மட்டுமல்ல கை முட்டியையும் வெட்டிவிட்டார் என்கின்றனர்.

அப்படியெல்லாம் ஷாஜகான் செய்யவில்லை. தாஜ்மஹால் கட்டி முடிந்த பின்பு அதன் முதன்மை பொறியாளரான உஸ்தாத் அகமத் லாஹரி வேறு சில கட்டடங்களை கட்டியதற்கான ஆதாரங்கள் உள்ளன. மேலும் மற்ற வேலையாட்கள் தாஜ்மஹாலுக்கு பின்பும் வேலை செய்து கையொப்பமிட்டதற்கான ஆதாரங்களும் உள்ளன.

கட்டிட வடிவமைப்பாளர்கள் வைத்த டுவிஸ்ட் என்ன தெரியுமா?

கட்டிடம் முடிந்ததும் பணியாளர்களை வெட்டிவிட ஷாஜகான் எடுத்துள்ள முடிவு கட்டிட வடிவமைப்பாளர்களின் காதுக்கு எட்டியது. அப்போதுதான் அவர்கள் திட்டமிட்டு ஒரு செயலை செய்தனர். அதுதான் ட்விஸ்ட்டாக அமைந்ததது ஷாஜகானுக்கு.

கட்டிடத்தின் வெளியே யமுனை நதி ஓடுவது நமக்கு தெரிந்ததுதான். ஆனால் கட்டித்தின் உள்ளும் ஒரு நதி ஓடுகிறது. அது அவ்வளவு பெரிய நதி இல்லை சிறு ஓடையை விட சிறியதுதான்.

அச்சு அசலாக மற்றொரு தாஜ்மஹால்

இந்த கட்டிடத்தைப் போலவே அச்சாக ஒரு தாஜ்மஹால் கட்ட நினைத்த ஷாஜகானுக்கு பேரிடியாக அமைந்தது இதுதான். அந்த சிறிய ஓடை தொடங்கும் இடம் எதுவென்றே இதுவரை கண்டுபிடிக்கப்படவில்லை. அது கட்டிட வடிவமைப்பாளருக்கு மட்டுமே தெரிந்த ரகசியமாகும். தன் உயிரைக் காப்பாற்றிக்கொள்ள பொறியாளரின் சாமர்த்தியமான செயலாக இது பார்க்கப்படுகிறது.

தாஜ்மஹாலினுள் கேட்கும் அழுகுரல்

தாஜ்மஹாலின் உள்ளே பெண் ஒருவர் அழும் குரல் அடிக்கடி கேட்பதாக ஒரு கருத்து நிலவுகிறது. அது எந்த அளவுக்கு உண்மை என்பது தெரியவில்லை என்றாலும், அது ஷாஜகானின் மனைவிகளில் ஒருவரின் குரல் என்கிறார்கள் சிலர்.

சிவன் கோயில்

தாஜ்மஹால் ஒரு சிவன் கோயில் என்றும் ஒரு தகவல் பரவி வருகிறது. அதற்கான சாட்சிகள் பலவற்றை எடுத்து முன்வைக்கின்றனர் இதை சிவன் கோயில் என்பவர்கள்.

மறைக்கப்பட்ட வரலாறு

மறைக்கப்பட்ட மர்ம அறைகளில் சிவ பெருமாளின் சிலைகள் இருக்கிறது. அதில் சிவ தலங்களுக்கான அத்தனை அம்சங்களும் உள்ளது என்கின்றனர். திட்டமிட்டே இந்த உண்மை மறைக்கப்பட்டதாக கூறப்படுகிறது.

தாஜ்மஹால் ஷாஜகான் கட்டியதா கைப்பற்றியதா
இந்த தாஜ்மஹால் உண்மையில் தேஜே மஹாலயாவாக இருந்தால் அது முகலாயர்களின் படையெடுப்புக்கு முன்னதாகவே இருந்திருக்கும். அதை வெள்ளைக் கற்களால் அழகு படுத்தியவர்தான் ஷாஜகான். தேஜோ மஹாலயாவை கைப்பற்றி தாஜ் மஹாலை அமைத்தார் ஷாஜகான் என்றும் கருத்துக்கள் உள்ளன.

ரஜினிகாந்த் அரசியலுக்கு வந்தால்....!!!?

சென்னை கோடம்பாக்கத்தில் உள்ள ராகவேந்திரா திருமண மண்டபத்தில் தமிழகத்தின் பல்வேறு மாவட்டங்களின் ரசிகர்களை நடிகர் ரஜினிகாந்த் சந்திக்கும் நிகழ்ச்சி தற்போது நடைபெற்று வருகிறது. இந்த நிகழ்ச்சியில் ரசிகர்களுடன் ரஜினிகாந்த் புகைப்படம் எடுத்து கொள்ளவுள்ளார்.

ரசிகர்கள் மத்தியில் ரஜினிகாந்த் பேசுகையில், கடந்த 21 ஆண்டுகளுக்கு முன்பு அரசியல் விபத்து எனக்கு நடந்தது, ஒரு கூட்டணிக்கு ஆதரவு அளிக்க வேண்டிய கட்டாயம் ஏற்பட்டது.

என்னுடைய ரசிகர்களும், வாழவைத்த தெய்வங்களான தமிழ் மக்களும் முழு ஆதரவை கொடுத்து அந்த கூட்டணியை ஜெயிக்க வைத்தார்கள்.

அப்போதிலிருந்தே அரசியலில் என் பெயர் அடிபட ஆரம்பித்துவிட்டது, என்னுடைய ரசிகர்களில் சில பேர் அரசியல் ஆதாயத்துக்காக என் பெயரை பயன்படுத்த தொடங்கிவிட்டனர், பணமும் சம்பாதித்து விட்டனர்.

பூனை ருசி கண்ட மாதிரி அடுத்தடுத்த தேர்தல்களிலும் இதையே செய்யத் தொடங்கினர், இதன் காரணமாகவே நான் யாருக்கும் ஆதரவு அளிக்கவில்லை என கூறவேண்டிய கட்டாய சூழல் உருவானது.

ஆண்டவன் இயக்கும் கருவி தான் நான், என்ன பொறுப்பு கொடுத்தாலும் நியாயமாக, சத்தியமாக செயல்படுவேன்.

சூழ்நிலை காரணமாக நான் அரசியலுக்கு வந்தாலும் பணத்துக்காக சேரும் கூட்டத்தை என்னுடன் சேர்த்து கொள்ள மாட்டேன் என ரஜினிகாந்த் கூறியுள்ளார்.

விரல்களில் உள்ள ரகசியங்கள் தெரியுமா?

நம் கையில் மொத்தம் உள்ள விரல்களின் பெயர்கள் என்னவென்றால் பெரு விரல் , ஆள்காட்டி விரல், நடு விரல், மோதிர விரல், சுண்டு விரல். இந்த ஒவ்வொரு விரலும் நம் ஆளுமையைப் பற்றி ஏதோ ஒன்றை சொல்லும் என்பது ஒரு அறிவியல் ஓடையாக உள்ளது என கைரேகை நிபுணர்கள் நம்புகின்றனர்.

கட்டுப்படுத்துவதில் முக்கிய பங்கை பெருவிரல் வகிக்கிறது. அதேப்போல் நம் மூளையிலும் கூட அது மிகப்பெரிய பங்கை கொண்டுள்ளது. கட்டை விரல் எனப்படும் பெருவிரல் இல்லாமல் நம் ஆளுமை முழுமையடையாது. பெருவிரல் என்பது ஒரு நபரில் இருக்கும் மன உறுதி மற்றும் சுய கட்டுப்பாட்டை குறிக்கும்.

பெரு விரல்

நம் கைகளில் உள்ள இரண்டு பெருவிரல்களும் நம் வாழ்க்கையில் முக்கியமான பங்கை வகிப்பதோடு, குறிப்பிட்ட ஒரு பங்கையும் வகிக்கிறது. பெருவிரல் என்பது உள்ளங்கைக்கு மிக அருகில் உள்ளது.

தர்க்கரீதியாக சிந்திக்கும் தனிப்பட்ட திறனை அது குறிக்கிறது. அது நம் மன உறுதியையும் குறிக்கும். அதன் அளவில் உள்ள வேறுபாடுகள், எப்படி ஒருவர் சுற்றுச்சூழல் மற்றும் முடிவெடுக்கும் திறனை கட்டுப்பாட்டில் வைத்திருக்கிறார் என்பதை தீர்மானிக்கும்.

ஆள்காட்டி விரல்

ஆள்காட்டி விரலை வியாழன் விரல் என்றும் அழைப்பர். ஒருவரின் குறிக்கோள் மற்றும் வழிகாட்டலை இது குறிக்கும். நம் வாழ்க்கை எத்திசையை நோக்கி செல்லும் என்பதையும், நோக்க உணர்வையும் இது குறிக்கும்.

ஆள்காட்டி விரல் கட்டையாக இருந்தால் தங்கள் வாழ்க்கையின் நோக்கத்தை கண்டுபிடிக்க அவர்களால் முடியாமல் போகும். அத்தகைய தனிப்பட்ட நபர்களுக்கு சமூக அமைப்புகளோடு ஒன்றிட கடினமாக இருக்கும். மாறாக, ஒருவரின் ஆள்காட்டி விரல் நீளமாக இருந்தால், அவர் மிகவும் நற்குணமுள்ளவராக இருப்பார். அதே போல் சமுதாயத்திலும் முக்கியமானவராக இருப்பார்.

நடு விரல்


நடு விரலை சனி விரல் என்றும் அழைப்பர். மற்ற நான்கு விரல்களை விட இது தான் புத்திசாலியான விரலாகும். நம் திறன்களை இவ்விரல் தான் கேள்வி கேட்கும். அதேப்போல் நம் முடிவுகளை பற்றி மீண்டும் ஆலோசிக்க வைக்கும்.

உள்ளங்கையின் அகலத்தை விட நம் நடு விரல் கட்டையாக இருந்தால், விரைவாக புரிந்துகொள்ளும் ஆற்றல் குறைவாக இருக்கும். உணர்வற்றவர்களாக உள்ள இவர்கள் தவறான விஷயங்களை தான் பொதுவாக செய்து விடுவார்கள். மாறாக, நடு விரல் நீளமாக இருக்கும் நபர்கள் தன்னிச்சையாக செயல்பட மாட்டார்கள். அதே போல் மிகவும் கடுமையானவர்களாக இருப்பார்கள்.

மோதிர விரல்

மோதிர விரலை சூரிய விரல் என்றும் கூறுவார். கூட்டத்திற்கு மத்தியில் தனியாக தெரிய உதவும் கலகலப்பான குணத்தை இந்த விரல் குறிக்கும். தைரியம், கவர்ச்சி மற்றும் பேரார்வத்தை இது குறிக்கும். இவ்விரல் கட்டையாக இருந்தால், அந்த நபர் தைரியமற்றவராக, பேரார்வமற்றவராக, எந்த ஒரு சுற்றுச்சூழலிலும் பாதுகாப்பின்மையோடு உணர்வார்கள்.

இவர்கள் இயற்கையாகவே சாதுவானவர்களாக இருப்பார்கள். மோதிர விரல் நீளமாக இருந்தால், அந்த நபர் கவனத்தை கோருபவராக இருப்பார். அதேப்போல் மற்றவர்களை வசீகரிக்கும் வகையில் செயல்படுவார்கள்.

சுண்டு விரல்

சுண்டு விரல் அல்லது புதன் விரலை, பிங்கி என்றும் அழைப்பார்கள். சுண்டு விரல் மிகவும் சிறியதாக இருந்தால், அந்த நபர் புத்தி கெட்டவராக அல்லது அப்பாவியாக இருப்பார். அதேப்போல் தங்களின் சுற்றுச்சூழலின் மீதோ அல்லது அதனை புரிந்து கொள்ளவோ விருப்பம் காட்ட மாட்டார்கள்.

சுண்டு விரல் நீளமாக இருந்தால், அந்த நபர் சிறந்த தொடர்பாற்றலை கொண்டிருப்பார். ஆனால் அதிகமாக மிகைப்படுத்தி, பொய் சொல்லக்கூடியவர்களாக இருப்பார்கள்.

Tuesday, May 9, 2017

Sachin Tendulkar's Luxurious House! சச்சின் டெண்டுல்கரின் ஆடம்பரமான வீடு!



சச்சின் என்றாலே சாதனை என்று தான் கிரிக்கெட்டில் குறிப்பிட வேண்டும். அந்த அளவுக்கு மாபெரும் வீரராக திகழ்ந்தவர்.
கிரிக்கெட்டின் கடவுள் என்று அழைக்கப்படும் சச்சின், சொர்க்கத்தைப் போல மும்பையில் ஒரு வீட்டை கட்டியிருக்கிறார்.
சீ ஷெல் (Seashell) என்று ஆங்கிலத்தில் கூறப்படும் சிப்பியை போல வெளித்தோற்றம் அளிக்கும் இந்த வீட்டை மும்பையில் கட்டியிருக்கிறார் சச்சின். புகைப்படத்தில் காணும் போதே கண்களை பறிக்கிறது அந்த வீடு.

மிகவும் வித்தியாசமான கட்டமைப்பைக் கொண்டுள்ளது சிப்பி அமைப்பில் கட்டப்பட்டிருக்கும் அந்த வீடு, காண்போர் உள்ளத்தை கவர்ந்திழுக்கும். இனி, அந்த வீட்டின் அமைப்பை பற்றி பார்க்கலாம்.
பண்டார (Bandara) சச்சினின் இந்த அழகிய வீடு மும்பையில் உள்ள பண்டார பகுதியில் இருக்கின்றது.
சிப்பி போன்று கட்டமைக்கப்பட்டுள்ள இந்த வீட்டின் மதிப்பு 35 கோடி ரூபாயாம்!!



இந்த வீட்டின் உள்ளே இருக்கும் போது, கடலுக்கு அடியே இருப்பது போல கட்டமைக்கப்பட்டுள்ளது. உள் வீட்டு அலங்காரங்களும் அதற்கு ஏற்ப தான் செய்யப்பட்டிருக்கிறது.


மெக்ஸிக்கன் நாட்டை சேர்ந்த ஓர் கட்டிட கலைஞரின் கைவண்ணத்தில், இந்த வீடு கட்டமைக்கப்பட்டுள்ளது. சச்சினின் “சிப்பி” வீட்டின் (Shell House) லிவிங் ரூம் இது தான்.




வீட்டின் உள் பகுதியில் சிறிய அழகான தோட்டம் அமைக்கப்பட்டுள்ளது.



மிகவும் நுட்பமாகவும், அழகிய கலை வேலைபாடுகளுடன் கட்டமைக்கபட்டிருக்கும் குளியலறை.


தோட்டத்திற்கு நடுவே அமர்வதை போல வரவேற்ப்பு அறையில் சோபா அமைக்கபட்டிருக்கிறது.


மிகவும் அழகான நுட்பமான வேலைபாடுகள் கொண்டு இந்த வீடு கட்டப்பட்டிருக்கிறது.

ஹாலிற்கு பின்புறம் அமைக்கபட்டிருக்கும் டைனிங் டேபிள்.


உண்மையிலேயே ஏதோ கனவு உலகில் இருப்பது போல இரவில் காட்சியளிக்கிறது சச்சினின் சிப்பி வீடு

Friday, May 5, 2017

வங்கி துறையை கடித்துள்ள ஆட்டோமேஷன்..!

அன்று முதல் இன்று வரை மிகவும் பாதுகாப்பான வேலை, எல்லோராலும் மதிக்கப்படும் வேலைகளில் ஒன்றாக இருக்கிறது வங்கித் துறையில் இருக்கும் வேலைவாய்ப்புகள். இன்று இன்ஜினியரிங் பட்டதாரிகள் கூட வங்கித் துறை வேலை மற்றும் அதில் இருக்கும் பாதுகாப்பு ஆகியவற்றின் காரணமாக அதிகளவில் ஈர்க்கப்பட்ட இத்துறையில் சேர ஆர்வமாய் இருக்கிறார்கள். ஆனால் இப்போது நிலைமை மாறியுள்ளது.

வங்கித் துறை 

வங்கித்துறையில் ஏற்பட்டுள்ள தொழில்நுட்ப வளர்ச்சி மற்றும் வாடிக்கையாளர்களுக்குத் தடையற்ற சேவை வழங்க வேண்டும் என்ற வங்கியின் கண்ணோட்டம் வங்கிகளில் உயரிய பதவியாகப் பார்க்கப்படும் டெல்லர் பணி இனி தேவையற்றதாக மாறி வருகிறது. இதுமட்டுமா என்றால் இன்னும் ஏராளமாக

இந்திய சந்தை 

கடந்த 20 வருடங்களில் இந்தியாவில் ஐடித் துறைக்கு அடுத்தாக அதிக வேலைவாய்ப்புகளை உருவாக்கிய ஒரு துறை என்றால் அது வங்கித்துறை தான். ஆனால் வங்கித்துறையில் ஏற்பட்டுள்ள தொழில்நுட்ப வளர்ச்சி, இத்துறையில் பல பணியிடங்கள் தேவையற்றதாக மாறியுள்ளது. இதனால் அளவிற்கு அதிகமாகவும், தேவையற்ற ஊழியர்களை வங்கிகள் தற்போது வெளியேற்றி வருகிறது.

சில முக்கியப் பணிகள் 

வங்கிகளில் பாஸ்புக் அப்டேட் செய்வது, KYC படிவத்தை வாங்குவது, சம்பளம் போடுவது என அனைத்து பணிகளும் வங்கித்துறையில் தற்போது டிஜிட்டல் மயமாக்கப்பட்டுள்ளது. ஆக்சிஸ் வங்கி, ஐசிஐசிஐ வங்கி, எச்டிஎப்சி வங்கி ஆகியவை முன்னணி பொதுத்துறை வங்கிகளைக் காட்டிலும் வாடிக்கையாளர்களுக்குக் கடன் அளித்தல், முதலீட்டுத் திட்டங்களை விற்பனை செய்தல் ஆகியவற்றையும் இணையத்தின் வாயிலாகவே செய்கிறது. இதன் மூலம் வங்கிகளில் இப்பணிகளைச் செய்து வரும் ஊழியர்கள் நிர்வாகத்திற்குத் தற்போது தேவையில்லை.

75 சதவீத பணிகள் 

இன்றைய நிலையில் தனியார் வங்கிகளில் சுமார் 75 சதவீத வங்கி சார்ந்த பணிகள் அனைத்தும் டிஜிட்டல் முறையில் இணையத்தின் வாயிலாகச் செய்து முடிக்கப்படுகிறது. பொதுத்துறை வங்கிகளில் இதன் அளவில் மாறுபாடு இருக்கும். ஆயினும் முக்கியமான பணிகள் அனைத்தையும் டிஜிட்டல் முறையில் தற்போது மக்கள் செய்து வருகின்றனர்.

ஆக்சிஸ் வங்கி 

இதுகுறித்து ஆக்சிஸ் வங்கி உயர் அதிகாரியான ராஜிவ் அனந்த கூறுகையில், தற்போது வங்கிகள் வாரியாக அல்லாமல் வங்கி கிளைகள் வாரியாக ஆட்டோமேஷன் பணிகள் அதிகரித்துள்ளது. தற்போது ஆக்சிஸ் வங்கி கிளைகளில் சுமார் 1500 பண வைப்பு செய்யும் இயந்திரம் உள்ள நிலையில் இங்கு டெல்லர் பணியிடம் தேவையற்ற ஒன்றாக உள்ளது.

இயந்திர வெளிநாட்டு வங்கிகள் இயந்திரங்கள் வாயிலான வர்த்தக முறையை மிகவும் வேகமாக அமல்படுத்தி வரும் நிலையில் இந்தியாலில் இதன் வேகம் மிகவமு் குறைவு என்றே சொல்ல வேண்டும். ஆனால் அடுத்தச் சில வருடங்களில் இது கண்டிப்பாக மிகப்பெரிய அளவில் இந்தியாவில் வளர்ந்து நிற்கும்.

எச்டிஎப்சி வங்கி 

சமீபத்தில் நாட்டின் முக்கிய வங்கிகளில் ஒன்றான எச்டிஎப்சி வங்கி ஆட்டோமேஷனை அதிகளவில் கையில் எடுத்தக் காரணமாகச் சுமார் சதவீத வங்கி ஊழியர்களை வெளியேற்ற முடிவு செய்துள்ளது. இதேபணியை ஐசிஐசிஐ வங்கி 1 வருடத்திற்கு முன்பாகவே படிப்படியாக ஊழியர்கள் எண்ணிக்கையைக் குறைத்து.

இதுவே மாற்றம் தற்போதைய நிலையில் தனியார் வங்கிகளில் பணியில் சேரும் 50 சதவீதம் பேர் மேலாளர் பதவியில் அமர்த்தப்படுகின்றன. ஆனால் இவர்கள் வங்கிகளில் கேஷியர் பணி முதல் அனைத்தையும் செய்து வருகின்றனர். அடுத்தச் சில வருடங்களில் மேலாளர் பதவியில் இருக்கும் ஊழியர்கள் புதிய வாடிக்கையாளர்களைப் பிடிக்கும் பணி மட்டுமே இவர்களுக்கு இருக்கும் இதர பணிகள் அனைத்தும் ஆட்டோமேஷன் செய்யப்படும்.

புதிய வங்கிகள் 

மேலும் இந்தியாவில் தற்போது பேமெண்ட் வங்கிகள், வேலெட் சேவைகள் அனைத்தும் அதிகரித்து வரும் நிலையில் மக்கள் வங்கிகளை மட்டுமே நம்பியிருக்கும் அவசியம் மிகப்பெரிய அளவில் குறையும். ஆகவே வங்கிகளும் இதற்கான பணிகளைச் செய்ய வேண்டும், இதன் முதல் படியே தற்போது கையில் எடுத்திருக்கும் ஆட்டோமேஷன்.

ஆட்டோமேஷன் 

வங்கித்துறையில் தற்போது ஆட்டோமேஷன் என்ற சொல்லின் கீழ் ரோபோடிக்ஸ், செயற்கை நுண்ணறிவு ஆகியவற்றும் இதில் அடங்குகிறது. ஆதலால் ஊழியர்கள் தேவை வங்கி நிர்வாகத்திற்குக் குறைந்துகொண்டே தான் இருக்கும்.

ஐடி துறை 

இந்தியாவில் தற்போது ஐடி துறை சந்திக்கும் பிரச்சனையை அடுத்தச் சில வருடத்தில் வங்கித்துறை சந்திக்கும்.

என்னதான் தீர்வு..? 

ஐடி துறையில் தான் ஆட்குறைப்பு, பணிநீக்கம், என்று இருந்தால் தற்போது வங்கித்துறையிலும் பிரச்சனை வெடித்துள்ளது. இதற்கு உண்மையான தீர்வு, எந்தத் துறையாக இருந்தாலும் நீங்கள், உங்களுடைய திறனை ஒவ்வொரு நாளும் மேம்படுத்திக் கொண்டே இருக்க வேண்டும். நீங்கள் இல்லையென்றால் நிறுவனத்திற்குப் பிரச்சனை, வர்த்தகத்தில் பாதிப்பு ஏற்படும் என்ற நிலைக்கு நீங்கள் உயர்ந்துவிட்டால் பணிநீக்கம் குறித்து எந்தக் கவலையும் பட வேண்டாம்.

அங்கீகரிக்கப்படாத வீட்டு மனைகள்

அங்கீகரிக்கப்படாத வீட்டு மனைகள்

அங்கீகரிக்கப்படாத வீட்டுமனைகளை பத்திரப் பதிவு செய்யும் விவகாரத்தில் தமிழக அரசு புதிய கட்டணங்கள் மற்றும் விதிமுறைகளை அரசாணையாக வெளியிட்டுள்ளது.

விளைநிலங்களை வீட்டுமனைகள் ஆக்குவதாகத் தொடரப்பட்ட வழக்கில், புதிய வரைவு விதிகளுடன் கூடிய அரசாணைகளை தமிழக அரசு இன்று (வெள்ளிக்கிழமை) சென்னை உயர் நீதிமன்றத்தில் சமர்ப்பித்தது. அதில் கூறப்பட்டுள்ளதாவது:

வீட்டு மனைகளாக்க அனுமதி இல்லாத நிலங்கள், விவசாய நிலங்கள், ஆறு, கால்வாய் உள்ளிட்ட நீர்நிலைகள், அரசு நிலம், கோயில் இடம், வக்பு வாரிய நிலம், உரிமம் இல்லாத காலி நிலம் ஆகியவற்றை வீட்டு மனைகளாகப் பதிவு செய்ய அனுமதி இல்லை.

தொடர்ந்து வேளாண்மை செய்யத் தகுதியான நிலத்தை, வீட்டு மனைகளாக மாற்றக் கூடாது.

வீட்டு மனையாக்க விண்ணப்பிக்கப்படும் இடத்தை மாவட்ட ஆட்சியர் நேரில் ஆய்வு செய்ய வேண்டும். விவசாய நிலம் இல்லை என்பதற்கு வேளாண்துறை இணை இயக்குநரிடம் அறிக்கை பெற வேண்டும்.

புதிய கட்டணம்

மாநகராட்சிகளில் பத்திரப் பதிவு மேற்கொள்ள ஒரு சதுர மீட்டருக்கு ரூ.100 கட்டணம். நகராட்சிகளுக்கு ரூ.60-ம், பேரூராட்சி, ஊராட்சிகளுக்கு ரூ.30-ம் கட்டணமாக வசூலிக்கப்படும் என்று தெரிவிக்கப்பட்டுள்ளது.

Thursday, May 4, 2017

செட்டிநாடு சிக்கன் பிரியாணி

செட்டிநாடு முறையில் சுவையான சிக்கன் பிரியாணி செய்வதற்கான எளிய குறிப்பு. இந்த குறிப்பு

தேவையான பொருட்கள்

அரிசி – 1 /2 கிலோ
சிக்கன்(எலும்புடன்) – 1 /2 கிலோ
கொத்தமல்லி – 1 /2 கட்டு
புதினா – 1 கட்டு
பச்சை மிளகாய் – 4
வெங்காயம் – 250 கிராம்
தக்காளி – 250 கிராம்
இஞ்சி, பூண்டு விழுது – 50 கிராம்
தயிர் – 1 /2 ஆழாக்கு
எண்ணெய் – 1 குழிக்கரண்டி
ஏலக்காய் – 2
கடற்பாசி – 1 /2 தேக்கரண்டி
பட்டை, லவங்கம், மராட்டி மொக்கு, அன்னாசிப்பூ – தலா 2
மிளகாய்த்தூள் – 2 தேக்கரண்டி
மஞ்சள்தூள் – 1 /2 தேக்கரண்டி
தனியாத்தூள் – 4 தேக்கரண்டி
உப்பு – தேவையான அளவு


செய்முறை
ஒரு அடி கனமான அகலமான பாத்திரம் அல்லது குக்கரை அடுப்பில் வைத்து ஒரு குழிக்கரண்டி எண்ணெய் விட்டு மேலே கொடுக்கப்பட்டுள்ள கரம்

மசாலா பொருட்களை(பட்டை, லவங்கம், மராட்டி மொக்கு, அன்னாசிப்பூ,ஏலக்காய்,கடற்பாசி) சேர்த்து நன்கு வதக்கிக் கொள்ளவும். வேண்டுமெனில் இந்த மசாலாப் பொருட்களை பொடி செய்தும் உபயோகிக்கலாம்.
பின்னர் பொடியாக நறுக்கி வைத்துள்ள வெங்காயம் சேர்த்து பொன்னிறமாக வதக்கவும். வெங்காயம் நன்கு வதங்கியவுடன் இஞ்சி, பூண்டு விழுது சேர்த்து பச்சை வாசனை போக நன்கு வதக்கிக் கொள்ளவும். பின் தக்காளி சேர்த்து நன்கு மசியுமாறு வதக்கிக் கொள்ளவும்.

பின் மிளகாய்த்தூள், மஞ்சள்தூள், தனியாத்தூள் சேர்த்து சிறிது தண்ணீர் தெளித்து, பச்சை வாசனை போகுமளவு நன்கு கிளறவும். பின்னர் கொத்தமல்லி, புதினா சேர்த்து வதக்கவும்.

பிறகு நன்கு சுத்தம் செய்து வைத்துள்ள சிக்கன் சேர்த்து நன்றாக அதன் நிறம் மாறும் வரை கிளறவும். இதனுடன் சிறிது தண்ணீர் மற்றும் உப்பு சேர்த்து வேக விடவும்.

சிக்கன் பாதியளவு வெந்த பிறகு, பச்சைமிளகாயைச் சேர்க்கவும். திக்கான மசாலா கலவையுடன் சிக்கன் இருக்கும் போது, கழுவி வைத்துள்ள அரசியைச் சேர்த்து கலக்கவும்.

ஒரு கப் அரிசிக்கு 1 1 /2 கப் தண்ணீர் சேர்த்து மூடி விடவும்.முக்கால் பதம் வெந்த நிலையில், மூடியத் திறந்து தயிரைச் சேர்த்து கிளறவும்.
தோசைக்கல்லை அடுப்பில் வைத்து தண்ணீர் விட்டு முக்கால் பதம் வெந்த நிலையில் உள்ள பிரியாணியை பாத்திரத்துடன் அதன் மீது வைத்து நன்கு மூடி விடவும். அந்த மூடியின் மேல் தண்ணீருடன் உள்ள பாத்திரத்தை வைக்கவும்.
பத்து நிமிடம் கழித்து மூடியத் திறந்து புதினா, கொத்தமல்லித்தழைகளை அதன் மேல் தூவி பரிமாறவும்.

பரிமாறும் போது பொன்னிறமாக வதக்கி வைத்துள்ள வெங்காயத்தை மேலே தூவி பரிமாறவும்.


குறிப்பு

சிக்கனைச் சிறிது சிறிதாக கோடு போட்டோ, அல்லது கீறியோ விட்டு செய்தால் மசாலா நன்கு உட்புறம் சார்ந்து சுவையாக இருக்கும்.
தம்மில் போடும்போது தோசைக்கல்லில் தண்ணீர் ஆவியாகிவிட்டால் தண்ணீர் சேர்க்கவும், இல்லையென்றால் பாத்திரம் அடிப்பிடித்து விடும்.

Monday, April 24, 2017

`நான் நிரந்தரமானவன், அழிவதில்லை. எந்த நிலையிலும் எனக்கு மரணமில்லை’

`கண்ணதாசன் என்றால் கண்ணனுக்கு தாசன் என்று அர்த்தம் அல்ல. `அழகான கண்களைப்பற்றி வர்ணிப்பதிலும், வர்ணிக்கப்பட்டதைப் படப்பதிலும் ஆசை அதிகம். அதனால் இந்தப் பெயரை வைத்துக்கொண்டேன்’ என்பது அவரே அளித்த விளக்கம். பெற்றோர் வைத்த பெயர் முத்தையா.

` சிறு வயதில் இன்னொரு குடும்பத்துக்கு 7,000 ரூபாய்க்குத் தத்துக் கொடுக்கப்பட்டவர் கண்ணதாசன். அந்த வீட்டில் அவர் பெயர்,நாராயணன்.

`கலங்காதிரு மனமே, உன் கனவெல்லாம் நனவாகும் ஒரு தினமே’ என்று `கன்னியின் காதலியில்’ எழுதியது முதல் பாட்டு. மூன்றாம் பிறையில் வந்த, `கண்ணே கலைமானே’ கவிஞரின் கடைசிப் பாட்டு.

எப்போதும் மஞ்சள் பட்டுச் சட்டை, வேட்டி அணிந்திருப்பார். திடீரென்று கழுத்து, கைகளில் நகைகள் மின்னும் திடீரென்று காணாமல் போய்விடும். `பள்ளிக்கூடத்துக்குப் போயிருக்கு’ என்று அவை அடகுவைக்கப்பட்டு இருப்பதைச் சொல்வார்.

`மயிலாப்பூர் உட்லண்ட்ஸ் ஹோட்டல், அபிராமபுரம் கவிதா ஹோட்டல் இரண்டும் தான் கவிஞருக்குப் பிடித்த இடங்கள். பெரும்பாலான பாடல்கள் பிறந்தது இங்குதான். வெளியூர் என்றால் பெங்களூர் உட்லண்ட்ஸ்.

வேட்டியின் ஓரத்தைப் பிடித்துக்கொண்டு அறைக்குள் நடந்தபடி பாடல்களின் வரிகளைச் சொல்வார். நடந்துகொண்டே இருந்தால்தான் சிந்தனை துளிர்க்கும். கவிதைவரிகள் சொல்லும்போது செருப்பு அணிய மாட்டார்!
`கொஞ்சம் மது அருந்திவிட்டால், என் சிந்தனைகள் சுறுசுறுப்படைவது வழக்கம். அதைப்போல் இன்ப விளையாட்டில் எனக்கு ஆசை உண்டென்றாலும், சிந்திக்கிற நேரத்தில் ரதியே வந்தாலும் திரும்பி பார்க்க மாட்டேன்’ என்பது கவிஞரின் வாக்குமூலம்.

’முத்தான முத்தல்லவோ’ பாட்டைத்தான் மிகக் குறைவான நேரத்துக்குள் (10 நிமிடங்கள்) எழுதி முடித்தார். அதிக நாட்களுக்கு அவரால் முடிக்க முடியாமல் இழுத்தது. `நெஞ்சம் மறப்பதில்லை... அது நினைவை இழப்பதில்லை!’’

கண்ணதாசன் அடிக்கடி கேட்கும் பாடல், `திருப்பாற்கடலில் பள்ளிக்கொண்டாயே ஸ்ரீமன் நாராயணா,’ தனக்குப்பிடித்த பாடல்களாக, `என்னடா பொல்லாத வாழ்க்கை,’’ `சம்சாரம் என்பது வீணை’’ ஆகிய இரண்டையும் சொல்லியிருக்கிறார்.

கண்ணதாசனுக்குப் பிடித்த இலக்கியம் கம்பராமாயணம்,`நான் பாடல் இயற்றும் சக்தியைப் பெற்றதே அதில் இருந்ததுதான்’ ’என்பார்.

காமராசர் வாழ்க்கை வரலாற்றைத் திரைப்படமாக எடுக்க விரும்பினார். சில காட்சிகளையும் எடுத்தார். ஆனால் முற்றுப்பெறவில்லை!

ஆரம்ப காலத்தில் வேலை எதுவும் கிடைக்காததால், சந்திரமோகன் என்று பெயர் மாற்றிக்கொண்டு சினிமாவில் நடிக்க வாய்ப்பு கேட்டிருக்கிறார். பிற்காலத்தி; `பராசக்தி’,’`ரத்தத்திலகம்’’,`கறுப்புப்பணம்’,’ `சூரியகாந்தி’.’ உள்ளிட்ட படங்களில் நடித்தும் இருக்கிறார்.

முதல் மனைவி பெயர் பொன்னம்மா,அடுத்த ஆண்டே பார்வதி என்பவரை இரண்டாம் திருமணம் செய்துகொண்டார். இவர்களுக்குத் தலா ஏழு குழந்தைகள். 50-வது வய்தில் வள்ளியம்மையைத் திருமணம் செய்தார். இவர்களுக்குப் பிறந்தவர்தான் விசாலி. மொத்தம் 15 பிள்ளைகள்!

படுக்கை அறையில் வைத்திருந்த ஒரே படம் கிருஷ்ணர். வெளிநாடு போவதாக இருந்தால், சாண்டோ சின்னப்பா தேவர் வீட்டுக்குப் போய்,அவர் பூஜை அறையில் இருக்கும் முருகனை வணங்கிவிட்டுத்தான் செல்வார்!

`கண்ணதாசன் இறந்துவிட்டார்’’ என்று இவரே பலருக்கும் போன் போட்டு வதந்தியைக் கிளப்பி, வீடு தேடிப் பலரும் அழுது கூடிவிட, பிறகு இவரே முன்னால் தோன்றிச் சிரித்த சம்பவம் நடந்திருக்கிறது.

`உங்கள் புத்தங்கள் அனைத்தையும் படிக்கும் ஒருவனுக்கு உங்களது புத்திமதி என்ன? என்று கேட்டபோது, அவர் சொன்ன பதில்... புத்தங்களைப் பின்பற்றுங்கள். அதன் ஆசிரியரைப் பின்பற்றாதீர்கள்!’

தன்னுடைய பலவீனங்களை வெளிப்படையாக ஒப்புக்கொண்டு சுயவரலாறு எழுதியவர்,`வனவாசம்,மனவாசம் இரண்டும் ஒருவன் எப்படி வாழக்கூடாது என்பதற்கான உதாரணங்கள்’ என்றார்.

காமராசர், அண்ணா, எம்.ஜி.ஆர்,கருணாநிதி ஆகிய நான்கு பேரையும் அதிகமாகப் பாராட்டியவரும், திட்டியவரும் இவரே! ஈ.வெ.கி.சம்பத்.ஜெயகாந்தன்,சோ,பழ.நெடுமாறன் ஆகிய நான்கு பேரும் அரசியல் ரீதியாக நெருக்கமான நண்பர்கள். `கவிஞரின் தோரணையை விட அரசனின் தோரணைதான் கவிஞரிடம் இருக்கும்’ என்பார் ஜெயகாந்தன்.

திருமகள், திரையொலி, மேதாவி, சண்டமாருதம் ஆகியவை இவர் வேலை பார்த்த பத்திரிகைகள், தென்றல், தென்றல்திரை, முல்லை,கடிதம்,கண்ணதாசன் ஆகியவை இவரே நடத்தியவை.

திருக்கோஷ்டியூர் தொகுதியில் முதல் தடவை நின்றார். தோற்றார். அதன் பிறகு தேர்தலில் நிற்கவே இல்லை.`இது எனக்குச் சரிவராது’’ என்றார்.

`குடிப்பதும், தவறுக்கென்றே தங்களை ஒப்புக்கொடுத்துவிட்ட பெண்களுடன் ஈடுபடுவதும், ஒரு தனி மனிதன் தன் உடல்நிலைக்கும் வசதிக்கும் ஏற்ப செய்யும் தவறுகளே தவிர, அதனால் சமுதாயத்தின் எந்த அங்கமும் பாதிக்கப்படுவதில்லை’ என்று தனது தவறுகளுக்கு வெளிப்படையான விளக்கம் அளித்து உள்ளார்.

`பிர்லாவைப்போலச் சம்பாதித்து ஊதாரியைப்போலச் செலவழித்து,பல நேரங்களில் பிச்சைக்காரனைப் போல ஏங்கி நிற்கும் வாழ்க்கைதான் என்னுடையது’ என்பது அவர் அளித்த வாக்குமூலம்.

தான் வழக்கமாகப் படுத்துறங்கும் கருங்காலி மரத்தில் செய்யப்பட்ட கட்டிலுடன் தன்னை எரிக்க வேண்டும் என்பது கண்ணதாசனின் கடைசி விருப்பம்!

`அச்சம் என்பது மடமையடா,’ `சரவணப் பொய்கையில் நீராடி,’ `மலர்ந்தும் மலராத...,’ `போனால் போகட்டும் போடா..,’ `கொடி அசைந்ததும்,’ `உன்னைச் சொல்லிக் குற்றமில்லை,’ `கடவுள் மனிதனாகப் பிறக்க வேண்டும்,’ `எங்கிருந்தாலும் வாழ்க,’ `அதோ அந்தப் பறவைபோல வாழவேண்டும்,’ `சட்டி சுட்டதடா கை விட்டதடா...,ஆகிய 10 பாடல்களும் தமிழ் வாழும் காலம் முழுவதும் இருக்கும் காவியங்கள்

இறப்புக்கு 11 ஆண்டுகளுக்கு முன்பே தனக்குத்தானே இரங்கற்பா எழுதிவைத்துக்கொண்டார். அதன் கடைசி வரி இப்படி முடியும்...

மெட்ராஸ் பாஷை அறிவோம் !


பேச்சு தமிழ் மெட்ராஸ் பாஷைஅர்த்தம் 
appuram (அப்புறம்)Appālikā,appāllē (அப்பாலிகா, அப்பாலே)Afterwards
anñkē (அங்கே)Annanṇṭa (அந்நாண்ட)There
kōpam (கோபம்)Gaandu (காண்டு)Anger
Mosamana (மோசமான)Attu (அட்டு)Worst (Derived from Burmese word "attu" - meaning duplicate)
bayam (பயம்), achham (அச்சம்)mersu (மெர்சு)Fear
nandraga Illai (நன்றாக இல்லை)mokka (மொக்கை/மொக்க)Derived from Burmese word "macaunbu" meaning not good
dhaṭavai (தடவை)Dhabā (தபா)times- Derived from Hindustani - Dafa (number of times)
ēmatṟukiṟatu (ஏமாற்றுகிறது)Dabaikirathu (டபாய்க்கிறது)Fooling
kiṇṭal seivathu (கிண்டல் செய்வது)Kalāikirathu (கலாய்க்கிறது)To tease- Derived from Malayalam - Kali aakunnu.
makizhchi (மகிழ்ச்சி)Gūjjāallu (குஜ்ஜால்லு)Happy
kaal saṭṭai (கால் சட்டை)Nijāru (நிஜாரு)Trouser
viraivil viṭṭu(விரைவில் விட்டு)Apeetu (அபீட்டு)To exit quickly/Vanish from the spot. Derived from English word abate
Nalla irukku (நல்லா இருக்கு)Sokkha irukeethu(ஸோக்கா இருகீது )Looking good - Derived from Urdu- Shauq- Passionate
மற்ற மொழிகளில் இருந்து வாங்கியது 

Dūbaakoor (டுபாக்கூர்)  - Fraudster  - From the English word dubash which, itself, is a derivative of the Hindusthani word "Do bhasha", usually, used to refer to interpreters and middlemen who worked for the British East India Company. As in the early 19thcentury, dubashes such as Avadhanum Paupiah were notorious for their corrupt practices, the term "dubash" gradually got to mean "fraud"

Nainā (நைனா)  - Father  - From the Telugu word Nāyanāh

Bēmānī (பேமானி)  - Swearword; meaning unclear - Derived from the Urdu word Bē Imān meaning "a dishonest person"

Gabbu (கப்பு)  - Bad Smell  - Derived from colloquial Telugu Gobbu

Gammu (கம்மு)  - Silent, peaceful - Derived from colloquial Telugu gommuni

Bīscōthū  - Sub-standard  - Derived from the English word "biscuit"

Kūchū (குச்சு,குந்து)  - Sit down - Derived from Telugu & Kannada

Dhūddū (துட்டு), Dabbū (டப்பு)  - Money  - Derived from Telugu

Galeeju (கலீஜு)  - Yucky  - Derived from the Urdu word, Galeez

Kasmalam (கஸ்மாலம்)  - Dirty - Derived from the Sanskrit word "Kasmalam" meaning dirty, discardable

Yegīrī (யெகிரி)  - To jump  - Derived from Telugu

Bējār (பேஜாறு) - Problem  - Derived from Hindusthani

Figure (பிகர்)  - A beautiful girl  - From English. Used by youngsters

Virching (விற்சிங்) - Thing to be done after searching(Opener)

Correct (கரெக்ட்) (as a verb) - To Impress A Girl. - From English. Used by youngsters

O. C. (ஓ.ஸி) - Free-of-cost  - From English. During East India Company rule, official communication was stamped "Os or stamps. The word "O. C." gradually got to mean something which was offered free-of-cost

Friday, April 21, 2017

கோஹினூர் வைரத்தை மீட்க முடியுமா?

புதுடில்லி: பிரிட்டன் தலைநகர் லண்டனில் தற்போது உள்ள, இந்தியாவுக்கு சொந்தமான கோஹினுார் வைரத்தை மீட்க வேண்டும் என்ற வழக்கில், 'வெளிநாட்டில் உள்ள சொத்தை மீட்கும்படி உத்தரவிட முடியாது' என, சுப்ரீம் கோர்ட் கூறியுள்ளது. மீட்க கோரிக்கை: உலகப் புகழ்பெற்ற, 14ம் நுாற்றாண்டைச் சேர்ந்த, கோஹினுார் வைரம், தற்போது, பிரிட்டன் தலைநகர் லண்டனில் உள்ளது. தென்மாநிலத்தில் கண்டெடுக்கப்பட்ட, 108 காரட் எடையுள்ள இந்த வைரம், இந்திய மன்னர்கள் பலருடைய கை மாறி, தற்போது லண்டனில் உள்ளது. இதை மீட்க நடவடிக்கை எடுக்க வேண்டும் என, பல காலமாக கோரிக்கைகள் வைக்கப்பட்டு வருகின்றன. கேள்வி: இந்த வைரத்தை மீட்பதற்கான நடவடிக்கை எடுக்க, மத்திய அரசுக்கு உத்தரவிடக் கோரி சுப்ரீம் கோர்ட்டில் வழக்கு தொடரப்பட்டிருந்தது. வைரத்தை மீட்பது குறித்து மத்திய அரசின் நிலைப்பாடு என்ன என்று, சுப்ரீம் கோர்ட், முன்பு கேள்வி எழுப்பியிருந்தது. 'வைரத்தை மீட்க நடவடிக்கை எடுக்கப்பட்டு வருவதாக' மத்திய அரசு தரப்பில் தெரிவிக்கப்பட்டது. மனு தள்ளுபடி: இந்த நிலையில், இந்த வழக்கில், தலைமை நீதிபதி, ஜே.எஸ்.கேஹர் தலைமையிலான அமர்வு நேற்று அளித்த தீர்ப்பில் கூறியுள்ளதாவது: வெளிநாட்டில் உள்ள சொத்தை மீட்கும்படி கோர்ட்டால் உத்தரவிட முடியாது. இவ்வாறு பல்வேறு நாடுகளில் உள்ள சொத்துக்களை மீட்கக் கோரி பல வழக்குகள் தொடரப்பட்டுள்ளன.

இதில் கோர்ட் தலையிட முடியாது என்று தெரிந்தும், இவ்வாறு வழக்கு தொடரப்பட்டுள்ளது. கோஹினுார் வைரத்தை மீட்க நடவடிக்கை எடுத்து வருவதாக, மத்திய அரசு கூறியுள்ளது. அதனால், இந்த மனு தள்ளுபடி செய்யப்படுகிறது. இவ்வாறு அமர்வு கூறியுள்ளது.

ஜெயலலிதா மரணத்தின் 14 ரகசியங்கள்!

தமிழக முதல்வராக இருந்த ஜெயலலிதாவின் மரணம் குறித்த சந்தேகங்கள் எதுவும் முடிவுக்கு வரவில்லை. அ.தி.மு.கவின் இரண்டு அணிகளும் இணைவதில் முட்டுக்கட்டையாக உள்ள வாக்குறுதிகளில் மிக முக்கியமானது, 'ஜெயலலிதா மரணத்துக்கு சி.பி.ஐ விசாரணை கோர வேண்டும்' என்பது. இதற்கு எடப்பாடி பழனிசாமி அரசு தடையாக உள்ளதாக குற்றம் சுமத்துகின்றனர் பன்னீர்செல்வம் அணியினர். "ஒரு மாநிலத்தின் முதல்வருக்கு என்ன ஆனது என்ற உண்மையைக்கூட பொதுமக்கள் அறிந்து கொள்ள முடியாமல் தவிக்கின்றனர். இதன்பின்னணியில் உள்ள மர்மங்களும் படிப்படியாக விலகி வருகின்றன. எங்கள் ஆய்வில் ஏராளமான உண்மைகளைக் கண்டறிந்துள்ளோம்" என்கிறார் மருத்துவர் புகழேந்தி. 

'தமிழக முதல்வர் ஜெயலலிதா, கடந்த 2016-ம் ஆண்டு டிசம்பர் மாதம் 5-ம் தேதி அன்று இரவு 11.30 மணிக்கு மாரடைப்பால் (Cardiac Arrest) சென்னை அப்போலோ மருத்துவமனையில் காலமானார்' என்று அந்த மருத்துவமனை அதிகாரப்பூர்வமாக அறிவித்தது. அவரது மரணம் நிகழ்ந்து 60 நாட்களுக்குப் பிறகே பத்திரிகையாளர்களை சந்தித்தனர் டாக்டர் ரிச்சர்ட் பெய்ல் உள்ளிட்ட மருத்துவக் குழுவினர். மக்களின் சந்தேகத்தைப் போக்குவதற்காக கூட்டப்பட்ட இந்த சந்திப்பின் நோக்கம் நிறைவேறவில்லை. பத்திரிகையாளர் சந்திப்பில் பேசப்பட்ட விஷயங்களை வைத்தே, சில உண்மைகளை வெளி உலகின் கவனத்துக்குக் கொண்டு வந்தனர் மருத்துவர்கள் புகழேந்தி மற்றும் ரமேஷ் ஆகியோர். இந்நிலையில், கடந்த மார்ச் 6-ம் தேதி தமிழக சுகாதாரத்துறை செயலாளர் ஜெ.ராதாகிருஷ்ணன், டெல்லியில் நடந்த பத்திரிகையாளர் சந்திப்பில் எய்ம்ஸ் மருத்துவர்களின் அறிக்கையை வெளியிட்டார். " இதுவரையில் வெளிவராத முதல்வரின் நோய் மற்றும் சிகிச்சை குறித்தான பல புதிய தகவல்களை உள்ளடக்கியதாக அந்த அறிக்கை அமைந்தது. சில தகவல்கள் முழுமை இல்லாமல் முரண்டுபாடுகளுடன் இருந்தாலும் வெளிச்சத்துக்கு வந்துள்ளதை வரவேற்க வேண்டும். முதல்வர் மரணம் தொடர்பான எங்களது சந்தேகங்களை உறுதிப்படுத்திக் கொள்ளவும் வாய்ப்பாக அமைந்தது" என விவரிக்க ஆரம்பித்தனர் மருத்துவர் புகழேந்தி மற்றும் ரமேஷ் ஆகியோர். இதுகுறித்து விரிவான ஆய்வுக் கட்டுரை ஒன்றையும் வெளியிட்டுள்ளனர்.

" முதல்வராக இருந்த ஜெயலலிதாவுக்கு தைராய்டு சுரப்பி செயல்பாட்டுக் குறைவு (Hypo thyroidism), சிருசிடு குடல் உபாதை (Irritable Bowel syndrome), தோல் ஒவ்வாமை நோய் (Atopic Dermatitis) அதற்காக அவர் வாய்வழியாக ஸ்டீராயிடு (Steroid) மாத்திரை உட்கொண்டு வந்தது, மைட்ரல் வால்வில் ஏற்பட்ட ஓட்டை, அதில் ஏற்பட்ட படிமம் (Vegetation), சுருங்கும் தன்மையில் மாற்றம் ஏற்படாத இருதய செயல்பாட்டுக் குறைவு (Heart failure with preserved systolic function) எனப் பல விஷயங்கள் தற்போது வெளியில் வந்துள்ளன. டிசம்பர் 3-ம் தேதி முதல்வருக்கு தொண்டையில் சளி அதிகம் சுரந்ததால், இருமல் அதிகமானது. இதனால் அவருக்கு சுவாச உதவி தேவைப்பட்டது என அப்போலா அறிக்கையில் கூறப்பட்டுள்ளது. இதைப் பற்றி லண்டன் மருத்துவர் ரிச்சர்ட் பீலேவோ, பாபு ஆப்ரஹாம் மற்றும் பாலாஜி ஆகியோர் நடத்திய பத்திரிகையாளர் சந்திப்பிலோ எதுவும் பேசவில்லை. மருத்துவமனையில் ஜெயலலிதா அனுமதிக்கப்படுவதற்கு 5-7 நாட்கள் முன்னரே, 'விட்டுவிட்டு காய்ச்சல் இருந்தது' என்றும் 'அதிகமான குடல் ஓட்டம் கூடவே இருந்தது' என்றும் அப்போலோ மற்றும் எய்ம்ஸ் அறிக்கைகளில் குறிப்பிடப்பட்டுள்ளது. மருத்துவமனையில் அனுமதிக்கப்படும்போது அவருடைய சர்க்கரையின் அளவு 560 mg/Dl. ஏன் இந்த அளவு சென்றது? போயஸ் இல்லத்தில் சர்க்கரையை கட்டுப்படுத்த என்ன மருந்துகள் கொடுக்கப்பட்டன? ஏன் சர்க்கரையின் அளவைக் கட்டுப்படுத்த முடியாமல் போனது? சிறுநீர் தொற்றுக்காக வாய்வழியே கிருமிக்கொல்லி மருந்து எடுத்து வந்துள்ள நிலையில் சிறுநீர் தொற்றுக்கும் சர்க்கரை வியாதிக்கும் ஆரம்பத்திலேயே முறையான சிகிச்சை கொடுக்கப்பட்டிருந்தால் அவருடைய மருத்துவ பிரச்சினைகள் தவிர்க்கப்பட்டிருக்கலாம் என்ற மருத்துவரீதியான கேள்விகளுக்கும் இவர்களிடம் பதில் இல்லை" என ஆதங்கப்பட்டார் மருத்துவர் ரமேஷ்.

இதையடுத்து நம்மிடம் பேசிய மருத்துவர் புகழேந்தி, " அப்போலோ மருத்துவமனையின் முதலுதவி மருத்துவர்கள் ஆம்புலன்சில் வந்து அவரைப் பார்த்தபோது இருந்த ஆக்சிஜன் அளவு 48 சதவீதமாக இருந்தது. அனுமதிக்கப்படும்போது அவர் அரைத் தூக்க நிலையில் இருந்தார் என்றும் மூச்சுத்திணறல் அதிகம் இருந்தது என்றும் மருத்துவ அறிக்கையில் தெளிவாக உள்ளது. அனுமதியின்போது முதல்வரின் ஆக்சிஜன் அளவு ஏன் 48 சதவீதமாகக் குறைந்தது? போயஸ் இல்ல மருத்துவமனையில் ஆக்சிஜனை அளக்கும் கருவியோ, ஆக்சிஜன் செலுத்தும் கருவியோ இல்லையா? முதல்வரின் உடல் நலன் குறித்து அவரது மருத்துவர்கள் பின்பற்ற வேண்டிய விதிமுறைகள் (Protocols) உண்டுதானே? அவை முறையாக பின்பற்றப்பட்டதா? அந்த குறிப்புகள் பொது மக்கள் பார்வைக்கு வந்தால் சந்தேகங்கள் உடனடியாகத் தீரும் அல்லவா? போயஸ் இல்லத்தில் அவர் இருக்கும்போதே சிறுநீர் தொற்று பிரச்னை இருந்துள்ளபோது கடைபிடிக்கப்பட்டு வந்த மருத்துவ பரிசோதனைகள், மருந்து விபரங்கள், மருத்துவ சிகிச்சை குறிப்புகள், சிகிச்சை அளித்த மருத்துவர்களுக்கு அது நிச்சயம் தெரிந்திருக்கும்நிலையில், இதுபற்றி அப்போலோ மருத்துவர்களும் கேட்டுப் பெற்றார்களா? எவையெல்லாம் போயஸ் இல்ல மருத்துவமனையில் உள்ள மருத்துவர்களால் கண்காணிக்கப்பட்டது? முறையாக கட்டுப்படுத்தப்படாத சிறுநீர் தொற்றின் காரணமாகவும் கட்டுப்படுத்தப்படாத சர்க்கரை அளவின் காரணமாகவே அவருக்கு ஏற்பட்ட பிரச்சினைகளுக்குக் காரணம் எனும் வாதத்திற்கான பதிலை எப்படி அடைவது? போயஸ் இல்ல மருத்துவ குறிப்புகளையும், அனுமதியின்போது அப்போலோவில் பதிவான குறிப்புகளையும் ஒளிவு மறைவின்றி ஒப்பிடும்போதே உண்மை வெளிச்சத்துக்கு வரும்" என்றவர், ஜெயலலிதா மரணம் தொடர்பான புதிய தகவல்களைப் பட்டியலிட்டார்.

1. மருத்துவமனையில் எடுக்கப்பட்ட ரத்த பரிசோதனையில் என்டெரெக்காக்கஸ்(Enterococcus) கிருமி ரத்தத்தில் இருப்பது கண்டுபிடிக்கப்பட்ட நிலையில் ஒருவாரம் காய்ச்சலால் பாதிக்கப்பட்ட முதல்வருக்கு ரத்த கல்ச்சர் (Blood Culture) அனுமதிக்கப்படுவதற்கு முன்னரே செய்தார்களா? ஒருவேளை அப்படி செய்திருக்கும்பட்சத்தில் முன்கூட்டியே உரிய சிகிச்சை அளிக்கப்பட்டிருப்பதற்கான வாய்ப்பை அது கொடுத்திருக்கும்.

2. சிகிச்சைக்காக அனுமதித்த நேரத்தில், முதல்வரின் ரத்த அழுத்தம் குறைவாக இருந்ததென்று எய்ம்ஸ் அறிக்கையில் குறிப்பிடப்பட்டுள்ளது. அப்போலோ அறிக்கையில் அது கூடுதலாக இருந்ததென்றும் (போயஸ் இல்லத்தில் 140/70, தீவிர சிகிச்சை அறையில் 140/100) முரண்பட்ட தகவல்கள் பதிவாகியுள்ளன. ஏன் இந்த வேறுபாடு?

3. எய்ம்ஸ் மருத்துவர்கள் முதன்முதலில் முதலமைச்சரை பரிசோதித்தது 05.10.2016 எனும்போது, அப்போல்லோ மருத்துவர்கள்தான் மேற்படி இரத்த அழுத்தம் குறித்தான தகவலைக் கொடுத்திருக்க வேண்டும். எய்ம்ஸ் அறிக்கையில் ரத்த அழுத்தம் குறைவாக இருந்தது எனப் பதிவானது? இதன் நீட்சியாக எய்ம்ஸ் அறிக்கையில் ரத்த அழுத்தத்தை கூட்டுவதற்கான மருந்துகள் (Inotropic agents) மருத்துவமனைக்குள் அனுமதித்தபோதே கொடுக்கப்பட்டது என இருப்பதும் அப்போலோ அறிக்கையில் அது விடுபட்டிருப்பதும் ஏன்?

4. அப்போலோ அறிக்கையின் முதல் பக்கத்தில் அவருக்கு ஃபர்ஸ்ட் டிகிரி ஏவி பிளாக்(first degree AV block) இருந்ததென்றும் நான்காம் பக்கத்தில் 'செகண்ட் டிகிரி ஏவி பிளாக், விட்டுவிட்டு இருந்தது' என்றும் (AV block என்பது இ.சி.ஜி.யில் இருதயத் துடிப்பில் ஏற்படும் மாற்றம்) முரண்பட்ட தகவல் உள்ளது. அப்போலோ அறிக்கையில் முதல் பக்கத்தில் ஏன் Second degree AV block பதிவாகவில்லை?

5. 'இருதயத்துடிப்பு நின்றபின் முதல்வருக்கு உடனடியாக அவசர இருதய, நுரையீரல் மீட்கும் பணி (CPR) 20 நிமிடம் கொடுக்கப்பட்டது' என அப்போலோ மருத்துவர்கள் கூறி வந்த நிலையில், எய்ம்ஸ் அறிக்கையில் 'அது 45 நிமிடம்' என பதிவாகியுள்ளது. அதே பத்திரிக்கையாளர்கள் சந்திப்பில், எக்மோ கருவி (ECMO) முதல்வரின் அறையிலேயே இருந்ததாகவும் அங்கேயே அது பொருத்தப்பட்டதென்றும் மருத்துவர்கள் கூறிவந்த நிலையில், எய்ம்ஸ் அறிக்கையில், 'அவரது உடலை குறைவெப்ப நிலைக்கு (hypothermia) கொண்டுசென்றனர்' என்றும் 'அவருக்கு தொடர் ரத்த சுத்திகரிப்பு செய்யப்பட்டதென்றும் (Continous haemo dialysis), திறந்த இருதய மசாஜ் (Open cardiac massage) அளிக்கப்பட்டதென்றும், செயற்கை துடிப்பான்(பேஸ்மேக்கர்) இருதயத்தின் வெளிப்பகுதியில் பொருத்தப்பட்டதென்றும் (External Pacemaker) அன்றைக்கு முதல்வர் இரவு 09:30 மணிக்கு அறுவை சிகிச்சை அறைக்குக் கொண்டு செல்லப்பட்டார் என்றும் கூறப்பட்டுள்ளது.

6. டிசம்பர் 4-ம் தேதி மாலை 04.20 மணிக்கு தொலைக்காட்சியில் நிகழ்ச்சி ஒன்றை முதல்வர் பார்த்துக்கொண்டிருக்கும்போது, பணி மருத்துவரும் சசிகலாவும் அந்த அறையில்தான் இருந்துள்ளனர். அவருக்கு திடீரென்று இருதயத் துடிப்பு நின்றுபோய்விட்டதாக, பிப்ரவரி 6-ம் தேதி நடந்த பத்திரிகையாளர் சந்திப்பில் அப்போலோ மருத்துவர்கள் கூறிவந்த நிலையில், சமீபத்திய அப்போலோ அறிக்கை பக்கம் 11-ல் அவருக்கு இருதயத் துடிப்பில் சிறு மாற்றம் நிகழ்ந்ததாகவும் (Unsustained Ventricular Tachycardia) அதன் காரணமாக அவருக்கு ஊசி மூலம் மெக்னீசியம் சல்பேட் ரெண்டு கிராம் செலுத்தப்பட்டதாகவும் அதன்பிறகு சிறு இடைவேளைக்குப்பின், (நேரம் குறிப்பிடப்படவில்லை) மீண்டும் அவருக்கு இருதயத் துடிப்பில் சிறு மாற்றம் ஏற்பட்டு, பின்னர் அது மோசமான பாதிப்பிற்கு (Ventricular fibrillation) அவரை இட்டுச்சென்றது என்றும் மேற்படி அறிக்கையில் உள்ளது. அப்போது எடுக்கப்பட்ட இரத்தப் பரிசோதனையில் (Venous Blood Gas Analysis) பொட்டாசியத்தின் அளவு 6.2 meq/Dl இருந்தது தெரிய வந்துள்ளது. (வழக்கமாக இருக்கவேண்டிய அளவு 3.5 லிருந்து 5.5 meq/Dl வரை) ஆக பொட்டாசியம் அளவு கூடியதன் காரணமாக ஏன் இருதயத் துடிப்பு செயலிழந்து போனது (Cardiac arrest) காரணமாக இருக்கக்கூடாது? இருதயத்துடிப்பில் ஏற்பட்ட மாற்றம் அவருக்கு முன்னரே நிகழ்ந்துள்ள நிலையில், (அப்போலோ அறிக்கை பக்கம் 9,10) உரிய மருத்துவக் கண்காணிப்பு இல்லாமல் ஜெயலலிதா இருந்தாரா என்ற சந்தேகமும் எழுகிறது.

7. முதல்வருக்கு தவறான சிகிச்சை அளிக்கப்பட்டது என்ற குற்றச்சாட்டை மறுத்து சுகாதாரத்துறை செயலர் ராதாகிருஷ்ணன் பேசும்போது, சர்க்கரை வியாதிக்கு 20 வருடகாலம் அவர் மாத்திரை உட்கொண்டு வந்தார் என்கிறார். அந்த மாத்திரையின் பெயரை அவர் குறிப்பிடாதது ஏன்? உயர் இரத்த அழுத்தத்தைக் கட்டுப்படுத்த அவருக்கு பீட்டா பிளாக்கர்ஸ் (Beta Blockers) மற்றும் பிற மாத்திரைகள் கொடுக்கப்பட்டது எனக் குறிப்பிடும் அறிக்கை, 'எவ்வளவு காலம் அவர் அதை சாப்பிட்டார்?' எனக் கூறவில்லை. மாத்திரை உட்கொண்ட காலத்தை குறிப்பிடத் தெரிந்த இவர்களுக்கு மாத்திரை பெயரைக் குறிப்பிடவேண்டும் எனத் தெரியாதா? தைராய்டு பாதிப்புக்கும் தோல் ஒவ்வாமைக்கும் சிடுசிடு குடல் உபாதைக்கும் கூட எவ்வளவு காலம் மாத்திரை உட்கொண்டார் என்ற தகவல் இல்லை.

8. முதல்வரது எடை 106 கிலோ, உயரம் 5 அடி என எய்ம்ஸ் அறிக்கையில் உள்ளது. இந்த அடிப்படை மருத்துவ பதிவுகள் கூட அப்போலோ அறிக்கையில் இல்லை. ஏன்?

9. முன்னால் முதல்வர் பன்னீர் செல்வம் அணியில் உள்ள பி.எச்.பாண்டியன் பேசும்போது, ' முதல்வரின் சர்க்கரை நோய் சிகிச்சைக்கான மருத்துவர் சந்தாராம், முதல்வர் உட்கொள்ளும் சர்க்கரை நோயைக் கட்டுப்படுத்தும் மருந்தால் (Pioglitazone, Rosiglitazone?) அவருக்குப் பக்கவாதம் ஏற்படவாய்ப்புள்ளது என்பதை தெரியப்படுத்தியதன் காரணமாகவே 2016 மே மாதத்துக்குப்பின், சிகிச்சை பெறுவதற்கு மறுக்கப்பட்டார்' என்ற குற்றச்சாட்டை வைத்துள்ள நிலையில், முதல்வர் சர்க்கரை நோயைக் கட்டுப்படுத்த 20 வருட காலம் அவர் என்னென்ன மாத்திரைகள் உட்கொண்டு வந்தார் எனத் தெளிவுபடுத்துவதுதான் தவறான சிகிச்சை அவருக்கு அளிக்கப்பட்டதா என்ற கேள்விக்கான விடையைக் கொடுக்கும். எயிம்ஸ் மருத்துவர்களின் அறிக்கையிலும் கூட சர்க்கரை வியாதிக்கு 20 வருட காலம் அவர் என்னென்ன மாத்திரைகள் உட்கொண்டு வந்தார் எனக் குறிப்பிடவில்லை. Pioglitazone, Rosiglitazone மாத்திரைகள்கூட பின்விளைவாக இருதயத் துடிப்பில் மாற்றத்தை ஏற்படுத்தும் என மருத்துவ ஆய்வுகளில் தெளிவாக இருந்தும், அது தொடர்பாக கேள்வி எழுப்பாமல் இருந்தது எதனால்?

10. முதல்வருக்கான சிகிச்சையில் இரண்டு விஷயங்களை பார்க்கும்போது அது உண்மை அல்ல என்றே நினைக்கத் தோன்றுகிறது. மைட்ரல் வால்வில் ஏற்பட்ட பிரச்சினையை எப்படி கையாள்வது என்பதில் வேறுபாடு இருந்துள்ளது. அப்போலோ மருத்துவர்களிடம், அறுவை சிகிச்சை மூலம் கையாளவேண்டும் என்ற எண்ணமே மேலோங்கி இருந்தது. எயிம்ஸ் மருத்துவர்களோ, முந்தைய / தற்போதைய எக்கோ கார்டியோ கிராம் முடிவுகளை வைத்து கசிவில் பெருமளவு மாற்றம் இல்லை என்பதை கருத்தில் கொண்டு அறுவை சிகிச்சை உடனடித் தேவையில்லை என்பதை வலியுறுத்தியுள்ளனர். மைட்ரல் வால்வில் ஏன் ஓட்டை (Perforation) ஏற்பட்டது? இரண்டாவது, நுரையீரலின் வெளி அடுக்கில் இருக்கும் நீர்கோர்ப்பை (Pleural effusion) எப்படி சரி செய்வது என்பதிலும் வேறுபாடு இருந்துள்ளதாகத் தெரிகிறது. அதை விரைந்து வெளியில் எடுக்கவேண்டும் என்பது அப்போலோ மருத்துவர்களின் நிலைப்பாடாக இருக்க, எய்ம்ஸ் மருத்துவர்களோ, 'உள்வரும் நீர்க்கோர்ப்பின் அளவைக் காட்டிலும் வெளியேரும் நீரின் அளவு சற்று அதிகமாக இருந்தாலே போதுமானது' என உறுதியாக இருந்தனர்.

11. 'செப்டம்பர் 24 அன்று அவரது மூச்சுத் திணறல் பெரிதளவு குறையவில்லை. வேகமான மூச்சிரைப்பும் ஆக்சிஜன் தேவையும் சற்று குறைந்திருந்தன' என்றே குறிப்பிடப்பட்டுள்ளது. முந்தைய நாளில் குறைந்துபோன இருதயத்துடிப்பைக் கூட்ட டோப்பமின் ஊசி மருந்தும் குறைந்துபோன ரத்த அழுத்தத்தைக் கூட்ட நார் அட்ரினலின் ஊசி மருந்தும் கொடுக்கப்பட்டது என இருக்கையில், செப்டம்பர் 23 அன்று எடுக்கப்பட்ட நெஞ்சு எக்ஸ்ரேயில் இருபுற நுரையீரல்களின் நடு மற்றும் அடிப்பகுதிகளில் நீர் கோர்த்திருந்தது என இருக்கும்போது, 'வழக்கமான உணவை அவர் உட்கொண்டார்' என அப்போலோ அறிக்கை கூறுவதில் சந்தேகம் எழுகிறது. எய்ம்ஸ் அறிக்கையில் அவருக்கு மூச்சுக்குழாய் சுருங்கியதன் விளைவாக திரும்பத் திரும்ப மூச்சுத்திணறல் ஏற்பட்டிருக்கிறது எனக் குறுப்பிடப்பட்டுள்ளது. மேலும் இரண்டு நுரையீரல்களின் வெளி அடுக்கில் நீர் சுரந்திருந்தது (Bilateral Pleural Effusion) எனக் குறிப்பிடப்பட்டுள்ளது. இச்சூழலில் அவர் வழக்கமான உணவை உட்கொண்டதற்கான வாய்ப்பு மிகவும் குறைவு.

12. முதலமைச்சருக்கே இரத்த சோகை இருந்தது என்பதுதான் அதிர்ச்சியளிக்கிறது. மருத்துவமனைக்குள் அனுமதிக்கப்பட்டபோது, '10 என்ற அளவில் இருந்த ஹீமோகுளோபின் அளவு, படிப்படியாக குறைந்து 6.8 grams/Dl ஆக குறைந்தது' என்று மருத்துவ அறிக்கை பக்கம்7-ல் குறிப்பிடப்பட்டுள்ளது. அவரது இருதய செயல்பாட்டுக் குறைவுக்கு இரத்த சோகையும் கூட ஒரு காரணமாக இருக்கலாம். பத்து கிராம் என்பது சற்றுக் குறைவுதான் என இருக்கையில் போயஸ் இல்லத்தில் அவருக்கு அப்பரிசோதனை மேற்கொள்ளப்பட்டதா? அதன் முடிவு என்ன? இரத்த சோகைக்குக் கூட பரிசோதித்து, அதற்கான சிகிச்சையை போயஸ் இல்லத்தில் அளித்திருக்க முடியாதா என்ற கேள்வியும் எழுகிறது.

13. முதல்வருடைய இருதயத் துடிப்பில் மாற்றம் என்பது பலதடவை அவருக்கு வந்து போயுள்ள நிலையில், அது மோசமான நிலைக்கு இட்டுச்செல்ல வாய்ப்பில்லை என்பதை எப்படி உறுதி செய்தார்கள்? 04.12.2016 அன்று ஏற்பட்ட இதய முடக்கத்தின் முன்னோட்டமாக ஏன் அது இருந்திருக்கக் கூடாது? 29.11.2016 அன்று அவருக்கு பலமுறை (PVC) வந்து போனது பதிவாகியுள்ள நிலையில், அவரை மீண்டும் தீவிர சிகிச்சை அறைக்கு ஏன் மாற்றவில்லை?

14. இரத்தத்தில் உள்ள பொட்டாசியம் அளவின் மாற்றம், குறிப்பாக உயர் அளவு இருதயத் துடிப்பை செயலிழக்கும் தன்மை (Cardiac arrest) கொண்டது. அவருக்கு இருதயத் துடிப்பில் மாற்றம் அடிக்கடி வந்து போயுள்ள நிலையில், குறிப்பாக இரத்தத்தில் உள்ள பொட்டாசியம், கால்சியம், பிற தேவையான விஷயங்கள் அளக்கப்பட்டு, தேவைக்கேற்ப உரிய சிகிச்சை அளிக்கப்பட்டதாக, அறிகையில் இடம்பெற்றுள்ளது. டிசம்பர் 3-ம் தேதி காலையில் அது உயர் விளிம்பிற்கு சென்றுள்ளது. அதற்காக மருந்துகளில் மாற்றம் செய்யப்பட்டு உரிய சிகிச்சை அளிக்கப்பட்டதால் மறுநாள் காலை அது வழக்கமான அளவை எட்டியது. அன்று மாலை 04:20 மணிக்கு அவருக்கு இருதயத் துடிப்பு செயலிழந்த பாதிப்பு, (Cardiac arrest) ஏற்பட்டபின் செய்த இரத்தப் பரிசோதனையில் (Venous Blood Gas Analysis)-ல் பொட்டாசியத்தின் அளவு 6.2 என இருந்ததால் அதைக் குறைப்பதற்காக, கால்சியம் குளூக்கோனெட், இன்சுலின்/டெக்ஸ்ட்ரோஸ், பை கார்பனேட் சிகிச்சை அளிக்கப்பட்டது.

இவையனைத்தும் இரத்தத்தில் உள்ள பொட்டாஷியத்தின் அளவை குறைக்க கொடுக்கப்பட்ட சிகிச்சைகள். எனவே, இருதயத் துடிப்பு செயலிழந்து போனதற்கு உயர் பொட்டாசிய அளவு ஏன் காரணமாக இருக்கக்கூடாது? டிசம்பர் 3-ம் தேதி காலையில் அவருக்கு பொட்டாஷியத்தின் அளவு உச்சத்தை எட்டிய நிலையில், அவரை ஏன் தீவிர சிகிச்சைப் பிரிவுக்கு மாற்றவில்லை. இதில், மருத்துவமனையின் நடவடிக்கைகள் சந்தேகத்தை வலுப்படுத்துகிறது. பிப்ரவரி 6 அன்று நடந்த பத்திரிக்கையாளர் சந்திப்பில், இருதயத்துடிப்பு செயலிழந்து போனதற்கு பொட்டாஷிய அளவு காரணமா? என்று கேள்வி எழுப்பியபோது, அன்று காலை செய்த பரிசோதனையில் இரத்தத்தில் பொட்டாசிய அளவு வழக்கமானதாக இருந்தது என்று பாபு ஆபிரகாம் பதிலளித்தார். ஆனால், முந்தைய நாளில் வழக்கமான அளவின் உச்சத்தை அது எட்டியிருந்தது என்பதையும், இதய முடக்கம் வந்தபின் அதன் அளவு அதிகரித்தது (6.2 meq/Dl) என்பதையும் ஏன் மறைக்க வேண்டும்? - எனப் பட்டியலிட்டவர், " ஒரு மாநிலத்தின் முதல்வர் எப்படி இறந்தார் என்பதை அறிந்து கொள்ளும் உரிமை மக்களுக்கு இருக்கிறது. பொதுமக்கள் மத்தியில் தீவிர சந்தேகம் வலுத்தநிலையில்தான், அறிக்கை வடிவில் பல்வேறு உண்மைகள் வெளிவந்தன. ஜெயலலிதா அவர்களின் மரணத்தில் சி.பி.ஐ விசாரணை வேண்டும் என்ற கோரிக்கையும் வலுப்பெற்று வருகிறது. முதல்வரின் மரணத்துக்குக் காரணமான திடீரென இதயத் துடிப்பு நின்றுபோனதற்கான காரணத்தை அறிவியல் மற்றும் சட்டரீதியாக அணுகுவதுதான் பொதுமக்கள் மத்தியில் நிலவும் சந்தேகத்தை தீர்க்கும் ஒரே வழி" என்றார் வேதனை கலந்த முகத்துடன்.  #VikatanExclusive

Saturday, December 31, 2016

புற்றுநோய்.. நாதியற்று செத்துப் போன..காந்திமதி..!!

நாதியற்று செத்துப் போன..காந்திமதி..!!

மனோரமா ஆட்சி திரையுலகில் அசத்திக் கொண்டிருந்த காலகட்டத்தில் தான் நடிகை காந்திமதியும் தூள் கிளப்பிக் கொண்டிருந்தார். இருவருமே நாடக மேடையில் பட்டை தீட்டப்பட்ட வைரங்கள்.

மனோரமா ஆட்சி, சிவாஜி, எம்.ஜி.ஆர்., ஜெமினி என்று பரபரப்பாக இருந்தபோது, முத்துராமன், ஏ.வி.எம்.ராஜன் போன்ற ஹீரோக்கள் படத்தில் திகு திகுவென நடித்து கொண்டிருந்தார் காந்திமதி.

1980 காலகட்டத்தில் சுருளிராஜன் எனும் நகைச்சுவை பிரளயம் ஒன்று வந்து திரை ரசிகர்களை துவம்சம் செய்து கொண்டிருந்தது. கதாநாயகன் ரேஞ்சுக்கு உயர்ந்தார் சுருளிராஜன். அவருக்கு ஜோடியாக காந்திமதி வெளுத்து கட்டினார்.

மாந்தோப்புக் கிளியே படம் சுருளி, காந்திமதி ஜோடிக்காகவே வெள்ளிவிழா ஓடிய படம். தொடர்ந்து சுருளி&காந்திமதி ஜோடி பட்டையை கிளப்பியது. சுருளிராஜன் காந்திமதி இல்லாத படங்களே இல்லை.

காந்திமதி பணம், புகழ் கொட்டியது. இங்குதான் அவரது சோக வாழ்க்கையும் துவங்கியது. திருமணம் செய்து கொள்ளவில்லை. உறவினர்களை நம்பினார்.

அவர்கள் கடைசிவரை துணை இருப்பார்கள் என்று நம்பிவிட்டார் காந்திமதி. இதயக் கோளாறு, புற்றுநோயால் பாதிக்கப்பட்டார்.

மருத்துவமனையில் சிகிச்சை பெற்று வந்த காந்திமதி, வடபழனியில் உள்ள தனது வீட்டில் (09.09.2011) வெள்ளிக்கிழமை காலமானார்.

பாரதிராஜாவின் முதல் படமான 16 வயதினிலே படத்தில் மயிலின் அம்மாவாக தோன்றி.. எப்படி பொசுக்கென்று செத்துப் போவாரோ, அப்படித்தான் இவரது வாழ்க்கையும் ஆனது.

வயது ஆக… நடிப்பதை கொஞ்சம் கொஞ்சமாக நிறுத்திக் கொண்டார். உதவிக்கு உறவினர்கள் சிலர் வந்து போய் இருந்தாலும்… உரிமையுடன் பார்த்து கொள்ள ஒரு பிள்ளை வேண்டுமல்லவா?

இங்கு தான் சிக்கல். நிறைய நடிகைகள் தனக்கென்று ஒரு குடும்பம், வாழ்க்கை என்றும் அமைத்துக் கொள்ளாமல், உறவினர் வீட்டு குழந்தைகளை வளர்க்க ஆரம்பித்து அவர்கள் வளர்ந்து.. சொந்த தாய் தகப்பனோடு தனி வாழ்க்கையோடு போய் விடுகிறார்கள்.

நம்பிய நடிகைகள் இறுதி காலத்தில் தவித்த வாய்க்கு தண்ணீர் தர ஆள் இல்லாமல், பணவசதியும் இல்லாமல் அனாதையாக செத்து போய் விடுகிறார்கள்.

காந்திமதி அம்மாவுக்கும் அதுதான் நிலைமை… வாழ்க்கை பூராவும் சிரிக்க வைத்த காந்திமதி அம்மா.. அழுது அழுது செத்துப் போனது கொடுமையிலும் கொடுமை…!